پ پ جو 50 سالا يوم تاسيس، جلسي جي موقعي تي عوامي سمنڊ اٿلي پيو، ساک کڻي وچن ڪيو ويو، ظالماڻو نظام نه کپي، پارٽي چيئرمين پاران 6 نڪاتي سڌارن جو اعلان،،، ماڻهو مايوس نه ٿين، جيڪو ٿيندو عوام جو ووٽ فيصلو ڪندو: پ پ قيادت،،، ڀٽو شڪست کاڌل، ٽٽل ڦٽل پاڪستان سنڀاليو، هر دور ۾ پ پ غير معمولي حالتن ۾ پاڪستان کي سنڀاليو آهي، هر قسم جي فتني ساڙ کان آجو سماج چاهيون ٿا: بلاول،،، اسان پاڪستان کي نئين صورت ڏني، بلوچستان کي ترقي ڏياري، جمهوريت جو تحفو پ پ ۽ بينظير جي قرباني جو آهي،،، گاڊ فادر ۽ ڪوڙي خان کي ڳالهه سمجهه ۾ نه پئي اچي: زرداري،،، آمرن جي ڪري اوڀر ۽ اولهه پاڪستان ۾ نار وڌندو ويو، ڀٽو شهيد پاڪستان رياست کي جمهوري آئيني بنياد تي قائم ڪيو، ڀٽي پاڪستان کي مضبوطي ڏني ته غير جمهوري قوتن حملا ڪرڻ شروع ڪيا، ڀٽي شهيد هن ملڪ کي آئين ڏنو،،، ڀٽي شهيد پاڪستان کي جمهوري ۽ پارلياماني روايتن ڏانهن وڌايو، ماءُ جي مٿي تي لڳندڙ لٺين به بينظير جو حوصلو نه ٽوڙيو، شهيد ڀٽي 90 هزار جنگي قيدي آزاد ڪرايا، آصف زرداري سي پيڪ جو بنياد رکيو،،، شهيد ذوالفقار علي ڀٽو ملڪ کي ايٽمي طاقت ڏئي پاڪستان جو دفاع هر دور لاءِ مضبوط ڪري ڇڏيو، انڊيا وارا ٻڌي ڇڏين ته جيسيتائين پ پ آهي ڪشمير اسان جو آهي، طاقت جو سرچشمو عوام آهي: اڳوڻو صدر آصف،،، پ پ ڪنهن خاندان نه پر عوام جي ميراث آهي، نواز شريف ووٽ چوري ڪري حڪومت ٺاهي، هن وقت ان ملڪ ڪنگال ڪري ڇڏيو آهي، جعلي خان جعلي مينڊيٽ ۽ مشرف جو ڪو به مستقبل ناهي، هاڻي پنهنجي جمهوريت آڻينداسين: جلسي کي خطاب ***سازشون ڪندڙن کي عوام 2018ع جي چونڊن ۾ لغام ڏيندو: مريم اورنگزيب،،، ڌرڻي تي وڌيڪ ڳالهائڻ پاڪستان جي حق ۾ ناهي، پاڪستان اهڙن ڌرڻن کي برداشت نه ٿو ڪري سگهي،،، دهشتگردي خلاف جنگ ۾ پاڪستان تمام وڏيون قربانيون ڏنيون آهن، ڌرڻن جي سياست ڪندڙ ملڪ سان سچا نه آهن *** شهباز شريف ۽ ٻين ذميوارن کي استعيفيٰ ڏيڻ گهرجي: طاهر القادري،،، حڪومت معصوم ماڻهن کان حياتيون کسيون، حڪمرانن مان چڱائي جي اميد ناهي، ڪابه ٽياڪڙي نه گهرجي، قانون جي طاقت سان حڪمرانن جون ڳچيون پڪڙيون وينديون،،، مظلوم ماڻهن لاءِ قصاص ۽ انصاف گهرجي، يتيمن جون پٽون ۽ پاراتا کين ڪنهن به قيمت تي بچڻ نه ڏيندا، ٻئي ڀائر ۽ سندس ساٿي جيل ويندا،،، پنجاب جي وڏي وزير چيو ته جيڪڏهن ذميواري مٿس لاڳو ٿي ته فوري طور استعيفيٰ ڏئي ڇڏيندو، لاهور هاءِ ڪورٽ جي سنگل بينچ فيصلو برقرار رکيو آهي ***لاهور هاءِ ڪورٽ ماڊل ٽائون جي رپورٽ منظر عام تي آڻڻ جو حڪم ڏئي ڇڏيو،،، جسٽس عابد عزيز شيخ جي سربراهي ۾ جسٽس شهباز رضوي ۽ جسٽس قاضي محمد امين احمد تي ٻڌل لاهور هاءِ ڪورٽ جي ٽي رڪني بينچ ٻڌڻي ڪئي،،، جاچ رپورٽ جون ڪاپيون صوبائي حڪومت کي ڏنيون وڃن اها فيصلي خلاف سپريم ڪورٽ ۾ اپيل ڪري سگهي ٿي، رپورٽ پڌري ٿيڻ بعد ٽرائل تي اثر نه پوندو: عدالت *** ماڊل ٽائون سانحي جي ذميوارن خلاف ڪيس داخل ڪيو وڃي: پ پ،،، انڪوائري رپورٽ منظر عام تي ايندي ئي ذميوارن خلاف ڪيس داخل ڪيو وڃي: چوڌري منظور،،، لاهور هاءِ ڪورٽ جي فيصلي تي فوري طور عمل ڪيو وڃي ۽ رپورٽ جي روشني ۾ ذميوارن کي گرفتار ڪيو وڃي *** رپورٽ جون حقيقتون ڄاڻڻ ماڊل ٽائون سانحي جي متاثرن جو حق آهي: بابر اعواڻ،،، شهباز شريف 10 ارب رپين جي هرجاڻي واري دعويٰ جو ترت فيصلو چاهي ٿو،،، حڪومت پاڻ ڪميشن ٺاهي هئي، هاڻي رپورٽ پبلڪ ڪرڻ ۾ ڇا آهي: ميڊيا سان ڳالهيون *** قانوني طور جسٽس باقر نجفي جي رپورٽ غير اثرائتي آهي: راڻا ثناءُ الله،،، ماڊل ٽائون سانحي بابت رپورٽ ۾ ڪنهن به حڪومتي شخص کي ذميوار قرار ناهي ڏنو ويو،،، عدالت حڪومت کي 30 ڏينهن ۾ رپورٽ جاري ڪرڻ جو چيو آهي، واقعي جا بي شمار ثبوت ميڊيا وٽ آهن،،، ايجنسين جي رپورٽ کي ان رپورٽ سان ناهي سلهاڙيو ويو، رپورٽ ۾ پي اي ٽي طرفان ڪا شهادت ناهي ٿي *** ڀارتي فوج والاريل ڪشمير ۾ سرچ آپريشن دوران ٽن ڪشميرين کي شهيد ڪري ڇڏيو *** سنڌ سميت سڄي ملڪ ۾ سيءَ جي شدت ۾ اضافو ٿي ويو،،، سنڌ جي اترئين علائقن ۾ صبح جو هلڪو ڪوهيڙو ٿيڻ جو امڪان، ٿڌين هوائن سنڌ جو رخ ڪري ورتو،،، ڪراچي سميت سڄي ملڪ ۾ سياري جي شدت ۾ واڌ ٿي وئي ۽ ڪوئيٽا ۾ گرمي پد منفي 10 ڊگري تي پهچي ويو،،، ملڪ جي مٿاهين علائقن ۾ برسات ۽ جبلن تي هلڪي برفباري جو امڪان آهي: موسميات کاتو *** ٻيهر اين ٽي ايس ٽيسٽ بابت وڏي وزير جو نوٽيفڪيشن ڪالعدم قرار، نتيجا برقرار،،، اين ٽي ايس ٽيسٽ ميرٽ تي ڏني هئي، پيپر رد ڪرڻ غيرقانوني آهي، اسان ٽيسٽ ۾ پاس ٿياسين، ٻيهر ٽيسٽ وٺڻ غيرقانوني آهي: درخواستگذار،،، عدالت دليل ٻڌڻ بعد اين ٽي ايس نتيجن کي برقرار رکڻ جو حڪم ڏيندي سنڌ جي وڏي وزير جو نوٽيفڪيشن ڪالعدم قرار ڏئي ڇڏيو،،، سنڌ جي وڏي وزير ٻيهر امتحان وٺڻ جو نوٽيفڪيشن جاري ڪيو هو ته ميڊيڪل جي شاگردن اين ٽي ايس ٽيسٽ رد ڪرڻ لاءِ عدالت ۾ درخواست داخل ڪئي ***غير ملڪي فنڊنگ ڪيس: عدالت اليڪشن ڪميشن کي پي ٽي آءِ خلاف وڌيڪ ڪارروائي کان روڪي ڇڏيو،،، جسٽس محسن اختر غير ملڪي فنڊنگ ڪيس ۾ اليڪشن ڪميشن جي 8 مئي واري حڪم خلاف تحريڪ انصاف جي درخواست تي ٻڌڻي ڪئي،،، اليڪشن ڪميشن جو تحريڪ انصاف سان رويو تعصب تي ٻڌل آهي.تحريڪ انصاف جي اڪائونٽن جا تفصيل شايع ڪرڻ غير قانوني قدم آهي: وڪيل انور منصور *** نواز شريف کي پارٽي صدر بڻجڻ بابت ڪيس ۾ نوٽس جاري *** ڪوئيٽا ۾ ڊي آءِ جي حامد شڪيل تي حملي ۾ مددگار گرفتار *** آرمي چيف جي صدارت هيٺ ڪور ڪمانڊر ڪانفرنس، آپريشن رد الفساد ۽ خطي جي سيڪيورٽي صورتحال جو جائزو،،، ڪانفرنس ۾ خطي جي سيڪيورٽي صورتحال، آپريشن رد الفساد، خوشحال پاڪستان پروگرام ۽ بلوچستان ۾ ترقياتي مضبوطي جي معاملن تي غور ڪيو ويو *** عمران خان 15 ڊسمبر تي ٽنڊو محمد خان ۾ جلسي کي خطاب ڪندو، تياريون شروع *** پي ٽي آءِ انٽرا پارٽي چونڊن بابت فيصلو 13 ڊسمبر تائين ملتوي،،، اليڪشن ڪميشن ۾ پي ٽي آءِ انٽرا پارٽي چونڊن خلاف درخواست جي ٻڌڻي ٿي،،، اڄ ٻيون ڀيرو درخواست کي اسان جي ڪري ملتوي ڪيو پيو وڃي: چيف اليڪشن ڪمشنر***

پاڪستان ٽريڊ يونين ڊفينس ڪمپين پاران روسي انقلاب جي سئو سالا جشن ۽ ليون ٽراٽسڪي جي اردو ۾ ترجمو ڪيل ڪتاب جي مهورتي تقريب


2017-11-27

حيدرآباد(اسٽاف رپورٽر) پاڪستان ٽريڊ يونين ڊفينس ڪمپين پاران حيدرآباد پريس ڪلب ۾ روسي انقلاب جي سئو سالا جشن ۽ ليون ٽراٽسڪي جي اردو ۾ ترجمو ڪيل ڪتاب جي مهورتي تقريب دوران خطاب ڪندي ڪيو. ان موقعي تي کاٻي ڌر جي کاهوڙي ڪردار ڪامريڊ ڄام ساقي چيو ته سنڌ ۾ ڪميونسٽن تمام اهم ڪردار ادا ڪيو آهي ۽ شهيد شاهه عنايت پهرين سوشلسٽ انقلاب جو نعرو ڏنو. هن چيو ته جيستائين مزدورن، هارين جي فتح نه ٿيندي، تيستائين جنگ جاري رهندي، حڪمرانن ڪڏهن به تاريخ کي ناهي سمجهيو، ان ڪري هو تاريخ کي بگاڙين ٿا. ڪامريڊ لال خان چيو ته ملڪ ۾ اسلام ۽ ختم نبوت جي نالي تي بدتميزي ٿي رهي آهي، پر حڪومت بدتميزي ڪندڙن اڳيان بيوس بڻيل آهي، هڪ رياست مڇريلن سان گڏ آهي ته ٻي رياست شرمائي ٿي. هن چيو ته هتي دهشتگرد پيدا ٿي رهيا آهن، انتهاپسندي پکيڙيندڙن جا اڏا ٺهي رهيا آهن، سياسي ٽوڙ ڦوڙ ٿي  رهي آهي، جنهن جو مقصد هاڻ ملڪي مفادن واري جنگ ناهي رهي، جڏهن ته هتي سنڌ ۾ زرداري جي پوليس ماڻهن جو تحفظ ڪرڻ بدران جو ماڻهن ک احتجاج جي نالي ۾ تنگ ڪري انتشار پکيڙيندڙن تحفظ ڪري رهي آهي، اهڙي سموري صورتحال رياست جي ناڪامي ظاهر ڪري ٿي. اهڙي ناڪامي کي ٻنجو ڏيڻ لاءِ هن هال ۾ جواب موجود آهي، ۽ اهو جواب سوشلسٽ انقلاب آهي. هن چيو ته اسان جا سمورا رستا بند ڪيا ويا آهن، جمهوريت جو رستو بند ڪيو ويو آهي، پارليامينٽ ۾ غريب نٿو وڃي سگهي، ڇو ته اها اميرن جي پارليامينٽ آهي. ناليواري ليکڪ حميد سومرو چيو ته مون کي اسٽالن نه وڻندو هيو ۽ مون کي روسي انقلاب سمجهڻو هيو، جنهن لاءِ مون ڪامريڊ سوڀي کان پڇيو ته ڪامريڊ سوڀي ٽراٽسڪي کي پڙهڻ جو چيو ۽ جڏهن مون ٽراٽسڪي جي روس انقلاب بابت لکيل ڪتاب پڙهيو ته منهنجي سوچ ئي تبديل ٿي وئي. ناليواري ليکڪ انعام شيخ چيو ته انسانن جي 5 هزار سالن جي تاريخ ۾ حضرت موسى ۽ حضرت عيسى به انقلابي رهيا آهن. هن چيو ته ماضيءَ ۾ دنيا جي هر خطي ۾ انقلابي پيدا ٿيا، جن اسٽيسٽڪو خلاف جدوجهد ڪئي ۽ دنيا جا 3 اهڙا وڏا انقلابي دور هئا، جن انساني چهري جو رخ ئي تبديل ڪري ڇڏيو آهي. هن چيو ته اڄ جو نوجوان نسل پنهنجي مستقبل لاءِفڪرمند نظر نٿو اچي ۽ نه ئي هو دنيا ۾ ٿيندڙ هلچل بابت واقف آهي. سينيئر صحافي اسحاق مڱريو چيو ته روس جي انقلاب تي جان ريٽ جو ڪتاب ڇپجي چڪو آهي، پر ان ڪتاب ۾ وڏي پيماني تي تبديلي ڪئي وئي، جنهن ۾ ڪيتريون ئي شيون ڇپجي نه سگهيون هيون. هن چيو ته هي ڪتاب مشرقي ٻوليءَ کانپوءِ هاڻ پهريون ڀيرو اردو ٻولي ۾ ترجمو ٿيو آهي ان ڪري هاڻ روس جي انقلاب کان اڃان وڌيڪ واقف ٿي سگهنداسين. ڪامريڊ رياض لنڊ، ڪامريڊ انور پنهور، ليکڪ ۽ اديب يوسف سنڌي، مزدور اڳواڻ ماجد ميمڻ، ايڊووڪيٽ نثار احمد چانڊيو ۽ ٻين پڻ تقريب کي خطاب ڪيو.



ڊٻائي مهر سنڌ لاءِ شاعري ڪئي آھي ۽ ھو قومي شاعر آھي : سيد زين شاهه


2017-11-06

قاضي احمد( رپورٽ: نبي بخش کوسو)قاضي احمد  سنڌ ڌرتي جي ارڏي ڀلوڙ قومي انقلابي ۽ عوامي شاعر ڊٻائي مھر جي 50 هين سالگره جي موقعي تي ڳوٺ ڊٻائي مهر ۾ رهاڻ رچائي ويئي  ساگره جو ڪيڪ ايس ،يو،پي جي مرڪزي اڳواڻ سيد زين شاه ڪٽيو ،مهر نوجوان اتحاد پاران ٿيل سالگره جي تقريب ۾ سنڌ جي ڪنڊ ڪڙڇ کان شاعر ،اديب ،راڳي ۽ قومي ڪارڪنن سميت وڏي انگ ۾ ماڻھن شرڪت ڪئي ،ڊٻائي مهر جي 50هين سالگره  جي تقريب کي سنڌ يوناٽيڊ پارٽي جي مرڪزي جنرل سيڪريٽري سيد زين شاھ ،راڳي ساجد علي ساجد ،معشوق ڌاريجو ،شاهنواز خاصخيلي ،ڊٻائي مهر سميت ٻين خطاب ڪيو ان تقريب دوران صدارتي خطاب ڪندي سيد زين شاه چيو ته ڊٻائي مهر سنڌ لاءِ شاعري ڪئي آھي ۽ ھو قومي شاعر آھي هن چيو ته قوم لاءِ ڊٻائي مهر جي شاعري روشني جو ڪرڻو ثابت ٿي آھي هن چيو ته موقعي اميد آھي ته ڊٻائي مهر پنهنجو شاعري ذريعي قومي ڪردار ادا ڪندو رهندو ۽ سندس شاعري جي ڏات مان سنڌ کي فائدو ملندو ، ان کان اڳ خطاب ڪندي انقلابي شاعر ڊٻائي مهر خطاب ڪندي چيو ته سالگرهه جي موقعي تي سموري سنڌ پاران مليل محبت ۽ پيار کي زندگي جي يادگار ڊائري جي ورڪن ۾ محفوظ ڪندس خطاب دوران ڀلوڙ شاعر مهر ڊٻائي جي اکين مان ان  وقت لڙڪ لڙي آيا جڏھن هن کي سالگره جي موقعي تي ڳوٺ جي هڪ معصوم ٻارڙي پاران کيس ٻيو ڪجھ نه ڏئي سگهڻ واري سگھ نه هجڻ سبب کيس هڪ 10 روپين واري پين تحفي طور ڏيڻ تي سندس اکين مان نير وهي پيا ۽ چيو ته اڄ مون کي اهو احساس ٿيو آھي ته مون جيڪا تعليم بابت هن ڳوٺ ۾ شمع روشن ڪئي هوئي ان جي موٽ ۾ مون کي پنجاھ سال زندگي جي هن موڙ تي مون سان ملهائجندڙ سالگره دوران هڪ يادگار تحفو محبت جو مليو آھي ، سالگره جد تقريب جي آخر ۾ راڳي ساجد علي ساجد ،علي حسن چانڊيو ،غلام لطيف چانڊيو ،شاهنواز خاصخيلي سميت ٻين مهر ڊٻائي جا گيت ڳائي محفل کي جهومائي ڇڏيو ،ڊٻائي مهر جي مهر نوجوان اتحاد پاران ملهايل 50 هين سالگره جي هن پروقار ۽ شاندار قريب دوران راڳي غلام لطيف چانڊيو کيس تحفي ۾ پٽو پهرايو  ان دوران کيس سنڌ جي مختلف علائقن کان سندس شاعري سان چاھ رکندڙ مداحن کيس اجرڪون ،گلن ،هارن ،ڪتابن سميت ٻيا انيڪ تحفا کيس پيش ڪيا ۽ محبت جي ڀيٽا ڏني قومي شاعر جي سالگره واري تقريب ۾ سيد زين شاھ ،بشير احمد راڄپر ،محمد اسماعيل سولنگي ،عمران لطيفي ڊاڪٽر منظور چانڊيو ،ڊاڪٽر نياز ڪيريو ،غلام مصطفى عمراڻي ،مولابخش ڪيريو ،لال بخش سومرو ،غلام قادر جتوئي ،سجاد حسين جتوئي ،خالد حسين ڏهر ،نجم آڪاش ،گداحسين جتوئي ،رئيس علي مراد ڏاهري ،محمد يوسف راهو ،سلطان انڙ ،غلام عباس انڙ ،لال بخش ڌاريجو ،معشوق ڌاريجو ،صحافي غلام شبير عرف ملنگ جتوئي  ،الھ رکيو سال ،خالد حسين چانڊيو ،نياز ساگر لاشاري سميت وڏي انگ ۾ شاعرن ،اديبن ،دانشورن علائقي جي معزز ماڻھن شرڪت ڪئي.



سنڌجي سينئر سياستدان ۽ ن ليگ اڳواڻ شاهه محمدشاهه جي ڪتاب “ڳالهه اڙانگهي پنڌ جي” جي آرٽس ڪائونسل ڪراچي ۾ مهورتي تقريب


2017-11-01

ڪراچي( بيورو رپورٽ) وفاقي گهرو وزير احسن اقبال چيو آهي ته اسان پاڪستان کي نارمل جمهوري ملڪ طور پيش ڪرڻ چاهيون ٿا، هن چيو ته آگسٽ 2018 جي پهرين هفتي ۾ چونڊون ٿينديون، اهڙم خيالن جواظهار هن هتي سنڌجي سينئر سياستدان ۽ ن ليگ اڳواڻ شاهه محمدشاهه جي ڪتاب ”ڳالهه اڙانگهي پنڌ جي ”تقريب کي خطاب ڪندي ۽صحافين سان ڳالهائيندي ڪيو آهي آرٽس ڪائونسل ڪراچي ۾ مهورتي تقريب م وفاقي وزير ۽ نيشنل پارٽي جي اڳواڻ ميرحاصل بزنجوايس يو پي سربراهه سيد جلال محمودشاهه ،يوسف مستي خان ، مددعلي سنڌي ڪرامت علي.سيد احمد محمدشاهه سميت وڏي انگ ۾ اديبن شاعرن شرڪت ڪئي جڏهن ته وفاقي احسن اقبال وڌيڪ چيو ته شاهه محمدشاهه جون جمهوريت لاءِ اڻ ڳڻيون قربانيون آهن هن چيو ته جڏهن به عوام جي حاڪميت کسي وئي، ان جو نقصان ٿيو، هن چيو ته ڀارت لساني ۽ مذهبي تضاد باوجود جمهوريت سبب قائم آهي، هن وقت ڪنهن به قسم جي ڇيڙ ڇاڙ جو ڪو فائدو ناهي، هن چيو ته هڪ طبقو جمهوريت اچڻ بعد بيروزگار ٿي ويندو آهي، اهو طبقو چاهي ٿو ته ڪو مسئلو ٿئي ۽ روزگار ملي، احسن اقبال چيو ته هٿياربند فوج جي قيادت اعلان ڪري چڪي آهي، انهن جي آئين، جمهوريت سان وابستگي آهي، غير آئيني قدمن جي اميد لڳائيندڙ ناڪام ٿيندا،سنڌجي سينئر سياستدان ۽ ن ليگ اڳواڻ شاهه محمدشاهه جي ڪتاب ”ڳالهه اڙانگهي پنڌ جي ”جي آرٽس ڪائونسل ڪراچي ۾ مهورتي تقريب کي خطاب ڪندي ميرحاصل خان بزنجو چيو ته شاهه محمد شاهه جي سياسي سفر جي شرعات جيئي سنڌجي نعري سان ٿي آهي جنهن جمهوري تحريڪ ۾ ميرغوث بخش خان بزنجو سان گڏ سياسي جدوجهد ڪئي ،هن وقت ن ليگ ۾ اهم عهدي تي آهي سندس ڪتاب تاريخي دستاويز آهي جنهن ۾ شاندار باب شامل آهن نامياري صحافي مددعلي سنڌي چيو ته شاهه محمدشاهه جو سياسي سفر سائين جي ايم سيد جي تنظيم سان شروع ٿيوجساف ۾ اسان گڏ رهياسين، سندس ڪتاب سياسي تاريخي واقعن تي يادگيريون آهن جيڪي واقعا سنڌجي انهي سياسي دور سان لاڳاپيل آهن ،ڪتاب ۾ بهتر بحث شروع ڪري سگهجي ٿو جنهن ۾ جمهوري غيرجمهوري سياسي عمل جا اهڃاڻ شامل آهن. سنڌ جي جهوني سياسي اڳواڻ سيد شاهه محمد جي آتم ڪٿا “ڳالهه اڙانگي پنڌ جي” جي مهورتي تقريب ڪراچي ۾ آرٽس ڪائونسل آف پاڪستان جي آڊيٽوريم ۾ ٿي گذري. تقريب ۾ وزير داخلا احسن اقبال، پورٽ ۽ شپنگ جي وفاقي وزير حاصل بزنجو، سنڌ يونائٽيڊ پارٽي جي سربراهه سيد جلال محمود شاهه، سول سوسائٽي جي اڳواڻ ڪرامت علي، مدد علي سنڌي، زاهده حنا، قمرزمان راڄپر، ايڊووڪيٽ مسعود نوراني، يوسف مسيح، ڊاڪٽر عرفان شاهه، هلچل سٿ جي سرواڻ محمد يونس مهر، آرٽس ڪائونسل جي صدر احمد شاهه ۽ ٻين سوين سياسي ڪارڪنن ۽ عوام وڏي انگ ۾ شرڪت ڪئي.تقريب کي خطاب ڪندي وفاقي گهرو وزير احسن اقبال چيو ته آئون شاهه محمد شاهه صاحب کي مبارڪباد ڏيندس ته هو سياسي اڳواڻ سان گڏوگڏ هاڻ ڪتاب لکندڙ وي آءِ پي ماڻهن جي فهرست ۾ به شامل ٿي ويو آهي، اسان جي ملڪ جي حساس ماڻهن جي گهڻي زندگي آمريت ۾ گذري آهي، شاهه صاحب جي به پنهنجي حياتي آمريت خلاف جدوجهد ۾ گذاري آهي، هو هر منصب کان مٿانهون آهي. هن وڌيڪ ڳالهائيندي چيو ته پاڪستان 20 ڪروڙ ماڻهن جي ملڪيت آهي، ڪجهه ڪٺ پتلين جي نه. پاڪستان پنهنجي اصل حالت ۾ قائم نه رهي سگهيو آهي، اسان پاڪستان کي هڪ نارمل ڊيموڪريسي جي طور تي پيش ڪرڻ ٿا چاهيون، جيئن اڳين حڪومت پنهنجو مدو پورو ڪيو ايئن ئي هي حڪومت به پنهنجو مدو پورو ڪندي، ڪجهه ماڻهو آهن جيڪي جمهوريت اچڻ سان بيروزگار ٿي ويندا آهن. مون کي ڪجهه رٽائرڊ وردي وارن تي به تعجب ٿيندو آهي جيڪي سياستدان ٿيڻ جي ڪوشش ڪندا آهن. هڪ ايئرفورس جو رٽائرڊ ايئر مارشل پنهنجي نوڪري پوري ٿيڻ کانپوءِ هاڻي دانشور ٿي ويو آهي ۽ ٽي وي شوز ۾ ويهي ڪري تجزيا ٿو ڏي ته اسان کي سياست ڪيئن ڪرڻ کپي. ڪجهه ٽانگا پارٽيون آهن جيڪي سازشون ڪن ٿيون. 20هين صدي نظريات جي صدي هئي. پاڪستان جي پٺتي رهجي وڃڻ جو سبب آمريت آهي، آمرن اسان کي غيرضروري جنگين ۾ ڌڪيو. افغان جنگ کانپوءِ ٽرافي آمريڪا ۽ جرمني کي ملي پر اسان جي حصي ۾ ڇا آيو؟ اسان جي حصي ۾ 30 لک مهاجر، چرس ۽ ڪلاشنڪوف ڪلچر آيو. جيتري گرانٽ هن حڪومت سنڌ جي يونيورسٽين کي ڏني آهي پوئين پندرنهن سالن ۾ ڪنهن به حڪومت ناهي ڏني، اسان چاهيون ٿا ته سنڌ صوبو به ترقي ڪري، ان لاءِ اسان کي توهان جي سهڪار جي ضرورت آهي، سنڌي ڀائر پنهنجا سب انڊا هڪ ٽوڪري ۾ نه وجهن. اسان ٿرڪول ۽ ڪيٽي بندر پروجيڪٽ سي پيڪ ۾ شامل ڪرايو آهي، ان جي مدد سان سنڌ جا پُٺتي پيل علائقا ترقي ڪندا، اسان آخري ساهه تائين عوام جي حقِ حڪمراني جي حفاظت ڪنداسين. ڪتاب جي ليکڪ شاهه محمد شاهه تقريب کي خطاب ڪندي چيو ته مون هي ڪتاب لکي ڪو وڏو ڪم نه ڪيو آهي، پنهنجو فرض نڀايو آهي، اسان ڪجهه به اهڙو ناهي ڪيو جنهن جي ساراهه ڪجي، اسان کي گهڻو ڪجهه اڃان ڪرڻو آهي، پاڪستان هن وقت مشڪل وقت مان گذري رهيو آهي، اڄ به حالتون جنرل ايوب، يحيٰ خان ۽ جنرل ضياءَ جي مارشل لاءَ واري دور جهڙيون آهن، مون کي ڪا تبديلي نظر نه ٿي اچي، جسٽس نيازي ۽ موجوده عدليا کي هڪ جهڙو سمجهان ٿو، ٻنهي ۾ ڪوئي فرق ناهي. مون کي ماڻهو پاور پاليٽڪس جا طعنا ڏين ٿا، مان ڪڏهن به عهدن پُٺيان ناهيان رهيو، ان ڳالهه ۾ ڪو شق ناهي ته ذوالفقار علي ڀٽو جنرل ايوب ۽ نواز شريف جنرل ضياءَ جي پيداوار هئا پر ٻنهي آمرن سان مهاڏو اٽڪايو ۽ اها ئي بهادري هنن کي وڏو انسان بڻائي ٿي. مون نواز شريف جو ساٿ ان ڪري ڏنو آهي جو هن اسٽيبلشمينٽ کي للڪاريو آهي. پاڪستان جي جمهوري قوعتن کي گرينڊ ڊائيلاگ ڪرڻ کپي. پورٽ ۽ شپنگ جي وفاقي وزير حاصل بزنجو تقريب کي خطاب ڪندي چيو ته هر ماڻهو هڪ ڪردار آهي، دنيا ۾ اچي ٿو ۽ پنهنجي حصي جو ڪردار ادا ڪري هليو ٿو وڃي پر جيڪو ماڻهو پنهنجي گذاريل زندگي کي ڪتاب جي شڪل ڏي ٿو اهو وڏو ماڻهو آهي، اسان سڀني سياستدانن کي ڪتاب لکڻ گهرجن ته جيئن اسان جا ٻار تاريخ کان واقف ٿي سگهن، اڄ ڏينهن تائين اسان پنهنجن ٻارن کي ڪوڙي تاريخ پڙهائي آهي، جيڪڏهن اسان ڪتاب نه لکنداسين ته اسان جو به اهڙو حال ٿيندو جيڪو پاڪستان جي تاريخ جو ٿيو آهي. سنڌ يونائيٽڊ پار



مزاحمتي شاعر زخمي چانڊيو قبائلي جهيڙن جي خاتمي لاءِ شاندار جدوجهد ڪئي: اديبن پاران ڀيٽا پيش


2017-10-23

لاڙڪاڻو(بيورو رپورٽ) سنڌي ٻوليءَ جي مزاحمتي شاعر، استاد ۽ سماج سڌارڪ زخمي چانڊيو جي سترهين ورسي  آرٽس ڪائونسل آف پاڪستان لاڙڪاڻو جي شعبهِ ادب جي ادبي ڪاميٽي ۽ سنڌي ادبي سنگت شاخ  ڊکڻ پاران  ڀٽائي ادبي هال ۾ ملهائي وئي، تقريب ۾ سنڌ جي ناليوارن شاعرن اديبن، دانشورن، لکيڪن وڏي انگ ۾ شرڪت ڪئي. ان موقعي تي زخمي چانڊيو جي ڪتاب” مٺڙا ٻار ڪتاب“ جي مهورت پڻ ڪئي وئي، جڏهن ته سنڌ جي ناليواري شاعر، ليکڪ محقق تاج جويو تقريب جي صدارت ڪئي، ان موقعي تي تقريب کي خطاب ڪندي تاج جويي چيو ته زخمي چانڊيو جديد سنڌيءَ جو هڪ سهڻو نالو آهي، آءُ قومي ڪارڪن، هڪ استاد، سماج سڌارڪ ۽ اديب پڻ آهيان، سو آءُ سندس هر حوالي سان شهيد زخمي چانڊيو جي گهر جو ڀاتي به آهيان، تقريب ۾ ويٺل سوين ماڻهو زخمي چانڊيو جي گهر جا ڀاتي آهن، هن چيو ته زخمي چانڊيو نالو ئي ڪافي آهي، چئي کڻي بس ڪر! ڪنڌار مڙس، شهپر ۽ ڏاڙهي، دودي سومري جي تصوراتي چهري جو استعارو، سنڌي ٽوپي چهري ۽ شخصيت جي نکار ۽ سنوار جو نمونو، مهل جو مڙس ماڻهو، قوم، قبيلي تي ڏکيو ڏينهن آيو ناهي، مڙس ميدان ۾ نڪتو نه آهي، فرض شناس استاد، ساڃهه وند قومي ڪارڪن، سيد جو جيالو هو، هن چيو ته زخمي جا  زندگيءَ جا ٻه مقصد ”جوابپور“ جي قبائلي ماحول ۾ نياڻي پڙهايائين، ماستر ڪرايائين، نياڻين جو اسڪول کولائي، ان ۾ ماسترياڻي ڪري رکيائين، قبائلي مخالفتون نياڻيون ٿو پڙهائين! ڪُڙم ٿو لڄائين، هي بي پرواهه، چئي  قوم سڌرندي تڏهن، جڏهن ٻار پڙهندا، جڏهن نياڻيون پڙهنديون، ”چانڊين ڪڏهن نياڻيون پڙهايون، جو تون ٿو پڙهائين!“ . ”صدين جي سينواريل سماج ۾ ڪو ته انقلاب آڻيندو، بيٺل پاڻيءَ ۾ پٿر ٿو اڇلايان! لهرون پيدا ٿينديون، لهرون زندگي آهن  ۽ پوءِ علم ۽ زندگيءَ جي جدوجهد دوران، زندگيءَ ۽ تعليم جي ويرين کيس شهيد ڪري ڇڏيو. هن چيو ته اڄ  زخميءِ کي شهيد ڪندڙ سروءَ جي سوچن کي سُري کائي ڇڏيو آهي، ۽ جوابپور ۽ آسپاس جون نياڻيون علم جي نور سان پنهنجون دليون منور ڪري رهيون آهن، شهيد زخمي چانڊيو جي سترنهين ورسي تقريب ۾ سنڌ جي نامور شاعرن، اديبن ۽ محققن ڊاڪٽر احسان دانش، نامور شاعرن ۽ اديبن ۽ ٻين شرڪت ڪئي. زخمي چانڊيو جي ورسي جي اعزازي مهمان ناليواري اديب ۽ سنڌ جي سهڻي نقاد سرمد چانڊيو چيو ته  زخمي  چانڊيو پيار ۽ پنهنجائپ جو هڪ شهڪار هڪ  عملي انسان طور اسان آڏو آهي، هو دوستين جو امين شاعر هو،  هو  ڪڏهن  به  ڪنهن  ڏاڍ  آڏو نه جهڪيو، هن هميشه پنهنجي قول کي پاڙيو. ناياب سرڪش سنڌي چيو ته زخمي سيد جي فڪر جو هڪ سچيت ڪارڪن هو، اڄ زخمي چانڊيو هجي ها ته شايد سنڌ جا بدمست وڏيرا ووٽن کي ٽڪي جو ووٽ يا وري  ووٽن تي مٽڻ جي ڳالهه ڪرڻ واري جرئت نه ڪن ها. آغا سراج جي مرڻ پڄاڻان شايد سنڌ جي ماڻهن کي ياد نه رهي پر شهيد زخمي چانڊيو ڌرتيءَ جي ننگن ۽ دنگن جو بهترين محافظ طور اسان منجهه زندهه رهڻو آهي، شهيد زخمي چانڊيو حسيني ڪردار جو مالڪ هو، جيڪو صدين تائين زندهه رهڻو آهي. سنڌ جي ناليواري راڳي سڄڻ سنڌي زخمي چانڊيو جي ورسي ۾ شرڪت ڪندي زخمي چانڊيو جو غزل “اي داغ منهنجي دل جا جلو ڪجهه جلو اڃان آ صبح ڏور ڏور مونکي کپي سوجهرو اڃان” سڄڻ سنڌي جي چيل اهڙي غزل بعد تقريب ۾ ويٺل سوين ماڻهن کيس تاڙيون وڃائي ڀرپور  موٽ ڏني.



روس جو انقلاب بنيادي طور تي سڄي دنيا اندر پورهيتن جو انقلاب هيو: ڪامريڊ لال خان


2017-10-21

سکر(بيورو رپورٽ) سکر پريس ڪلب ۾ ”انقلاب روس جي تاريخ“ ڪتاب جي مهورتي تقريب منعقد ڪئي وئي، تقريب جي صدارت  پي ٽي يو ڊي سي، جي انٽرنيشنل سيڪريٽري جنرل  ڪامريڊ لال خان ڪئي،  صدارتي خطاب ڪندي  ڪامريڊ لال خان چيو ته روس جو انقلاب بنيادي طور تي سڄي دنيا اندر پورهيتن جو انقلاب هيو، ان انقلاب جي بدولت تاريخ ۾ پهريون ڀيرو پورهيتن جي اڪثريت حڪومت سنڀالي اهو ثابت ڪيو ته هن دنيا کي صرف پورهيت ئي هلائي سگهن ٿا ۽ اِن پورهيتن وٽ ئي هڪ حقيقي سماج جوڙڻ جي سگهه آهي. هن چيو ته سڄي دنيا وانگر هن ملڪ اندر به سرمائيداري نظام رائج آهي، اِن ظالم ۽ استحصالي سماج جي اندر هر طرف بک، بدحالي، بيرزوگاري، مهانگائي، تعليم ۽ علاج جي محرومي، لوڊشيڊنگ ۽ عدم تحفظ سميت پورهيت طبقي جا ڪيترائي بنيادي مسئلا ڳنڀير  بڻائي ڇڏيا آهن، جن کي حل ڪرڻ بجاءِ ملڪ جا حڪمران طبقا وڌيڪ سنگين بڻائي رهيا آهن الٽو انقلاب ۽ تبديلي جا نعرا هڻي انقلاب کي بدنام ڪري رهيا آهن، پر تاريخ شاهد آهي ته انقلاب پورهيتن جي مسئلن کي حل ڪندي سماج کي ترقي ۽ خوشحاليءَ ڏيارڻ  جا نوان رڪارڊ قائم ڪيا هئا،  پورهيتن جي هن سوشلسٽ انقلاب جي نتيجي ۾ قائم ڪيل منصوبه بندي معيشت 70 سالن جي عرصي تائين سويت يونين اندر انسانن جي بک ، بدحالي، بيروزگاري، مهانگائي، جهالت، لاعلاجي، بي گهر ۽  غربت سميت سمورن  بنيادي مسئلن جي پاڙ پٽي ڇڏي هئي. سماجي ڏوهن جو مڪمل  خاتمو آندو ويو، انسانن جي طور متحد معاشرو جوڙڻ ۽ عورت جي مڪمل آزادي ۽ مردن جي مقابلي ۾ انهن جي ڪمتر حيثيت وارن سمورن نام نهاد قانون جو  خاتمو ڪيو ويو، دنيا اندر سڀ کان وڌيڪ يعني 1970ع ۾ تائين 484000 ڊاڪٽر، سڀ کان وڌيڪ 2 لک 57 هزار انجنيئر ۽ سائنسدان سويت يونين ۾ هئا ۽ اِن عرصي دوران آمريڪا ۾ صرف 50 هزار انجنيئر هئا. زراعت ۽ صنعت بيمثال ترقي حاصل ڪئي.  مهورتي تقريب کي خطاب ڪندي پي ٽي يو ڊي سي جي صوبائي صدر انور سهتو، مرڪزي جنرل سيڪريٽري قمر الزامان خان، اعجاز ٻگهيو، نامور ليکڪ ڊاڪٽر خادم منگي، پيپلز پارٽي جو اڳواڻ نظر محمد ڳاهو، مرڪزي چيئرمين وطن دوست فيڊريشن عبدالحق کٽياڻ ۽ ٻين چيو ته ”بالشويڪ انقلاب“ انساني تاريخ جو هڪ اهم ترين واقعو آهي، جنهن جي تاريخ ۾ پهريون ڀيرو مظلوم ۽ محڪوم طبقي کي ظلم ۽ پسماندگي کان ڇوٽڪارو حاصل ڪيو  ۽  پهريون ڀيرو پورهيتن جي حڪومت قائم ٿي، تمام وسلين کي پورهيتن پنهنجي ڪنٽرول ۾ وٺي انسان ذات کي هڪ حقيقي معاشرو قائم ڪيو ويو. تقريب ۾ ڪامريڊ شهباز ڦلپوٽو، ڪامريڊ سعيد، ڪامريڊ جنيد ۽ ٻين چيو ته سويت يونين ۾ منصوبا بندي معيشت جي ڪري 1963ع تائين صنعت ۾ مزدورن جي پيدواري صلاحيت ۾ 1310 سيڪڙو اضافو آيو، قومي آمدني ۾ 570 سيڪڙو اضافو آيو. جڏهن ته 1979ع  تائين جي ڊي پي ۾ 500 سيڪڙو اضافو آهيو. اهڙي طرح 1960ع ۾  لوهه جي پيدوار 6  ڪروڙ 50 لک ٽن، تيل جي پيدوار 14 ڪروڙ 80 لک ٽن ۽ ڪوئلي جي پيداوار 50 ڪروڙ ٽن حاصل ڪئي ويندي هئي. جڏهن ته ان کان اڳ مٿي ڄاڻايل معززين طرفان ڪتاب جي مهورت پڻ ڪئي وئي.



سنڌي ٻوليءَ جي ناليواري شاعرَ، ڪھاڻيڪارَ ۽ صحافي نظير شھزاد جي 24 ورسي تقريب


2017-10-20

خيرپور (ڊ ر) سنڌي ٻوليءَ جي ناليواري شاعرَ، ڪھاڻيڪارَ ۽ صحافي نظير شھزاد جي 24 ورسي تقريب نظير شھزاد يادگار ڪاميٽي ۽ سنڌي ادبي سنگت پريالوءِ جي گڏيل سھڪار سان21 آڪٽوبر ، ڇنڇر جي صبح جو پريالوءِ ڀرسان ڳوٺ کوسہ پل ۾ ملھائي ويندي، ان موقعي تي نظير شھزاد جي فن، فڪر ۽ ادبي پورھئي تي سنڌي ادبي سنگت سنڌ جو سيڪريٽري جنرل احمد سولنگي، تاج جويو، ادل سومرو، اياز گل، اختر درگاھي، پارس حميد، سرور سيف،  قربان منگي، امراقبال، حبيب ساجد، ابراھيم کرل، مظھر ابڙو، مالڪ کوسو، ارشاد جاگيراڻي،ضياءُ ڀٽي، غلام شبير بڙدي، ڪلياڻ ڪٽھڙا، جمن شاھ ۽ ٻيا مقالا پڙھندا، ھن ورسي تقريب جا ميزبان سجاد ميراڻي، ڪاظم بڙدي ۽ روشن شيخ ھئا



اُستاد بخاري سنڌ دوست شاعر هو جنهن جي پيرن جي مٽي اسان جي اکين جو سرمو هئي: اڳواڻ


2017-10-12

دادو (رپورٽ:مولابخش شيخ) دادو: سنڌ جي نامياري شاعر اُستاد بخاري جي 25 هين ورسي اُستاد بخاري اڪيڊمي پاران ضلع ڪائونسل لان ۾ شاندار طريقي سان منعقد ڪئي وئي. سومهڻي ويل شروع ٿيل تقريب پرهه ڦٽيءِ تائين جاري رهي. ورسي تقريب کي صدارتي خطاب ڪندي شاعر اياز گل چيو ته اُستاد بخاري شاهه لطيف جي سٽ (سڄڻ ۽ ساڻيهه ڪنهن اڻاسي وسري) جو چٽو مثال هو. استاد بخاري جهڙا شاعر تاريخ ۾ نه رڳو زندهه رهندا آهن پر تاريخ کي به زنده رکندا آهن استاد جهڙا شاعر صدين ۾ پيدا ٿيندا آهن. تاج جويو چيو ته اُستاد بخاري سنڌ دوست شاعر هو جنهن جي پيرن جي مٽي اسان جي اکين جو سرمو هئي. استاد جي محبتن ۽ صحبتن جو ادراڪ اهي ماڻهون ڪري سگهندا ساڻس محبتون ۽ صحبتون ڪيون هونديون. استاد لفظن کي نئين معني ۽ نوان حوالا ڏنا اڄ سندس ورسي تي سائين رکيل ۽ چيزل شاهه جي درگاهه تي شهيد ڪيل بي قصورن کي ياد ڪندي دهتشتگردن تي لعنت وجهندي چئيون ٿا ته سنڌ جي سيڪولر روح، شاه عنايت، شاهه لطيف، رکيل، چيزل، اياز ۽ اُستاد جي صوفي پيغام آڏو هي بم، ڪلاشنڪوف ۽ بارود ضرور شڪست کائيندا. ورسي تقريب کي سيد حاڪم علي شاهه بخاري، ڊاڪٽر بشير شاد، ڊاڪتر احسان دانش، ڊي سي شاهزمان کهڙو، ڊاڪٽر الطاف شاهه بخاري، عظيم سنڌي خطاب ڪيو. اُستاد بخاري جي ورسي جي موقعي تي احمد خان سهاڳ، محبوب سنڌي، ممتاز رڏ، انعام شاهه، سجاد سولنگي ۽ ٻين ايوارڊ ڏنا ويا. شاعرن مهر ڊرٻائي، تابش بخاري، عاجز سرگاڻي، بشير جسڪاڻي، عبدالنبي اسير ۽ ٻين شاعري سان ڀيٽا ڏني، سنڌ جي البيلي راڳي منظور سخيراڻي، شبير شاهاڻي، سجاد سولنگي، برڪت فقير، حبدار سخيراڻي ۽ ٻين استاد بخاري جي شاعري جا گيت پيش ڪري محفل کي جهومائي ڇڏيو ۽ پرهه ڦٽيءِ ويل اُستاد بخاري جي ورسي تقريب پڇاڻي کي پهتي



اقبال ملاح جو ڪتاب سياسي مايوسي جي جمود کي ٽوڙي ٿو: اڳواڻ


2017-10-10

حيدرآباد(رپورٽ: غلام قادر جمالي) سنڌ جي سياسي اڳواڻن، ليکڪن، اديبن، صحافين ۽ ساڃاهه وندن چيو آهي ته هميشه سچ جي پاسي ٿي بيهڻ وارو ماڻهو تاريخ ۾ زنده رهندو آهي، سنڌ جي سياسي تاريخ تي لکڻ جي سخت ضرورت آهي، اقبال ملاح سنڌ جي ويجهي ماضي جي اکين سان ڏٺل سياسي تاريخ ۽ پنهنجي زندگي تي تمام گهڻي ايمانداري سان لکيو آهي، هن جي ڪتاب ۾ تنقيد بجاءِ مثبت ڳالهيون ملن ٿيون. اهڙن خيالن جو اظهار هنن ڪالهه حيدرآباد پريس ڪلب ۾ کاٻي ڌر جي اڳوڻي شاگرد اڳواڻ، ترقي پسند ليکڪ ۽ سينيئر صحافي اقبال ملاح جي ڪتاب “اسان مرڻا ناهيون” آتم ڪٿا جي مهورتي تقريب کي خطاب ڪندي ڪيو. ان موقعي تي کاهوڙي ڪردار ڪامريڊ ڄام ساقي خطاب ڪندي چيو ته اقبال ملاح سچ جو پانڌيئڙو رهيو آهي، هو سدائين جدوجهد جي ميدان ۾ رهيو آهي، هن سياست جي شروعات ڪئي ته ان وقت سنڌ جي مسڪين ماڻهن سان وڏيرن، ڌاڙيلن ۽ پوليس جو ظلم جو انتها تي پهتل هو، سنڌ جي ماڻهن کي وڏيرن، ڌاڙيلن ۽ پوليس جي ظلم کان بچائڻ لاءِ به اقبال ملاح عملي ڪردار ادا ڪيو. هن چيو ته اقبال جي ڪردار کي سامهون رکندي ضرورت ان ڳالهه جي آهي ته نوجوانن کي وڌيڪ شعور ڏجي ۽ اقبال ملاح جو هي ڪتاب نوجوانن لاءِ تمام گهڻو ضروري آهي. هن چيو ته اسان جي پارٽي ۾ پڙهڻ ۽ پڙهائڻ تي وڏو ڌيان هوندو هو. ڪتاب جي ليکڪ، کاٻي ڌر جي اڳوڻي شاگرد اڳواڻ، ترقي پسند ليکڪ ۽ سينيئر صحافي اقبال ملاح چيو ته منهنجي هي آتم ڪٿا واقعي مڪمل نه آهي. هن چيو ته سياست اسان جو عشق آهي ۽ عشق ۾ حساب ڪتاب ناهي هلندو، ان جو ڪو رڪارڊ ئي ناهي هوندو، نه ئي لکندا هئاسين. هن چيو ته جيڪي ڪامريڊ ساٿي جيلن ۾ هوندا هئا، انهن جا نياپا پيا ملندا هئا، اسان کي گرفتار ٿيڻ ۽ مرڻ جو ڊپ نه هوندو هو، عشق ۾ پيا هلندا هئاسين. هن چيو ته هڪ دور هو جيڪو گذري ويو. هن ڪامريڊ ڄام ساقي جو ذڪر ڪندي چيو ته جڏهن ڪامريڊ آزاد ٿيو ته اسان سوچيو ته وقت اچي ويو ته اسان هڪ وڏي عوامي پارٽي ٺاهڻ جي پوزيشن ۾ آهيون، دوستن سنڌ جو دورو ڪيو، هزارين ماڻهو اسان جي دوستن جي آجيان ڪندا هئا. هن چيو ته هي هڪ سياسي دور آهي، جنهن تي لکڻ گهرجي. هن چيو ته اسان کي انسان ڪرڻ واري اسان جي پارٽي ۽ اسان جو نظريو آهي، مون شعوري طور تي به سياسي پارٽين جون ڪهاڻيون نه لکيون آهن. پ پ اڳواڻ مولابخش چانڊيو چيو ته اقبال ملاح لکي به وڏي چڱائي ڪئي آهي، پر هن ڪتاب جي بهاني سڀني ڪامريڊن کي گڏ به ڪيو اٿس. هن چيو ته اقبال ملاح اسان جي سياسي زندگي جو هڪ حصو آهي، هتي ويٺل منهنجا جيلن جا دوست ۽ جدوجهد جا دوست مليا آهن، منهنجا نظرياتي ساٿي به هتي موجود آهن. هن چيو ته هتي دوستن ڪيترائي سوال اٿاريا آهن، جن جا جواب ڏيڻ گهرجن. هن چيو وڃي ٿو ته 30 هزار اسڪول بند آهن، پر اها ذميواري رڳو اسان جي حڪومت جي ناهي، اڳين حڪومتن کان به اهو سوال ڪيو وڃي. هن چيو ته ماضيءَ ۾ ڪاليجن ۽ يونيورسٽين کي بند ڪرايو ويو، ان وقت اهو ڇو نه سوچيو ويو ته اسان هي ڇا ڪري رهيا آهيون، پر ان وقت به ماڻهن کي پنهنجا مقصد حاصل ڪرڻا هئا. هن چيو ته هتي انقلاب جون ڳالهيون ڪندڙ ٿوري دير ۾ انقلاب جي ڳالهه وساري ويهن ٿا. هن چيو ته قومي جمهوري انقلاب ۽ عوامي جمهوري انقلاب جهڙيون ڳالهيون ڪري منجهائي ماڻهن کي ساڻو ڪيو ويو، پر نتيجو ڪجهه به نه نڪتو. هن چيو ته سنڌ جي سوچيندڙ لڏي جو احترام ڪيون ٿا. هن چيو ته اسان جا رستا الڳ ضرور آهن، پر منزل اسان جي هڪڙي ئي آهي ۽ اها سنڌ کي ترقي آهي. هن چيو ته مون کان به سياسي عمل ۾ غلطيون ضرورو ٿيون آهن، جنهن جو آئون اعتراف به ڪيان ٿو، پر غلطين کي سڌاري اڳتي وڌي رهيا آهيون، اهڙي طرح سمورن سياسي ڪارڪنن کي پنهنجين غلطين جو اعتراف ڪرڻ گهرجي، پنهنجي ذات پرستي ۽ شخصي طرح ٿيل غلطين جو اعتراف ضرورو ٿيڻ گهرجي، پنهنجا ڏوهه ٻين جي گلي ۾ وجهڻ وارو رويو درست ناهي. شهيد نذير عباسي جي وني حميده گهانگهرو چيو ته اقبال ملاح کي مون اڄ کان 27 سال اڳ ڏٺو هو، جيڪو ساٿا ٻارڙا جو اهو نوجوان جنهن ڊي ايس ايف جي جهنڊي کي کڻي اڳتي وڌيو. هن چيو ته شهيد نذير عباسي پنهنجي ساهه ڏئي ويساهه ڏنو، اهو ويساهه اڄ به موجود آهي، اسان ٽٽا ناهيون، اسان ان ڪري نه ٽٽا آهيون ته جو اسان نظرياتي آهيون. هن چيو ته اها الڳ ڳالهه آهي ته اڄ پارٽي جو ڪو پليٽ فارم موجود ناهي، پر اڄ به اسٽيج تي اهي سڀ ساٿي موجود آهن. هن چيو ته شهيد نذير عباسي جي سوچ ۽ فڪر 1980ع ۾ به اهو ئي هو اڄ به ساڳي انداز سان قائم آهي، اسان جو تسلسل جاري آهي، اقبال ملاح اڄ جيڪڏهن ڪجهه لکيو آهي ته ان جي معنيٰ اها آهي ته هي ان جو تسلسل آهي، هن پنهنجي ڪتاب ۾ تاريخ سان ويساهه گهاتي نه ڪئي آهي ۽ جيئن ڏٺو تيئن ئي لکيو ۽ اهو حقيقتن تي ٻڌل آهي. قومپرست اڳواڻ ۽ جيئي سنڌ قومي محاذ جي اڳواڻ ڊاڪٽر نياز ڪالاڻي چيو ته ڪتاب ۾ شهيد مقصود قريشي جي حوالي سان لکيل آهي ته اسان ۽ صنعان قريشي اسپتال پهتا هئاسين، پر ائين ناهي اسان واقعي واري هنڌ ئي پهتا هئاسين، اهڙي طرح ٻيون ڪجهه ڳالهيون آهن، جن کي درست ڪرڻ گهرجي، پر بهرحال اقبال ملاح هن ڪتاب ۾ ايمانداري ۽ سچائي جو مظاهرو ڪيو آهي. هن چيو ته ڪتاب ۾ اقبال ملاح ڪميونسٽ تحريڪ لاءِ جيڪو لکيو آهي ان سان آئون متفق آهيان. هن چيو ته ڪميونسٽن کان سنڌ غائب هئي، هنن سنڌ کي اوليت نه ڏني، ماضي ۾ جيڪو ڪجهه ٿيو اهو نه ٿيڻ گهرجي ها، ماضيءَ جون غلطيون رهيون آهن. هن چيو ته نه تحريڪون ختم ٿيون آهن، نه آدرش ختم ٿيا آهن، پر منزل چٽي ڪئي وڃي، تضادن کي چٽو ڪيو وڃي. هن چيو ته اڄ نظرين جي آڙ ۾ قومن جا قيد خانا بڻايا ويا آهن، جيستائين قومن جي آزادي نه ملندي تيستائين مسئلا حل نه ٿيندا. عوامي جمهوري پارٽي جي صدر ابرار قاضي چيو ته اقبال منهنجو پراڻو د وست آهي، مون جيترو ويجهو اقبال کي هن ڪتاب ۾ ڏٺو آهي، ايترو اڳ ناهي ڏٺو، اقبال جو ڪتاب ڪجهه آتم ڪهاڻي ڪجهه تاريخ آهي، هي صحافت جي ڊائري آهي، واقعا ڪيئن ٿيا، ڪنهن سان ملاقات ٿي، محترمه سان ڪهڙيون ڳالهيون ٿيون. هن چيو ته اقبال جي ڪتاب ۾ اڃا ڪيتريون ئي ڳالهيون گهٽ آهن، پر پوءِ به هن قلمي پورهيو ڪيو آهي، جنهن تي کيس جس آهي. ترقي پسند دانشور امداد چانڊيو چيو



اقبال ملاح جي ڪتاب جي مهورتي تقريب اڄ ٿيندي


2017-10-09

حيدرآباد( اسٽاف رپورٽر)برک صحافي . کاٻي ڌر جي اڳوڻي اڳواڻ اقبال ملاح جي ڪتاب جي مهورتي تقريب اڄ پريس ڪلب حيدرآباد ۾ شام 3وڳي رٿي وئي آهي ،هن ڪتاب ۾ اقبال ملاح ايم آر ڊي تحريڪ، ماضي قريب جو سنڌ سموري پوري پاڪستان جو اڀياسي جائزو، امن لانگ مارچ، ڪامريڊ ساقي جي پ پ ۾ شموليت ، محترمه بينظير ڀٽو کان پيرصاحب پاڳاري برک سياسي اڳواڻن جو احوال ثشهيد بشيرخان قريشي، علي حسن چانڊيو، ڊاڪٽر قادر مگسي جون سياسي سرگرميون، ٽنڊو بهاول جو سانحو سميت سنڌ سان پيش آيل واقعن، حادثن ۽ سنڌ جي سياسي معاشي صورتحال جو اڀياسي جائزو هن ڪتاب ۾ شامل آهن. تقريب کي اديب، شاعر خطاب ڪندا.



آمريڪين جي جاکوڙ مطابق لڪي ۽ ڀڳوٺوڙو جا پٿر پنجاهه هزار سالن جا پراڻاآهن: ڀنڀرو


2017-09-20

ڄامشورو (ڊر) سنڌ جي نامياري صحافي ۽ ليکڪ غلام عباس ڀنڀري چيو آهي لڪي ۽ ڀڳوٺوڙو جبلن مان چونڊ ڪيل پٿرن تي آمريڪا ۾ ريسرچ ڪرڻ کان پوءِ معلوم ٿيو آهي ته اهي پٿر پنجاهه هزار سالن جا پراڻا آهن ۽ ان تحقيق ذريعي اهو به معلوم ٿيو آهي ته سنڌ جا ماڻهو انهن ڏينهن ۾ ڪپڙا پائيندا هئا ۽ پنهنجا گهر ٺاهي رهندا هئا هن اها ڳالهه ڪالهه سنڌيونيورسٽي ۾ ميڊيا اينڊ ڪميونيڪيشن شعبي ۾ سندس لکيل 2 ڪتابن ”هڪ دور جو پورو سفر“۽ ٻيو ڪتاب”هڪ سج ٻه پاڇا“، جي مهورتي تقريب تي خطاب ڪندي ڪئي هن تقريب ۾ شعبي جي شاگردن، شاگردياڻين، استادن، ناميارن اديبن ۽ آرٽسٽن وڏي انگ ۾ شرڪت ڪئي. غلام عباس ڀنڀري وڌيڪ چيو ته آئون هن وقت تائين پنجاهه ڪتاب لکي چڪو آهيان جنهن مان ڇهه ڪتاب شايع ٿي چڪا آهن زندگي ساٿ ڏنو ته هڪ سئو ڪتاب لکي ويندس هن وڌيڪ چيو ته نوجوانن کي صحافت سان گڏوگڏ تاريخ کي به پڙهڻ گهرجي. ان موقعي تي سنڌي ادب ۾ خوبصورت ڪتاب شايع ڪندڙ اداري پوپٽ پبليڪيشن جي ڊائريڪٽر قربان منگي چيو ته  نوجوان شاگرد صحافي نه پر وقت جا دانشور پڻ آهن جن ۾ اسان ۽ توهان جي مائٽن جون وڏيون اميدون آهن. يونيورسٽي جي شعبي آرٽ اينڊ ڊزائين شعبي جي استاد پروفيسر سعيد منگي چيو ته شاگردن کي گهرجي ته کين جيترو به وقت ملي، اهي ڪو نه ڪو ڪتاب ضرور پڙهن ان سان کين وڏي ڄاڻ ملندي سنڌي شعبي جي استاد دانشور مخمور بخاري خطاب ڪندي چيو ته هتي جيڪو پوئين ڪرسي تي ويهندو آهي ان جي سوچ اڳين ڪرسين تي ويهندڙ جي سوچ ۾ فرق هوندو آهي هن نوجوانن کي صلاح ڏني ته اهي پنهنجي سوچ کي وڌائڻ لاءِ اڳئين جاءِ ولارڻ جي ڪوشش ڪن نامياري شاعر ۽ ليکڪ امر اقبال خطاب ڪندي چيو ته اوهان هن شعبي ۾ رڳو پڙهڻ نه پر سکڻ به ايندا ڪيو ڇاڪاڻ ته توهان هن وقت صحيح جاءِ تي تعليم حاصل ڪري رهيا آهيو پروفيسر ڊاڪٽر عبدالمجيد چانڊيو چيو ته غلام عباس ڀنڀري وڏي محنت سان هي مقام حاصل ڪيو آهي هو اديب ۽ صحافي هجڻ سان گڏوگڏ هڪ سوشل ورڪر به آهي تقريب کي نامياري صحافي سهيل سانگي غلام عباس ڀنڀري بابت ڳالهائيندي چيو ته هن جيترو پڙهيو آهي اوترو اسان مان ڪير به پڙهي نه سگهيو آهي جڏهن ته هن پڙهڻ سان گڏوگڏ ان کي پنهنجي زندگي تي لاڳو به ڪيو آهي ميڊيا اينڊ ڪميونيڪيشن شعبي جي چيئرمين پروفيسر ڊاڪٽر بدر سومري، غلام عباس ڀنڀري جي صحافتي ۽ ادبي خدمتن تي ڳالهائيندي چيو ته غلام عباس ڀنڀرو هڪ شخص نه پر اُتر سنڌ ۾ صحافين جي هڪ اڪيڊمي آهي، هو اهڙو ڪنڀار آهي جيڪو ڪچي صحافيءَ کي پچائي پڪو پختو صحافي بڻائي ٿو. ۽ چيو ته اسان پنهنجي شعبي ۾ مستقبل جا هڪ بهترين صحافي تيار ڪرڻ لاءِ ڪوشش ڪري رهيا آهيون اسان جي ڪوشش آهي ته اسان جي شعبي جا فارغ ٿيندڙ نوجوان ع



E-Paper




Jobs




Advertising