نااهل شخص جي پارٽي صدارت خلاف پ پ جو قومي اسيمبليءَ ۾ پيش ڪيل بل رد، قانون واري وزير بل جي مخالفت ڪري ڇڏي، شاهه محمود قريشي جي تقرير دوران ن ليگ ميمبرن جو گوڙ، ايوان ۾ 163 ميمبرن بل جي حمايت، جڏهن ته 98 ميمبرن ان جي مخالفت ڪئي. پ پ اڳواڻ نويد قمر قومي اسيمبليءَ ۾ نواز شريف جي پارٽي صدارت خلاف بل پيش ڪيو، شاهه محمود قريشي ڳالهائڻ جي ڪوشش ڪئي ته اسپيڪر کيس گهڙي گهڙي روڪيو.اهو اسان جو حق آهي ته بل کي رد ڪري، اهو مخالف ڌر جو گڏيل بل آهي، حڪومت گهٻرائي ڇو رهي آهي: شاهه محمود قريشي، نااهل شخص ٻاهر ويهي سربراهه جي طور تي پاليسي ڊڪٽيٽ ڪري، اهو مناسب ناهي، اهو آئين جي روح خلاف آهي، تنهن ڪري اسان ترميم پيش ڪرڻ مناسب سمجهيو: پ پ پ،،، پ پ پ طرفان قومي اسيمبليءَ ۾ پيش ڪيل بل ايوان ۾ 163 ميمبرن بل جي حمايت، جڏهن ته 98 ميمبرن ان جي مخالفت بجلي جو وڌيڪ بل اماڻيندڙ عملي کي ٽي سال سزا ملندي، قومي اسيمبلي ۾ بل منظور ڪري ڇڏيو، هتي سڀ جاهل ويٺا آهن ڇا؟ پيپلزپارٽي جو ميمبر سيد نويد قمر ان بل جي منظوري کان اڳ اعتماد ۾ نه وٺڻ ۽ بنا پڙهڻ جي پيش ڪرڻ تي ڪاوڙ ۾ اچي ويو ايوان ۾ اويس لغاري رٿ پيش ڪئي ته رولز معطل، رٿ منظور ***سنڌ حڪومت ڪم ئي نٿي ڪري، سپريم ڪورٽ ڪراچي جي حالت تي ناراض، سنڌ سرڪار ڪم نه ٿي ڪري، نتيجو ڪهڙو نڪرندو “هنڌ هنڌ تي کوٽائي جي ڪري هيڏانهن هواڏنهن گهمڻو پوي ٿو: سپريم ڪورٽ طرفان ڪراچيءَ ۾ کوٽائي تي ڪاوڙ جو اظهار، سمورو شهر گند جي ڍيرن ۾ تبديل ٿي چڪو آهي، ڪراچي جو ڇا ٿيندو، ڇا هر وقت کوٽيل رهندو، ڪڏهن اهڙو به وقت ايندو ته ڪراچيءَ جا ماڻهو سولائي سان سفر ڪري سگهندا: ٻڌڻي دوران ريمارڪس *** جنهن انداز سان اسلام آباد ۾ قبضو ٿي رهيو آهي، اهو ڪنهن خاص مقصد لاءِ آهي: رحمان ملڪ، اسلام آباد هاءِ ڪورٽ آرڊر ۾ چيو ته ڌرڻو ختم ڪرايو وڃي، صورتحال ٽڪراءُ ڏانهن وڌي رهي آهي، هن وقت تائين اهو معاملو حل ڪرايو وڃي ها، ماضي جي وڏي ڌرڻي ۾ پ پ پنهنجو ڪردار ادا ڪيو، ان حوالي سان پارليامينٽ کي پنهنجو رول ادا ڪرڻو پوندو، اها صورتحال درست نه آهي ***ايم ڪيو ايم جا پارليمنٽيرينز به مني لانڊرنگ ۾ ملوث آهن: ايف آءِ اي جي رپورٽ، ايم ڪيوايم جي اسيمبلي ميمبرن ۽ سينيٽرن ڊپٽي ميئر ذريعي رقم پرڏيهه اماڻي آهي: ايف آءِ اي جاچ آفيسر، ايم ڪيو ايم ويلفيئر اداري خدمت خلق فائونڊيشن جي فنڊن کي غلط استعمال ڪيو ويو: اسسٽنٽ ڊائريڪٽر رپورٽ پيش ڪري ڇڏي *** آرمي چيف سان چيني نائب پرڏيهي وزير جي ملاقات *** ايم ڪيو ايم ۽ پي ايس پي 12 ربيع الاول تي هڪ ٿينديون: سليم شهزاد جي اڳڪٿي *** سنڌ پوليس کي پاليون ٿا پر ڪجهه به پڇي نٿا سگهون: سهيل انور سيال، سنڌ حڪومت وفاق کي خط لکي ڇڏيو آهي جنهن جو اڃا تائين ڪو جواب نه آيو آهي، عدالتي حڪم مطابق مون وٽ بدلين جا اختيار ناهن، سنڌ سرڪار عدليا جي هر حڪم تي عمل ڪري رهي آهي *** عدالت پاران رائو انوار کي گرفتار ڪرڻ جو حڪم، ٻڌڻي دوران ايس ايس پي ملير رائو انوار ۽ ڊي ايس پي جي پيش نه ٿيڻ تي عدالت پاران ڪاوڙ جو اظهار، سليم شهزاد ڪيس ۾ پيش نه ٿيڻ تي رائو انوار ۽ ڊي ايس پي کي هٿڪڙي لڳائي عدالت ۾ پيش ڪيو وڃي: عدالت *** ڪور ڪمانڊر پشاور طرفان باجوڙ ايجنسيءَ ۾ اڳين مورچن جو دورو *** ڪنهن کي خبر ناهي ته ملڪ ۾ حڪومت ڪير پيو ڪري: فواد چوڌري *** ڀارت اسرائيل سان 50 ڪروڙ ڊالر جو اهم دفاعي ٺاهه رد ڪري ڇڏيو *** “نيڻن جا ڪڪر برسيا هوندئي سُڏڪن ۾ ته ساريو هوندئي،مونکي نه وساريو هوندئي مونکي ته پڪاريو هوندئي، رشيد راڄڙ کي سنڌ واسين پاران سينا سُڏڪيل اکڙين مان لڙڪن جي ڀيٽا، سنڌ جي ارڏي صحافي رشيد راڄڙ جي سوڳوار تڏي تي سنڌ جي ڪنڊ ڪڙڇ مان وفدن جي آمد جاري، ڳوٺ رمضان راڄڙ ۾ سندس ٽيجهو اڄ ٿيندو، سنڌ جي صحافت ۾ نوان لاڙا پيدا ڪيا، هن جي سياسي ۽ صحافتي ڄمار مظلوم ماڻهن جي حقن جي حاصلات لاءِ هلچل واري رهي: نثار کهڙو، رشيد راڄڙ سنڌ پرست شخصيت آهي ان جون خدمتون ڪڏهن به وسارڻ جهڙيون ناهن، هن سدائين سچ جو ساٿ ڏنو آهي: سيد سردار شاهه، سگهاري آدرشن واري ٻلهه سان رشيد راڄڙ پنهنجي بيماري کي پاڻ تي حاوي ڪري ڪڏهن به پاڻ کي ڪمزور نه ڏيکاريو: عبداش پنهور، سموري ڄمار رشيد ساٿي رهيو ساٿي آهي ۽ ساٿي رهندو، هن جي عظيم آدرشن کي اسان ڪڏهن به پنهنجو پاڻ کان پري نٿا ڪري سگهون: لالا رحمان سمون، رشيد راڄڙ سموري ڄمار جاکوڙ ۽ جدوجهد ۾ گذاري هن سياست ڪئي ته به سنڌ جي مظلوم ماڻهن جي لاءِ ۽ سنڌ ڌرتي جي حقن لاءِ هن صحافت ڪئي: گل محمد جکراڻي ۽ ٻين پاران ڀيٽا پيش ***ظفر الله جمالي ن ليگ بدران پ پ جي حمايت ۾ ووٽ ڏنو، پ پ طرفان پيش ڪيل بل جي ن ليگ سان ئي واسطو رکندڙ ظفر الله جمالي حمايت ڪئي *** آئين ۽ جمهوريت لاءِ جنگ وڙهي رهيا آهيون: سعد رفيق، ڪجهه ماڻهن جو فيصلو نه مڃينداسين، توهان رڙيون ڪري تاريخ کي تبديل نٿا ڪري سگهو، آئين ۽ جمهوريت لاءِ جنگ وڙهي رهيا آهيون. جيڪو وقت اسان تي آيو آهي اهو پ پ تي به اچي چڪو آهي *** مشرف بينظير ڀٽو ۽ نواز شريف کي ايوان مان ٻاهر رکڻ لاءِ پوليٽيڪل آرڊيننس جاري ڪيو: زاهد حامد، سب ڪميٽي 17 نومبر 2014 تي ان شق کي ڪڍڻ جي منظوري ڏني هئي، مرڪزي ڪميٽي ۾ شامل ڪري رپورٽ شايع ڪئي وئي ***عوام کي طاقت ڏيڻ واري ڳالهه مهل ايوان خالي ۽ هڪ شخص کي بچائڻ لاءِ هائوس فل آهي: عذرا پيچوهو، ايوان ۾ جڏهن قانونسازي ٿي رهي هجي يا عوام کي طاقت ڏيڻ جي ڳالهه ٿي رهي هجي ته هي ايوان خالي هوندو آهي *** پيپلز پارٽي تڪ بندين جي آئيني ترميم جي منظوري اليڪشن بل سان سلهاڙي ڇڏي، جيڪڏهن حڪومت اسان جي بل جي حمايت نه ڪئي ته اسين پنهنجي سينيٽ ۾ حڪمت عملي بڻائينداسين: خورشيد شاهه، اليڪشن بل تي حڪومت سان ڳالهائڻ جي ڏاڍي ڪوشش ڪئي آهي پر هو سمجهن ٿا ته ليڊرشپ جو مسئلو آهي: مخالف ڌر جو اڳواڻ *** اسحاق ڊار کي اشتهاري قرار ڏيڻ جي ڪارروائي شروع ڪرڻ جو حڪم، عدالت ڊار جون حاضري کان آجو قرار ڏيڻ ۽ نمائندو مقرر ڪرڻ جون درخواستون رد ڪري ڇڏيون، اسحاق ڊار جي ميڊيڪل رپورٽ برطانوي قانون مطابق به ناهي، ملزم مفرور آهي: نيب پراسيڪيوٽر ***

General

سنڌ حڪومت ڪم ئي نٿي ڪري، سپريم ڪورٽ ڪراچي جي حالت تي ناراض

2017-11-22

 ڪراچي ( م ڊ) سپريم ڪورٽ ڪراچيءَ جي مختلف علائقن ۾ بنا ڪنهن ترتيب جي کوٽائي ڪرڻ تي سنڌ سرڪار ۽ ڊي ايڇ اي تي ڪاوڙ جو اظهار ڪيو آهي.  سپريم ڪورٽ ڪراچي رجسٽري ڊي ايڇ اي سميت مختلف علائقن ۾ اجائي کوٽائي ڪرڻ تي سنڌ سرڪار ۽ ڊي ايڇ اي تي ڪاوڙ جو اظهار ڪيو آهي. ٻڌڻي دوران جسٽس گلزار احمد رمارڪس ڏيندي چيو ته سمورو شهر گند جي ڍيرن ۾ تبديل ٿي چڪو آهي، ڪراچي جو ڇا ٿيندو، ڇا هر وقت کوٽيل رهندو، ڪڏهن اهڙو به وقت ايندو ته ڪراچيءَ جا ماڻهو سولائي سان سفر ڪري سگهندا، ڪڏهن ڪنهن ڪرنل، برگيڊيئر کي خواب ايندو ته معاملو ٺيڪ ٿي ويندو. جسٽس سجاد علي پڇاڻو ڪيو ته ڇا گذري فلائي اوور جو فائدو ٿيو، پنجاب چورنگي انڊر پاس سنڌ سرڪار جو منصوبو هوندو تنهن ڪري دير ٿي رهي آهي، ڊي ايڇ اي ابتو سبتو ڪندو آهي پر ڪم جلدي ختم ڪندو آهي پر سنڌ سرڪار تي ڪم ئي نه ٿي ڪري نتيجو ڪهڙو نڪرندو، ڏيڍ سال ته ٿي ويو آهي، هر هنڌ کوٽائي سبب هيڏانهن هوڏانهن گهمڻو پوندو آهي، جڏهن ته پنجاب چورنگي جي پارڪ گند جو ڍير بڻيل آهي، عدالت خيابان شمشير کي ون وي ڪرڻ جو معاملو الڳ ڪندي ٽه رڪني بئنچ کي موڪلڻ جو حڪم ڏئي ڇڏيو آهي.سپريم ڪورٽ سنڌ جي راڄڌاني ڪراچي جي مختلف علائقن ۾ کوٽائي تي سنڌ حڪومت ۽ ڊي ايڇ اي تي ڪاوڙ جو اظهار ڪيو آهي. سپريم ڪورٽ ڪراچي رجسٽري ڊي ايڇ اي سميت مختلف علائقن ۾ کوٽائي تي سنڌ حڪومت ۽ ڊي ايڇ اي تي ناراضگي جو اظهار ڪيو آهي. ٻڌڻي دوران جسٽس گلزار احمد رمارڪس ڏنا ته سمورو شهر گندگي ۾ تبديل ڪيو ويو آهي، ڪراچي جو ڇا ٿيندو، هر وقت کوٽيل رهندو، ڪڏهن اهڙو وقت به ايندو جڏهن ڪراچي جا ماڻهو سولائي سان سفر ڪري سگهندا، ڪنهن ڪرنل، برگيڊيئر کي سپنو ايندو ته معاملو ٺيڪ ٿي ويندو. جسٽس سجاد علي پڇيو ته گذري فلاءِ اوور جو ڪهڙو فائدو ٿيو، پنجاب چورنگي انڊر پاس سنڌ حڪومت جو منصوبو آهي ان ڪري دير ٿي رهي آهي، ڊي ايڇ اي ابتو سبتو ڪم ڪندي آهي پر ڪم جلدي ختم ڪري ڇڏيندي آهي پر سنڌ حڪومت ته ڪم ئي نٿي ڪري نتيجو ڪهڙو نڪرندو، ڏيڍ سال ٿي ويو هنڌ هنڌ تي کوٽائي جي ڪري هيڏانهن هواڏنهن گهمڻو پوي ٿو، جڏهن ته پنجاب چورنگي جو پارڪ ملبي جو ڍير بڻيل آهي. عدالت خيابان شمشير کي ون وي ڪرڻ جو معاملو الڳ ڪندي ان کي ٽي رڪني بئنچ کي اماڻڻ جو حڪم ڏئي ڇڏيو. هڪ سوال تي هن چيو ته ڪراچي ۾ اسٽريٽ ڪرائيم کي روڪڻ لاءِ اثرائتي حڪمت عملي جوڙي رهيا آهيون.





Sports

لاهور جي فٽبال هائوس تي قبضي خلاف لاڙڪاڻي ۾ احتجاجي مظاهرو

2017-11-06

لاڙڪاڻو(بيورو رپورٽ) لاهور جي فٽبال هائوس تي قبضي خلاف لاڙڪاڻي ۾ ڊسٽرڪٽ فٽبال ايسوسئيشن طرفان شهر جي جناح باغ چوڪ تي هٿن ۾ پلي ڪارڊ ۽ بئنر کڻي احتجاجي مظاهرو ڪري قبضا مافيا خلاف سخت نعريبازي ڪئي وئي. ان موقعي تي اڳواڻن سنڌ فٽبال ايسوسئيشن سنڌ جي جوائنٽ سيڪريٽري عبدالغني ڪنڀر، ضلعي جنرل سيڪريٽري محمد اسماعيل بروهي، وائس چيئرمين محمد يونس بلوچ، عرفان علي گاد، جوائنٽ سيڪريٽري جاويد احمد عباسي، خزانچي احمد علي سومرو ۽ ٻين چيو ته ڪجهه وقت اڳ وفاقي حڪومت هن وقت فٽبال فيڊريشن آف پاڪستان کي معطل ڪيو هو جنهن کان پوءِ لاهور واري مرڪزي آفيس تي بااثر قبضا مافيا ۽ انهن جي ساٿين طرفان قبضو ڪيو ويو آهي، اهڙي عمل سان پوري ملڪ جي فٽبال رانديگرن جي دل آزاري ٿي آهي. اڳواڻن سپريم ڪورٽ آف پاڪستان ۽ هاءِ ڪورٽ لاهور جي چيف جسٽس سميت ٻين اعليٰ اختيارين کي اپيل ڪئي ته لاهور فٽبال هائوس جو قبضو مخدوم فيصل صالح حيات حوالي ڪري پوري ملڪ جي فٽبال رانديگرن ۾ ڇانيل پريشاني ختم ڪئي وڃي ٻي صورت احتجاج جو دائرو وڌايو ويندو.





Entertainment

موسيقي منهنجي رڳ رڳ ۾ سمايل آهي: صبا سحر

2017-11-15

ڪنب(ن هلچل)موسيقي منهنجي رڳ رڳ ۾ سمايل آهي راڳ سان بي انتها محبت ڪندي آهيان ننڍپڻ کان وٺي ڳائڻ جو شوق رهيو سنڌ جي ڪيترن ئي شهرن ۾ ڪلام ڳايا آهن مورو جي راڻي صبا سحر جون ميڊيا سان ڳالهيون هن چيو ته مونکي ننڍپڻ کان وٺي ڳائڻ جو شوق هو هن وقت تائين ڪيترائي البم منهنجا رليز ٿي چڪا آهن جنهن کي ٻڌندڙن تمام گهڻي موٽ ڏني آهي جنهن سان منهنجي حوصلا افزائي وڌي وئي آهي هن چيو ته سينئر فنڪارن حميره چنا عابده پروين ممتاز لاشاري ۽ ٻين سينئر فنڪارن کي موسيقي جو گهر سمجهان ٿي هن هڪ سوال جي جواب ۾ چيو ته ڳائڻ جي سکيا پنهنجي والد محترم کان ورتي هن چيو ته سنڌي سرائڪي ۽ ٻين ٻولين ۾ ڪلام ڪلام ڳايا آهن





Education

جيڪب آباد ۾ مانيٽرنگ ٽيم جا اسڪولن تي ڇاپا، ڪيترائي زبون حال، 70 استاد ۽ 30 نان ٽيچنگ عملو غائب

2017-11-15

جيڪب آباد (ڊر) ڪروڙين رپين اسڪولن جي مرمت ۾ خرچ ڪرڻ جو ڀانڊو ڦاٽي پيو مانٽرنگ ٽيم جا اسڪولن تي ڇاپا مڙئي اسڪول زبون هال بڻيل ،هاءِ ڪورٽ جي جوڙيل ايجوڪيشن مانيٽرنگ ٽيم جا جيڪب آباد، شيرانپور،دائو جهانپور، تاجو ديرو، گلاب ماڙي، ميرانپور ٻرڙو جي 17 بوائيز گرلز پرائمري، مڊل، هاءِ اسڪولن تي اوچتا ڇاپا، 70 استاد، 30 نان ٽيچنگ عملو ڊيوٽين تان غير حاضر، دائو جهانپور پرائمري اسڪول ۾ 10 چوڪيدار مقرر، تاجو ديرو اسڪول گذريل 5 سالن کان بند، گلاب ماڙي ۾ هڪ گرلس پرائمري اسڪول سرزمين تان غائب ريڪارڊ ۾ موجود، گلاب ماڙي ۾ ڳوٺاڻن چوڪيدار کي ڊيوٽي ڪرڻ کان ورڪي ڇڏيو، دوري دوران گلاب ماڙي ۾ بنا در، درين، فرنيچر ۽ بانڊري وال کان محروم نياڻن جو اسڪول موجود، اسڪولن جي تباهي جا ڀوائتا منظر، مانيٽرنگ ٽيم حيران پريشان خبر موجب : ايجوڪيشن مانيٽرنگ ٽيم ايڊوڪيٽ احمد نواز پيچوهو، ڌرتي ٽي وي جي رپورٽر سينئرصحافي اشرف جان بروهي جي اڳواڻي ۾ پهريون ڇاپو ريلوي گرلس مڊل ۽ پرائمري اسڪول تي هنيو هيڊ ماسترياڻي به غير حاضر جتي 13 ليڊي ٽيچرس مان فقط هڪ ٽيچر موجود هئي سڀئي ڪلاس شاگردياڻين سان ڀريل هئا جيڪي بنا ٽيچر جي هلي رهيا هئا جڏهن ته هڪ پرائيويٽ ليڊي ٽيچر ٽيم کي ڏسي موقعي تي فرار ٿي وڃڻ ۾ ڪامياب جڏهن ته اسڪول جا چوڪيدار پٽيولا ڊيوٽين تان غائب هجڻ ڪري اسڪول جون شاگردياڻيون صفائي ڪندي ۽ ٻوهاريون ڏيندي نظر آيون، ٻي پاسي ريلوي هاءِ اسڪول ۾ 13 مان 4 استاد حاضر 9 غير حاضر هئا ٽيم جي اطلاع تي هيڊ ماستر اشرف اعواڻ 9 وڳي اسڪول پهتو، هاءِ اسڪول ۾ 142 مان فقط 22 شاگرد حاضر هئا ٻيا ڪلاس روم خالي نظر آيا، ٻي پاسي پرائمري بوائيز ريلوي اسڪول ۾ 15 مان 10 ٽيچر حاضر 5 غير حاضر اسڪول عملي هڪ ڪلاس روم کي اسٽور بڻائي ڇڏيو جڏهن ته پٽيوالن جي هوندي اسڪول جي صفائي لاءِ ايس ايم سي مان 10 هزار روپيه خرچ ڏيکاريو، هوڏانهن سال ۾ ڪروڙين روپيه پگهارن ۽ ايس ايم سي فنڊن تي خرچ ڏيکاريندڙ شيران پور بوائيز اسڪول ۾ 11 استادن مان 7 حاضر 4 غير حاضر هئا ۽ سموري هاءِ اسڪول ۾ فقط 4 شاگرد حاضر هئا اسڪول عملو ٻار اسڪول جي ميدان تي ڪچهرين ۾ مصروف شاگرد ڪٿي آهي ٽيم جو سوال سائين لاباري ۾ مصروف آهي استاد ايس ايم سي جو ريڪاڊ سموري خرچ ٿي ويو ريڪارڊ ڪو نه آهي استاد، هوڏانهن دائو جهانپور بوائيز اسڪول جي 11 ٽيچرن 2 غير حاضر هئا جڏهن ته گرلس پرائمري اسڪول دائو جهانپور ايٽ منور خاصخيلي ۾ اسڪول ۾ 3 ٽيچرس موجود هيون جڏهن ته نينگريون پٽ تي ويهي پڙهندي نظر آيو جڏهن ته ٻن ڪمران واري اسڪول ۾ 10 چوڪيدار مقرر ڪيا هئا، هوڏانهن تاجي ديري ۾ سردار تاجو خان اوڍو جي بنگلي ڀر سان قائم مڊل اسڪول 3 سالن کان بند 6 ليڊي ٽيچرس جو عملو گهر ويٺي پگهار کڻڻ ۾ مصروف اسڪول جي بلڊنگ تباهه حال ڪيترن سالن کان بند پيل نظر آئي، هوڏانهن گلاب ماڙي ۾ گرلس پرائمري اسڪول ۾ 4 ليڊي ٽيچرس مان 2 غير حاضر هيون اسڪول بلڊنگ کي بونڊري وال نه هجڻ سبب ڳوٺاڻا اسڪول جي ٻنهي ڪمرن جا در پٽي ويا هئا جڏهن ته اسڪول بلڊنگ ۾ مڪمل زبون حال بڻيل هئي هڪ ڪمري ۾ 9 شاگردياڻين کي فقط ٻه ليڊي ٽيچر پڙهائي رهيون هيون ان موقعي تي دوداپور واسي اسڪول جي چوڪيدار ٻڌايو ته ڳوٺاڻا کيس ڊيوٽي ڪرڻ ڪو نه ڏيندا آهن چوندا هتي عورتون پرديدار آهن تون هتي نه ايندو ڪر هن ٻڌايو ته انهي ڪري اسڪول در پٽجي ويا ۽ فرنيچر چوري ٿي ويو آهي، جڏهن ته گلاب ماڙي مڊل اسڪول ريڪارڊ ۾ ته موجود آهي پر سرزمين تي نظر ئي ڪو نه آيو، جڏهن ته گلاب ماڙي بوائيز پرائمري اسڪول ۾ 10 مان 2 استاد غير حاضر 306 مان فقط 140 شاگرد حاضر هئا، گلام ماڙي مڊل بوائيز اسڪول ۾ 7 مان 5 حاضر 2 غير حاضر شاگرد نالي ماتر نظر آيا، ٻي پاسي ميران پور ٻرڙو هاءِ اسڪول ۾ 10 مان 3 غير حاضر اسڪول ۾ جي فقط هڪ ڪمري ۾ نالي ماتر شاگرد نظر آيا باقي سمورا ڪمرا خالي نظر آيا جڏهن ته ايس ايم سي جو لک روپيه هجڻ باوجود هيڊ ماستر اسڪول جي ڀلائي تي خرچ نه ڪيا ٽيم پاران اسڪول جي بهتر تي خرچ ڪرڻ جو حڪم، جڏهن بوائيز پرائمري اسڪول ۾ 12 مان 3 استاد غير حاضر هئا. جڏهن ته ميرانپور گرلس مڊل اسڪول تي پوليس جو قبضو هجڻ سبب گرلس مڊل اسڪول ميران پور کي گرلس پرائمري اسڪول ميران پور ۾ شامل ڪيو ويو هو جٿي ٻنهي اسڪول کي ملائي 16 ليڊي ٽيچرس مان فقط 4 حاضر هيون 12 غير حاضر جڏهن ته اهي چارئي ٽيچر هڪ ڪمري ۾ فقط 6 شاگرياڻين کي پڙهائي رهيون هيون باقي اسڪول جا ڪمرا بند زبون حال جڏهن ته اسڪول کي ڪا بونڊري وال، باٿ روم، پيئڻ جي پاڻي جي ڪا به سهولت موجود نه هئ بانڊري وال نه هئڻ سبب اسڪول مان گذر جا رستا قائم ڪري ڇڏيا هئا جن کي ڳوٺاڻن ڊهنگر ڏيئي بند ڪيو هو، مٿي اسڪولن جي دوري دوران اسڪول جي تباهه بربادي استادن جي غير حاضر، شاگردن جي گهٽتائي سهولتن جي کوٽ اسڪولن جي تباهي جا منظر ڏسي ٽيم ميمبر مٿي تي هٿ ڏئي ويهي رهيا، احمد نواز پيچوهي چيو ته قوم سان تعليم کاتي جا آفيسر مذاق ڪري رهيا آهن ڪجهه به ڪو نه بچيو آهي جڏهن ته ڳوٺن جي دوري دوران عوام تعليم جي تباهي جو ذميوار تعليم کاتي جي آفيسرن کي قرار ڏيئي ڇڏيو





History

ظالم ضياءَ جي دور ۾ ٽوڙهي ڦاٽڪ جي سانحي جي شهيدن جو ڏهاڙو ملهايو ويو، مختلف شهرن ۾ ميڙاڪا

2017-10-18

حيدرآباد(نمائندن وٽان) ظالم ضياءَ جي دور ۾ ٽوڙهي ڦاٽڪ جي سانحي جي شهيدن جو ڏهاڙو ملهايو ويو، مختلف شهرن ۾ ميڙاڪا منعقد ڪيا ويا، ٺٽو، ٽنڊومحمد خان، ٺارو شاهه، درياءَ خان مري ، ڪنڊيارو، دادو،ڏوڪري سميت مختلف شهرن ۾ ٽوڙهي ڦاٽڪ جي شهيدن کي ڀيٽا پيش ڪئي وئي.جيئي سنڌ قومپرست پارٽي جي مرڪزي اڳواڻ دودو ديشي، رشيد جتوئي، انيس خاصخيلي، شبير جمالي ۽ ٻين ٽوڙي ڦاٽڪ جي شهيدن مالڪ خشڪ، شهيد مٺو بليدي ۽ ٻين جي مزارن تي گل نشاور ڪري ۽ قومي سلام پيش ڪيو ويو ان موقعي تي جسقپ اڳواڻن هڪ بيان ۾ چيو آهي ته ٽوڙي ڦاٽڪ جي شهيدن جي جدوجهد هڪ ڏينهن ضرور رنگ لاهيندي اسان پنهنجي قومپرست شهيدن کي ڪڏهن به وساري نٿا سگهون ڇاڪاڻ ته انهن جي قربانين جي ڪري اڄ تائين جدوجهد جاري آهي هنن چيو ته سنڌ اسيمبلي جي اسپيڪر آغا سراج دراني جي سنڌي ماڻهن جي ڏنل تذليل واري بيان جي مذمت ڪريون ٿا سنڌي ماڻهن کي گهرجي ته اهي اهڙي نااهل وزيرن جو بائيڪاٽ ڪن هنن چيو ته سنڌ ۾ مذهبي انتهاپسندي کي هٿي وٺرائي پئي وڃي جنهن ۾ ڌاري آباد ڪاري ۾ وڏو تعداد سنڌ ۾ آهي اهي سنڌي ماڻهن جي روزگار تي قابض ٿي سنڌي ماڻهن کي اقليت ۾ تبديل ڪيو پيو وڃي ۽ اڳئي سنڌي ماڻهو بدامني ، بيروزگاري ۽ بک بدحالي جو شڪار آهن ويتر حڪومتي ڌر نام نياد پناگيرن کي سنڌ ۾ آباد ٿيڻ جون سازشون ٿي رهيو آهن هنن چيو ته سنڌ جي مذهبي درگاهن تي خودڪشي بمباري حملا ڪري انسانيت جو قتل عام ڪيو پيو وڃي ان تي حڪمران ،مشير وزير ڪوبه نوٽيس نه ورتو آهي جيڪا ڏکيل ڳالھ آهي اسان هنن حڪمرانن کي ٻڌائڻ ٿا چاهيو ته ڌاريا آبادڪاري تي بندش وڌي وڃي ۽ شهيدن جي پوئينرن کي معاوضا ڏنا وڃن. ٺاروشاھ ڀرسان ٺوڙهي ڦاٽڪ جي شهيدن جي 33 ورسيءَ جي موقعي تي ٽوڙي ڦاٽڪ جي شهيد امان الله وسطڙو جي مزار تي جسقم اڳواڻ ڊاڪٽر نياز ڪالاڻي، ساگر حنيف بڙدي، آصف راهوجو، خادم شر، انعام گل مري ۽ ٻين جي اڳواڻيءَ ۾ سوين جسقم ڪارڪنن حاضري ڀري گلن جي چادر چاڙهي قومي سلام پيش ڪيو ۽ ڀيٽا پيش ڪئي وئي ان موقعي تي ڊاڪٽر نياز ڪالاڻي، ساگر حنيف بڙدي ۽ ٻين چيو ته جي ايم سيد جي عدم تشدد واري ڏسيل واٽ تي هلي رهيا آهيون، شهيدن جي قرباني رائيگان ٿيڻ نه ڏينداسين، اڄ به قومي ڪارڪنن کي کنڀي گم ڪيو پيو وڃي، جسقم جي سنڌ جي آجپي لاءِ جدوجهد جاري آهي، کنڀي گم ڪيل ڪارڪنن کي آزاد ڪيو وڃي نه ته سڄي سنڌ اندر احتجاج جو سلسلو جاري ڪيو ويندو.





Culture

ڳوٺ گهمن ڪالرو ۾ ثقافتي مچ ڪچهري منعقد،ڳوٺاڻن پاران ٽوپيون اجرڪون پائي شرڪت

2017-11-22

ڪوٽ غلام محمد (ن هلچل) ڳوٺ گهمن ڪالرو ۾ ثقافتي مچ ڪچهري منعقد،ڳوٺاڻن جي معززين جي ٽوپيون اجرڪون پائي شرڪت، بيئاني مکڻ خاصخيلي ثقافتي بينون وڄائي واھ واھ ڪرائي ڇڏي، سگهڙن ڳجهارتون ڏئي مچ ڪچهري کي چار چنڊ لڳائي ڇڏيا، مقامي راڳين ثقافتي ڳيت ڳائي شاعرن نظم پڙهي سج اڀاري ڇڏيو، ثقافت کي ڀيٽا پيش.3 ڊسمبر تي ثقافتي ڏهاڙو ملهائڻ جي حوالي سان ڪوٽ غلام محمد جي قديمي ڳوٺ گهمن ڪالرو ۾ يوسي وائيس چيئرمين سردار فداحسين ڪالرو، سماجي اڳواڻ غلام مرتضى ڪالرو، ارشاد ڪالرو ڊاڪٽر محمد عباس ڪالرو ۽ عطاحسين ڪالرو پاران ثقافتي ڪچهري منعقد ڪئي وئي، جنهن ۾ ڳوٺاڻن مقبول احمد دل، رمضان ڀنڀرو، ملوڪ ڀيل، چترو ڀيل ۽ ٻين ٽوپيون اجرڪون پهري شرڪت ڪئي، مچ ڪچهري جو آغاز شاعر سليم ساقي شر پاران تلاوت ڪلام پاڪ پڙهڻ بعد شروع ڪيو ويو،مچ ڪچهري ۾ مقامي بينائي مکڻ خاصخيلي ثقافتي سرن تي بنيون وڄائي واھ واھ ڪرائي ڇڏي، جڏهن ته شاعرن سليم ساقي شر، سلطان پرهياڙ، عبدالڪريم سهتو ۽ ٻين ثقافتي ڏهاڙي تي نڪور شاعري ٻڌائي سنڌ جي ثقافتي کي ڀيٽا پيش ڪئي، مچ ڪچهري ۾ مقامي فنڪارن مينهدرو ڀيل، بادل فقير، ڪانجي ڀڳت ثقافتي ڳيتن جي محفل رچائي نوجوانن کي جهمريون هڻڻ تي مجبور ڪري ڇڏيو، جڏهن ته سردار فدا حسين ڪالرو، ساقي سليم شر، جانمحمد ڪالرو، بادل فقير، منيراحمد ڪالرو، عطاحسين ڪالرو ۽ ٻين ڳجارتن جي محفل ڪندي هڪ ٻي کي ڳجهارتون ڏيندي سنڌ جي تهذيب کي اوجاگر ڪيو، ان موقعي تي ڳوٺاڻن يوسي وائيس چيئرمين فداحسين ڪالرو، غلام مرتضى ڪالرو، عبدالڪريم سهتو ۽ ٻين ڪيل ثقافتي ڏهاڙو ملهائڻ واري اعلان جي آجيان ڪندي 3 ڊسمبر تي ثقافتي ڏهاڙو وڏي ڌام ڌوم سان ملهائڻ جو پڻ اعلان ڪيو،





Art and Literature

ڊٻائي مهر سنڌ لاءِ شاعري ڪئي آھي ۽ ھو قومي شاعر آھي : سيد زين شاهه

2017-11-06

قاضي احمد( رپورٽ: نبي بخش کوسو)قاضي احمد  سنڌ ڌرتي جي ارڏي ڀلوڙ قومي انقلابي ۽ عوامي شاعر ڊٻائي مھر جي 50 هين سالگره جي موقعي تي ڳوٺ ڊٻائي مهر ۾ رهاڻ رچائي ويئي  ساگره جو ڪيڪ ايس ،يو،پي جي مرڪزي اڳواڻ سيد زين شاه ڪٽيو ،مهر نوجوان اتحاد پاران ٿيل سالگره جي تقريب ۾ سنڌ جي ڪنڊ ڪڙڇ کان شاعر ،اديب ،راڳي ۽ قومي ڪارڪنن سميت وڏي انگ ۾ ماڻھن شرڪت ڪئي ،ڊٻائي مهر جي 50هين سالگره  جي تقريب کي سنڌ يوناٽيڊ پارٽي جي مرڪزي جنرل سيڪريٽري سيد زين شاھ ،راڳي ساجد علي ساجد ،معشوق ڌاريجو ،شاهنواز خاصخيلي ،ڊٻائي مهر سميت ٻين خطاب ڪيو ان تقريب دوران صدارتي خطاب ڪندي سيد زين شاه چيو ته ڊٻائي مهر سنڌ لاءِ شاعري ڪئي آھي ۽ ھو قومي شاعر آھي هن چيو ته قوم لاءِ ڊٻائي مهر جي شاعري روشني جو ڪرڻو ثابت ٿي آھي هن چيو ته موقعي اميد آھي ته ڊٻائي مهر پنهنجو شاعري ذريعي قومي ڪردار ادا ڪندو رهندو ۽ سندس شاعري جي ڏات مان سنڌ کي فائدو ملندو ، ان کان اڳ خطاب ڪندي انقلابي شاعر ڊٻائي مهر خطاب ڪندي چيو ته سالگرهه جي موقعي تي سموري سنڌ پاران مليل محبت ۽ پيار کي زندگي جي يادگار ڊائري جي ورڪن ۾ محفوظ ڪندس خطاب دوران ڀلوڙ شاعر مهر ڊٻائي جي اکين مان ان  وقت لڙڪ لڙي آيا جڏھن هن کي سالگره جي موقعي تي ڳوٺ جي هڪ معصوم ٻارڙي پاران کيس ٻيو ڪجھ نه ڏئي سگهڻ واري سگھ نه هجڻ سبب کيس هڪ 10 روپين واري پين تحفي طور ڏيڻ تي سندس اکين مان نير وهي پيا ۽ چيو ته اڄ مون کي اهو احساس ٿيو آھي ته مون جيڪا تعليم بابت هن ڳوٺ ۾ شمع روشن ڪئي هوئي ان جي موٽ ۾ مون کي پنجاھ سال زندگي جي هن موڙ تي مون سان ملهائجندڙ سالگره دوران هڪ يادگار تحفو محبت جو مليو آھي ، سالگره جد تقريب جي آخر ۾ راڳي ساجد علي ساجد ،علي حسن چانڊيو ،غلام لطيف چانڊيو ،شاهنواز خاصخيلي سميت ٻين مهر ڊٻائي جا گيت ڳائي محفل کي جهومائي ڇڏيو ،ڊٻائي مهر جي مهر نوجوان اتحاد پاران ملهايل 50 هين سالگره جي هن پروقار ۽ شاندار قريب دوران راڳي غلام لطيف چانڊيو کيس تحفي ۾ پٽو پهرايو  ان دوران کيس سنڌ جي مختلف علائقن کان سندس شاعري سان چاھ رکندڙ مداحن کيس اجرڪون ،گلن ،هارن ،ڪتابن سميت ٻيا انيڪ تحفا کيس پيش ڪيا ۽ محبت جي ڀيٽا ڏني قومي شاعر جي سالگره واري تقريب ۾ سيد زين شاھ ،بشير احمد راڄپر ،محمد اسماعيل سولنگي ،عمران لطيفي ڊاڪٽر منظور چانڊيو ،ڊاڪٽر نياز ڪيريو ،غلام مصطفى عمراڻي ،مولابخش ڪيريو ،لال بخش سومرو ،غلام قادر جتوئي ،سجاد حسين جتوئي ،خالد حسين ڏهر ،نجم آڪاش ،گداحسين جتوئي ،رئيس علي مراد ڏاهري ،محمد يوسف راهو ،سلطان انڙ ،غلام عباس انڙ ،لال بخش ڌاريجو ،معشوق ڌاريجو ،صحافي غلام شبير عرف ملنگ جتوئي  ،الھ رکيو سال ،خالد حسين چانڊيو ،نياز ساگر لاشاري سميت وڏي انگ ۾ شاعرن ،اديبن ،دانشورن علائقي جي معزز ماڻھن شرڪت ڪئي.





E-paper




Jobs




Advertising