پ پ جو 50 سالا يوم تاسيس، جلسي جي موقعي تي عوامي سمنڊ اٿلي پيو، ساک کڻي وچن ڪيو ويو، ظالماڻو نظام نه کپي، پارٽي چيئرمين پاران 6 نڪاتي سڌارن جو اعلان،،، ماڻهو مايوس نه ٿين، جيڪو ٿيندو عوام جو ووٽ فيصلو ڪندو: پ پ قيادت،،، ڀٽو شڪست کاڌل، ٽٽل ڦٽل پاڪستان سنڀاليو، هر دور ۾ پ پ غير معمولي حالتن ۾ پاڪستان کي سنڀاليو آهي، هر قسم جي فتني ساڙ کان آجو سماج چاهيون ٿا: بلاول،،، اسان پاڪستان کي نئين صورت ڏني، بلوچستان کي ترقي ڏياري، جمهوريت جو تحفو پ پ ۽ بينظير جي قرباني جو آهي،،، گاڊ فادر ۽ ڪوڙي خان کي ڳالهه سمجهه ۾ نه پئي اچي: زرداري،،، آمرن جي ڪري اوڀر ۽ اولهه پاڪستان ۾ نار وڌندو ويو، ڀٽو شهيد پاڪستان رياست کي جمهوري آئيني بنياد تي قائم ڪيو، ڀٽي پاڪستان کي مضبوطي ڏني ته غير جمهوري قوتن حملا ڪرڻ شروع ڪيا، ڀٽي شهيد هن ملڪ کي آئين ڏنو،،، ڀٽي شهيد پاڪستان کي جمهوري ۽ پارلياماني روايتن ڏانهن وڌايو، ماءُ جي مٿي تي لڳندڙ لٺين به بينظير جو حوصلو نه ٽوڙيو، شهيد ڀٽي 90 هزار جنگي قيدي آزاد ڪرايا، آصف زرداري سي پيڪ جو بنياد رکيو،،، شهيد ذوالفقار علي ڀٽو ملڪ کي ايٽمي طاقت ڏئي پاڪستان جو دفاع هر دور لاءِ مضبوط ڪري ڇڏيو، انڊيا وارا ٻڌي ڇڏين ته جيسيتائين پ پ آهي ڪشمير اسان جو آهي، طاقت جو سرچشمو عوام آهي: اڳوڻو صدر آصف،،، پ پ ڪنهن خاندان نه پر عوام جي ميراث آهي، نواز شريف ووٽ چوري ڪري حڪومت ٺاهي، هن وقت ان ملڪ ڪنگال ڪري ڇڏيو آهي، جعلي خان جعلي مينڊيٽ ۽ مشرف جو ڪو به مستقبل ناهي، هاڻي پنهنجي جمهوريت آڻينداسين: جلسي کي خطاب ***سازشون ڪندڙن کي عوام 2018ع جي چونڊن ۾ لغام ڏيندو: مريم اورنگزيب،،، ڌرڻي تي وڌيڪ ڳالهائڻ پاڪستان جي حق ۾ ناهي، پاڪستان اهڙن ڌرڻن کي برداشت نه ٿو ڪري سگهي،،، دهشتگردي خلاف جنگ ۾ پاڪستان تمام وڏيون قربانيون ڏنيون آهن، ڌرڻن جي سياست ڪندڙ ملڪ سان سچا نه آهن *** شهباز شريف ۽ ٻين ذميوارن کي استعيفيٰ ڏيڻ گهرجي: طاهر القادري،،، حڪومت معصوم ماڻهن کان حياتيون کسيون، حڪمرانن مان چڱائي جي اميد ناهي، ڪابه ٽياڪڙي نه گهرجي، قانون جي طاقت سان حڪمرانن جون ڳچيون پڪڙيون وينديون،،، مظلوم ماڻهن لاءِ قصاص ۽ انصاف گهرجي، يتيمن جون پٽون ۽ پاراتا کين ڪنهن به قيمت تي بچڻ نه ڏيندا، ٻئي ڀائر ۽ سندس ساٿي جيل ويندا،،، پنجاب جي وڏي وزير چيو ته جيڪڏهن ذميواري مٿس لاڳو ٿي ته فوري طور استعيفيٰ ڏئي ڇڏيندو، لاهور هاءِ ڪورٽ جي سنگل بينچ فيصلو برقرار رکيو آهي ***لاهور هاءِ ڪورٽ ماڊل ٽائون جي رپورٽ منظر عام تي آڻڻ جو حڪم ڏئي ڇڏيو،،، جسٽس عابد عزيز شيخ جي سربراهي ۾ جسٽس شهباز رضوي ۽ جسٽس قاضي محمد امين احمد تي ٻڌل لاهور هاءِ ڪورٽ جي ٽي رڪني بينچ ٻڌڻي ڪئي،،، جاچ رپورٽ جون ڪاپيون صوبائي حڪومت کي ڏنيون وڃن اها فيصلي خلاف سپريم ڪورٽ ۾ اپيل ڪري سگهي ٿي، رپورٽ پڌري ٿيڻ بعد ٽرائل تي اثر نه پوندو: عدالت *** ماڊل ٽائون سانحي جي ذميوارن خلاف ڪيس داخل ڪيو وڃي: پ پ،،، انڪوائري رپورٽ منظر عام تي ايندي ئي ذميوارن خلاف ڪيس داخل ڪيو وڃي: چوڌري منظور،،، لاهور هاءِ ڪورٽ جي فيصلي تي فوري طور عمل ڪيو وڃي ۽ رپورٽ جي روشني ۾ ذميوارن کي گرفتار ڪيو وڃي *** رپورٽ جون حقيقتون ڄاڻڻ ماڊل ٽائون سانحي جي متاثرن جو حق آهي: بابر اعواڻ،،، شهباز شريف 10 ارب رپين جي هرجاڻي واري دعويٰ جو ترت فيصلو چاهي ٿو،،، حڪومت پاڻ ڪميشن ٺاهي هئي، هاڻي رپورٽ پبلڪ ڪرڻ ۾ ڇا آهي: ميڊيا سان ڳالهيون *** قانوني طور جسٽس باقر نجفي جي رپورٽ غير اثرائتي آهي: راڻا ثناءُ الله،،، ماڊل ٽائون سانحي بابت رپورٽ ۾ ڪنهن به حڪومتي شخص کي ذميوار قرار ناهي ڏنو ويو،،، عدالت حڪومت کي 30 ڏينهن ۾ رپورٽ جاري ڪرڻ جو چيو آهي، واقعي جا بي شمار ثبوت ميڊيا وٽ آهن،،، ايجنسين جي رپورٽ کي ان رپورٽ سان ناهي سلهاڙيو ويو، رپورٽ ۾ پي اي ٽي طرفان ڪا شهادت ناهي ٿي *** ڀارتي فوج والاريل ڪشمير ۾ سرچ آپريشن دوران ٽن ڪشميرين کي شهيد ڪري ڇڏيو *** سنڌ سميت سڄي ملڪ ۾ سيءَ جي شدت ۾ اضافو ٿي ويو،،، سنڌ جي اترئين علائقن ۾ صبح جو هلڪو ڪوهيڙو ٿيڻ جو امڪان، ٿڌين هوائن سنڌ جو رخ ڪري ورتو،،، ڪراچي سميت سڄي ملڪ ۾ سياري جي شدت ۾ واڌ ٿي وئي ۽ ڪوئيٽا ۾ گرمي پد منفي 10 ڊگري تي پهچي ويو،،، ملڪ جي مٿاهين علائقن ۾ برسات ۽ جبلن تي هلڪي برفباري جو امڪان آهي: موسميات کاتو *** ٻيهر اين ٽي ايس ٽيسٽ بابت وڏي وزير جو نوٽيفڪيشن ڪالعدم قرار، نتيجا برقرار،،، اين ٽي ايس ٽيسٽ ميرٽ تي ڏني هئي، پيپر رد ڪرڻ غيرقانوني آهي، اسان ٽيسٽ ۾ پاس ٿياسين، ٻيهر ٽيسٽ وٺڻ غيرقانوني آهي: درخواستگذار،،، عدالت دليل ٻڌڻ بعد اين ٽي ايس نتيجن کي برقرار رکڻ جو حڪم ڏيندي سنڌ جي وڏي وزير جو نوٽيفڪيشن ڪالعدم قرار ڏئي ڇڏيو،،، سنڌ جي وڏي وزير ٻيهر امتحان وٺڻ جو نوٽيفڪيشن جاري ڪيو هو ته ميڊيڪل جي شاگردن اين ٽي ايس ٽيسٽ رد ڪرڻ لاءِ عدالت ۾ درخواست داخل ڪئي ***غير ملڪي فنڊنگ ڪيس: عدالت اليڪشن ڪميشن کي پي ٽي آءِ خلاف وڌيڪ ڪارروائي کان روڪي ڇڏيو،،، جسٽس محسن اختر غير ملڪي فنڊنگ ڪيس ۾ اليڪشن ڪميشن جي 8 مئي واري حڪم خلاف تحريڪ انصاف جي درخواست تي ٻڌڻي ڪئي،،، اليڪشن ڪميشن جو تحريڪ انصاف سان رويو تعصب تي ٻڌل آهي.تحريڪ انصاف جي اڪائونٽن جا تفصيل شايع ڪرڻ غير قانوني قدم آهي: وڪيل انور منصور *** نواز شريف کي پارٽي صدر بڻجڻ بابت ڪيس ۾ نوٽس جاري *** ڪوئيٽا ۾ ڊي آءِ جي حامد شڪيل تي حملي ۾ مددگار گرفتار *** آرمي چيف جي صدارت هيٺ ڪور ڪمانڊر ڪانفرنس، آپريشن رد الفساد ۽ خطي جي سيڪيورٽي صورتحال جو جائزو،،، ڪانفرنس ۾ خطي جي سيڪيورٽي صورتحال، آپريشن رد الفساد، خوشحال پاڪستان پروگرام ۽ بلوچستان ۾ ترقياتي مضبوطي جي معاملن تي غور ڪيو ويو *** عمران خان 15 ڊسمبر تي ٽنڊو محمد خان ۾ جلسي کي خطاب ڪندو، تياريون شروع *** پي ٽي آءِ انٽرا پارٽي چونڊن بابت فيصلو 13 ڊسمبر تائين ملتوي،،، اليڪشن ڪميشن ۾ پي ٽي آءِ انٽرا پارٽي چونڊن خلاف درخواست جي ٻڌڻي ٿي،،، اڄ ٻيون ڀيرو درخواست کي اسان جي ڪري ملتوي ڪيو پيو وڃي: چيف اليڪشن ڪمشنر***

تقافتي ڏهاڙي جي حوالي سان روشن تارا ھاءِ اسڪول سيوهڻ ۾ هڪ رنگا رنگي تقريب منعقد


2017-11-27

سيوهڻ(ن هلچل) تقافتي ڏهاڙي جي حوالي سان روشن تارا ھاءِ اسڪول سيوهڻ ۾ هڪ رنگا رنگي تقريب منعقد ڪئي وئي تقريب ۾ پنهنجي سنڌي ثقافت   کي اجاگر ڪرڻ لاءِ مختلف شاگردن ۽ شاگردياڻين تقريرون ڪيون اسڪولي شاگردن ثقافتي ويس  اوڙهي ثقافتي گانن تي پرفامنس ڪري آيل مهمانن کان خوب  داد وصول ڪيو،  آيل مهمانن کي اجرڪ اوڍايا ويا بهترين پرمانس تي شاگردن ۽ شاگردياڻين کي شيلڊون ۽ انعام ڏنا ويا سنڌ گريجيوئيٽ ايسوسيئيشن جي مرڪزي اڳواڻن پيرل خان کوسو،منظور حسين اڄڻ،جاويد احمد انڙ،رفيق احمد سرهيو،شهاب الدين شاهاڻي،آفتاب احمد پنهور ۽ سياسي سماجي صحافي برادري جي شرڪت نورمحمد سيال چئرمين روشن تارا هاء اسڪول  آيل مهمانن کي آجياڻو ڏنو خبر موجب سنڌي ميڊيا طرفان اعلانيل 3ڊسمبر تقافتي ڏھاڙي ملهائڻ جي اعلان کان پوء سيوھڻ شريف تقافتي رنگن سان رنڱجي ويو آهي اجرڪ ۽ ٽوپين جي دڪانن تي رش نظر اچي رهي آهي اهڙي طرح تعليمي ادارن ۾ پڻ مختلف رنگ به رنگي تقريبون جاري آهن ڪالھ سيوهڻ ۾ سنڌ گريجيوئيٽ ايسوسيئيش پاران ھلندڙ روشن تارا هاء اسڪول ۾ تقافتي ڏهاڙي جي حوالي سان هڪ پر وقار تقريب جو بندوبست ڪيو ويو هو تقريب جي شروعات ڪلام پاڪ جي تلاوت ڪرڻ کان پوء باقائده شروعات ڪئي وئي .تقريب ۾ روشن تارا ھاء اسڪول جي شاگردن ۽ شاگردياڻين سنڌي تقافت کي اجاگر ڪرڻ لاء مختلف موضوعن تي تقريرون ٽيبلا پيش ڪيا ۽ قومي گيتن تي تقافتي ويس اجرڪ ٽوپي پائي پنهنجي ٻولي ،ريت رسمن کي اجاگر ڪرڻ لاء پرفامنس ڪري ڪهي آيل مهمانن کان خوب داد حاصل ڪيو .هن شاندار تقريب ۾ سگا سنڌ جا مرڪزي اڳواڻن  پيرل خان کوسو،منظور حسين اڄڻ،جاويد احمد انڙ،رفيق احمد سرهيو،شهاب الدين شاهاڻي،آفتاب احمد پنهور ،عبدالرسول سومرو،اعظم ميمڻ سميت شهر جي سياسي سماجي ڌرين غلام حيدر ميمڻ  ،ڪائونسلر علي اڪبر ڪٽوھڙ، پاڪستان هلال احمر ڄامشورو جي  انچارج آصف علي سيال ،صحافي برادري ۾ قادر ڪنڀر ،گلشير بلوچ ،شهمير اوٺو ۽ ٻين شرڪت ڪئي .تقريب ۾ آيل مهمانن کي سنڌ جي سڃاڻپ اجرڪ اوڍايا ويا.ان موقعي تي روشن تارا هاء اسڪول جي چئرمين  نورمحمد سيال چيو ته اسين ھر پنهنجي اسڪول ۾ تقافتي ڏينهن ملهائيندا آهيون .هي ڏهاڙو ملهائڻ جو مقصد پنهنجي پنج ھزار پراڻي ثقافت اجرڪ ٽوپي کي نمايان ڪرڻ آهي .اسين پنهنجي سنڌ ڪلچر کي اجاگر ڪري دنيا کي ۽ڏيکارڻ چاهيون ٿا ته سنڌي قوم سجاگ آهي اسان سنڌي ميڊيا جي ذريعي دنيا کي پنهنجون ريتون رسمون ڏيکارڻ چاهيون ٿا.سگا سنڌ جي مرڪزي وائس چئرمين پيرل خان کوسو چيوته ثقافت سان گڏ تعليم ٻار جي لاء ضروري آهي جنهن سان ٻار ذھين ٿي وڃي ٿو.هن وڌيڪ چيو پهريان تعليم پڳء انٽرٽينمنٽ ضروري آهي .بهترين تقريرون ۽ پرفامنس ڪرڻ تي شاگردن ۽ شاگردياڻن کي شيلڊون ۽ انعام ڏنا ويا. پروگرام جي ميزباني چئرمين روشن تارا هاء اسڪول نور محمد سيال ڪئي .تقريب ۾ روشن تارا هاء اسڪول جي پرنسپال سميت سڀني ڪلاس ٽيپچرس پڻ  شرڪت ڪئي.



ڳوٺ گهمن ڪالرو ۾ ثقافتي مچ ڪچهري منعقد،ڳوٺاڻن پاران ٽوپيون اجرڪون پائي شرڪت


2017-11-22

ڪوٽ غلام محمد (ن هلچل) ڳوٺ گهمن ڪالرو ۾ ثقافتي مچ ڪچهري منعقد،ڳوٺاڻن جي معززين جي ٽوپيون اجرڪون پائي شرڪت، بيئاني مکڻ خاصخيلي ثقافتي بينون وڄائي واھ واھ ڪرائي ڇڏي، سگهڙن ڳجهارتون ڏئي مچ ڪچهري کي چار چنڊ لڳائي ڇڏيا، مقامي راڳين ثقافتي ڳيت ڳائي شاعرن نظم پڙهي سج اڀاري ڇڏيو، ثقافت کي ڀيٽا پيش.3 ڊسمبر تي ثقافتي ڏهاڙو ملهائڻ جي حوالي سان ڪوٽ غلام محمد جي قديمي ڳوٺ گهمن ڪالرو ۾ يوسي وائيس چيئرمين سردار فداحسين ڪالرو، سماجي اڳواڻ غلام مرتضى ڪالرو، ارشاد ڪالرو ڊاڪٽر محمد عباس ڪالرو ۽ عطاحسين ڪالرو پاران ثقافتي ڪچهري منعقد ڪئي وئي، جنهن ۾ ڳوٺاڻن مقبول احمد دل، رمضان ڀنڀرو، ملوڪ ڀيل، چترو ڀيل ۽ ٻين ٽوپيون اجرڪون پهري شرڪت ڪئي، مچ ڪچهري جو آغاز شاعر سليم ساقي شر پاران تلاوت ڪلام پاڪ پڙهڻ بعد شروع ڪيو ويو،مچ ڪچهري ۾ مقامي بينائي مکڻ خاصخيلي ثقافتي سرن تي بنيون وڄائي واھ واھ ڪرائي ڇڏي، جڏهن ته شاعرن سليم ساقي شر، سلطان پرهياڙ، عبدالڪريم سهتو ۽ ٻين ثقافتي ڏهاڙي تي نڪور شاعري ٻڌائي سنڌ جي ثقافتي کي ڀيٽا پيش ڪئي، مچ ڪچهري ۾ مقامي فنڪارن مينهدرو ڀيل، بادل فقير، ڪانجي ڀڳت ثقافتي ڳيتن جي محفل رچائي نوجوانن کي جهمريون هڻڻ تي مجبور ڪري ڇڏيو، جڏهن ته سردار فدا حسين ڪالرو، ساقي سليم شر، جانمحمد ڪالرو، بادل فقير، منيراحمد ڪالرو، عطاحسين ڪالرو ۽ ٻين ڳجارتن جي محفل ڪندي هڪ ٻي کي ڳجهارتون ڏيندي سنڌ جي تهذيب کي اوجاگر ڪيو، ان موقعي تي ڳوٺاڻن يوسي وائيس چيئرمين فداحسين ڪالرو، غلام مرتضى ڪالرو، عبدالڪريم سهتو ۽ ٻين ڪيل ثقافتي ڏهاڙو ملهائڻ واري اعلان جي آجيان ڪندي 3 ڊسمبر تي ثقافتي ڏهاڙو وڏي ڌام ڌوم سان ملهائڻ جو پڻ اعلان ڪيو،



اسين سڀ شاهه ڀٽائيءَ جا عاشق آهيون جنهن مارئي جهڙو عظيم ڪردار تخليق ڪيو: سيد سردار شاهه


2017-11-08

مٽياري(ڊ ر) صوبائي وزير سياحت، ثقافت و نوادرات سيد سردار علي شاهه حضرت شاهه عبداللطيف ڀٽائي رح جي 274 هين عرس مبارج جي پڄاڻي واري تقريب کي خطاب ڪندي راڳ جي راڻي عابده پروين کي زبردست ڀيٽا پيش ڪندي چيو آهي ته سنڌي ماڻهن کي ڌرتيءَ جي هن عظيم ڌيءَ تي فخر آهي، دنيا ۾ توهان فخر سان چئي سگهو ٿا ته آئون سنڌي آهيان ۽ شاهه لطيف، شهيد محترمه بينظير ڀٽو ۽ راڳ جي راڻي عابده پروين جي ديس جو ماڻهو آهيان. عابده پروين سر جي سنڌو ندي ۽ راڳ جو درياءُ آهي جيڪو موهن جي دڙي جي چيڪي مٽيءَ مان پيدا ٿيو. سنڌ ڌرتيءَ جي هيءَ عظيم نياڻي جڏهن اجرڪ اوڍي ڏيهه توڙي پرڏيهه ۾ جتي جتي به پرفارم ڪندي آهي ته ماڻهن تي سحر طاري ٿي ويندو آهي. هن چيو ته اسين سڀ شاهه ڀٽائيءَ جا عاشق آهيون جنهن مارئي جهڙو عظيم ڪردار تخليق ڪيو جنهن جي حب الوطني ۽ ڌرتيءَ سان پيار بي مثل آهي. لطيف جو پيغام اقوام متحده جو چارٽر ٿي سگهي ٿو، عابده پروين شاهه سائين جي محبت، ڀائيچاري ۽ خوشحالي جي پيغام کي ڏيهه توڙي پرڏيهه ۾ پڄائي پئي جنهن تي کيس پوري سنڌ سلام پيش ڪري ٿي. صوبائي وزير چيو ته عرس مبارڪ دوران بهترين انتظام ڪرڻ تي ضلعي انتظاميه خاص طور تي ڊپٽي ڪمشنر مٽياري پرويز احمد بلوچ ۽ ايس ايس پي مٽياري سيد امداد علي شاهه جا ٿورائتا آهيون جن سيڪيورٽي جي حوالي سان بهترين انتظام ڪيا، سيڪيورٽي سبب جيڪڏهن پانڌيئڙن کي تڪليف پهتي آهي ته ان لاءِ معذرت ڪيون ٿا. صوبائي وزير چيو ته شهيد راڻي جو فرزند پنهنجي خانداني روايت برقرار رکندي سيڪيورٽي خدشن باوجود به درگاهه تي حاضري ڀري ۽ ايڇ ٽي سورلي هال ۾ شاهه سائين جي پيغام کي عام ڪرڻ لاءِ ڪردار ادا ڪندڙ دانشورن، محققن ۽ فنڪارن کي لطيف ايوارڊ سان نوازيو جنهن لاءِ اسان سندس ٿورائتا آهيون.



ڏيهه ڏيساور جي ڌات ڌڻين طرفان ڀٽائي جو پيغام امن، محبت ۽ ڀائيچاري جو عالمي اهڃاڻ قرار


2017-11-06

ڀٽ شاهه ( ن هلچل ): ڏيهه، پرڏيهه توڙي سنڌ جي اديبن، دانشورن، قلمڪارن، ساڃاهه وندن ۽ لطيف شناسن شاهه عبداللطيف ڀٽائي رح کي عالمي شاعر ۽ انسانيت جو علمبردار قرار ڏيندي سندس شاعري، فلسفي ۽ پيغام کي پوري دنيا م ڦهلائڻ ۽ نوجوانن کي ان بابت وڌيڪ ڄاڻ فراهم ڪرڻ، ان تي جامع تحقيق ڪرڻ ۽ سنڌ جي يونيورسٽين ۾ قائم شاهه چيئرز ۾ وڌيڪ بهتري آڻڻ سميت ملڪي توڙي عالمي يونيورسٽين ۾ شاهه چيئرز قائم ڪرڻ جو مطالبو ڪندي چيو آهي ته شاهه جو پيغام امن، محبت ۽ ڀائيچاري جو پيغام آهي جيڪو معاشري مان اونڌهه کي ختم ڪرڻ لاءِ هڪ لاٽ آهي ۽ نوجوان نسل لاءِ پڻ مستقبل جو روشن آئينو آهي، جڏهن ته شاهه صاحب جو پيغام بي پهچ ماڻهن جو آواز آهي. اهڙو اظهار هنن ايڇ ٽي سورلي هال ڀٽ شاهه ۾ شاهه عبداللطيف ڀٽائي رح جي 274 هين عرس مبارڪ جي ٻئي ڏينهن تي منعقد ڪيل “لطيف ادبي ڪانفرنس” کي خطاب ڪندي ڪيو. ان موقعي تي ڪانفرنس ۾ صدارتي خطاب ڪندي سنڌ جي برک اديب، دانشور ۽ تحقيقدان جامي چانڊيو چيو ته ڀٽائيءَ جي هر سال ٿيندڙ عرس مبارڪ جي موقعي تي سڄي دنيا مان ايندڙ اسڪالر ۽ محقق پنهنجا خيال پيش ڪندا آهن. 274 سالن بعد به اڄ تائين ڪوبه شخص شاهه جي شاعريءَ ۾ اڻ رخي پهلوئن ۽ ان جي گهرائيءَ کان انڪار نه ڪري سگهيو آهي. شاهه جي شاعري هر دور ۽ هر نسل لاءِ بهتر رستو آهي. هن چيو ته ڊاڪٽر گربخشاڻي شاهه کي تمام گهڻو بهتر نموني پيش ڪيو آهي جڏهن ته شيخ اياز پڻ شاهه صاحب جي بهتر نموني شناسائي ڪئي آهي. گهڻ رخي فلاسافي ۽ شاعري ڀٽائي گهوٽ جي منفرد سڃاڻپ آهي. شاهه ڀٽائي دنيا ۾ رومي، حافظ ۽ امير خسرو کان وڌيڪ سڃاتو وڃي ٿو. شاهه صاحب هميشه مستقبل جي سوچ ڏني آهي، هو هڪ نفيس ۽ حساس شاعر هو جنهن وڏا پنڌ ڪري عوام جي اهنجن جي خاتمي لاءِ ڪم ڪيو. هن چيو ته اسان کي شاهه جي شاعريءَ تي وڌيڪ ڪم ڪرڻ جي ضرورت آهي، اسان جي ثقافت ۽ رواجن ۾ شاهه جو پيغام سمايل آهي، اڄ جي نوجوان کي پنهنجي حدن مان نڪري شاهه جي فلسفي کي سمجهڻو پوندو. هن چيو ته رومي حدن جي ڳالهه ڪئي جڏهن ته شاهه صاحب حدن کان ٻاهر پوري عالم جي ڀلائيءَ جي ڳالهه ڪئي آهي. هن چيو ته رڳو سنڌ جي ٽن يونيورسٽين م شاهه چيئرز قائم آهن جتي به جوڳو ڪم نه ٿي رهيو آهي جڏهن ته لاهور ۽ اسلام آباد سميت ملڪ جي ٻين علائقن ۽ پرڏيهه ۾ اهي چيئرز ڇو نٿيون قائم ڪيون وڃن، جڏهن ته لطيف جي فلسلفي تي عمل ڪرڻ سان ئي اسان مشڪلاتن مان ڇوٽڪارو حاصل ڪري سگهون ٿا. هن چيو ته اسان جو خطو پٺتي پيل آهي پر فخر جي ڳالهه آهي ته اسين آفاقي ماڻهو آهيون. نوجوانن کي هر حال ۾ شاهه کي پڙهندي پنهنجو مقام حاصل ڪرڻو پوندو ڇو ته ڀٽائي سموري سماج کي گڏ کڻي هلڻ جو درس ڏنو آهي. ڪانفرنس کي خطاب ڪندي حضرت شاهه عبداللطيف ڀٽائي رح جي گادي نشين سيد وقار حسين شاهه لطيفي چيو ته شاهه نه رڳو سنڌ پر پوري عالم لاءِ محبت جو نشان آهي، عيسائي مذهب هجي يا سک، شاهه جو پيغام سڀني لاءِ برابري جي بنيادن تي روشن رستو آهي. شاهه ڀٽائيءَ سان هر مذهب ۽ منسلڪ جو ماڻهو محبت ڪري ٿو. اسان کان سوال ٿيندو آهي ته دنيا ۾ موجود 73 فرقن/ سازن سان ڪهڙي ساز سان تعلق رکو ٿا ته اسان جو جواب هميشه هوندو آهي ته لطيفي ساز سان تعلق آهي جيڪو صوفين ۽ درويشن جو ساز آهي جيڪو روحاني خوشي ڏيندڙ آهي، شاهه جي تنبوري ۾ 5 تارون آهن جيڪي پنجتن پاڪ سان محبت جو اظهار آهن. لطيف جي فلسفي ۾ عورتن جو وڏو ذڪر آهي هن جي سمورن سرن ۾ عورتون هيرو قرار ڏنل آهن. آمريڪا سان تعلق رکندڙ ايملي هائوزي ۽ تائيوان سان تعلق رکندڙ في لنگ هوانگ سميت ٻيون ڪيتريون ئي عورتون شاهه جون سورميون آهن جيڪي ٻين ڀينرن لاءِ رول ماڊل آهن، اسان کي ڪيترائي چيلنجز درپيش آهن جن جو حل صوفين ۽ درويشن جو پيغام آهي. هن چيو ته ڀٽ شاهه ۾ قائم ڪيل صوفي يونيورسٽي پنجن سالن جو وقت گذاري چڪي آهي جيڪا دنيا جي پهرئين صوفي يونيورسٽي آهي جنهن مان اهو ثابت ٿئي ٿو ته شاهه ڀٽائي ۽ ان جي نگري عالمي حيثيت جي حامل آهي، ڪيترن ئي بنيادي سهولتن جي کوٽ ۽ سنڌ ۾ تعليم جي گهٽتائيءَ باوجود شاهه صاحب پوري عالم لاءِ دعا ڪئي آهي، اسان کي دنيا مان انتها پسندي ۽ دهشتگردي جي خاتمي لاءِ شاهه صاحب جي 300 سال اڳ ڏنل پيغام تي عمل ڪرڻو پوندو جنهن ۾ هن محبتي ڳوٺ جوڙڻ جو درس ڏنو هو. شاهه جو پيغام نه رڳو مسلمانن پر سموري انسانيت لاءِ هڪ پيغام آهي. ان موقعي تي “شاهه کي اڄ به سسئي ۽ مارئي ڳولهين ٿيون” جي عنوان تي پنهنجو مقالو پيش ڪندي اسلام آباد مان آيل ڪشور ناهيد چيو ته هوءَ هتي شاهه جي عورت ڪردارن ڳولهڻ آئي آهي، شاهه پنهنجي شاعري هيٺئين طبقي کي نظر ۾ رکندي لکي آهي، شاهه صاحب پنهنجو لهجو ۽ رويو ڏتڙيل ماڻهن مان حاصل ڪيو ۽ انهن کي پنهنجي شاعريءَ جو مرڪز بڻايو، اڄ جي نوجوانن کي شاهه جي پيغام جي لڄ رکڻ جي ضرورت آهي ۽ ان رستي تي عمل ڪرڻ جي ضرورت آهي. هن چيو ته شاهه عورتن سان انصاف ۽ برابري جي ڳالهه ڪرڻ سميت انهن جي آزادي ۽ حقن جي ڳالهه ڪئي آهي ۽ پنهنجي سرن ۾ عورتن کي هيرو بڻائي عورتن جي حيثيت کي اجاگر ڪيو آهي. ڪانفرنس کي خطاب ڪندي ناليواري لطيف شناس پروفيسر ڪي ايس ناگپال لطف لطيف تي پنهنجو مقالو پيش ڪندي چيو ته ڀٽائي جي شاعري روحاني ۽ دنياوي طور تي هڪ روشن پيغام آهي، شاهه جي فڪر کي هر حال ۾ زنده رکڻو آهي جڏهن ته جديد دنيا کي نظر م رکندي سائين جي فلسفي کي نئين انداز ۾ پڙهڻ جي ضرورت آهي. هن چيو ته سائنسي ايجادن جي ڀرمار سبب تباهيءَ جا آثار نظر اچي رهيا آهن جنهن کي اسين ترقي سمجهون ٿا ان تباهيءَ کي روڪڻ لاءِ شاهه جي فلسفي تي عمل ڪرڻو ئي پوندو. لطيفي نسخي ۾ محبت ۽ عشق وارو پيغام هزارين عارضي بيمارين جو علاج پڻ آهي. ان موقعي تي خطاب ڪندي شاهه جي راڳ تي پي ايڇ ڊي ڪندر تائيوان جي شاگردياڻي پي لنگ هوانگ چيو ته اها هن لاءِ وڏي اعزاز جي ڳالهه آهي ته هن شاهه جي راڳ تي پي ايڇ ڊي ڪري رهي آهي. هن چيو ته ڊاڪٽر اين اي بلوچ ۽ جي اي الانا جي شاهه سائين تي ڪيل تحقيق مان کيس وڏي ڄاڻ ملي آهي. شاهه جو راڳ ۽ ان جا راڳي هڪ منفرد خزانو آهن جيڪي شاهه جي ڏنل فڪر ۽ آواز کي زندهه رکندا اچن پيا. هن چيو ته شاهه جي راڳ تي پي ايڇ ڊي سبب تح



ڀرياسٽي ۾ صوفي فقير سائين عاشق حسين بابا جو عرس مبارڪ شروع


2017-10-31

ڀرياسٽي (ن هلچل) ڀرياروڊ ساهتي پرڳڻي جي تاريخي تعلقي ڀريا جي شهر ڀرياروڊ ۾ جنم وٺندڙ محمد ياسين المعروف صوفي فقير سائين عاشق حسين بابا به هڪ جو 10 عرس مبارڪ نهايت عقيدت ۽ احترام سان جاري .سائين فقير عاشق حسين بابا ستن ٻولين مادري زبان سنڌي، عربي،فارسي،پنجابي،انگريزي،اردو۽ سرائيڪي ۾شاعري ڪئي آهي.سائين کي سرڪار سچل سرمت کانپوءِ شاعري ۾ هفت زبان شاعري جو اعزاز پڻ مليل آهي.پاڻ تصوف جي رنگ ۾ شاعري چئي آهي.سندس شاعري کي سنڌ جي نالي وارا فنڪار بهترين انداز ۾ ڳائي رهيا آهن.پاڻ الله وارا انسانيت جي پرچار ڪندڙ شخصيت جا مالڪ هئا پاڻ هر وقت الله جي ذڪر ۽ فڪر ۾ ڳوڙها ڳاريندا هئا.سندن شفقت،محبت،۽ پيار جي ڪري ملڪ جي ڪنڊ ڪڙڇ مان هزارين ماڻهون اچي ڪري سندس مريد ٿيا.سندن شاعري اڃان ڪتابن جي صورت ۾ نه ڇپي آهي.سندس عقيدت مند چيل شاعري کي سهيڙي ڪتاب ڇپرائڻ لاءِ ڪم ڪري رهيا آهن.سنڌ جي نالي واري بزرگ محمد ياسين المعروف صوفي فقير شهنشاھ عاشق حسين بابا جو ڏهون عرس مبارڪ ڀريا تعلقي جي شهر ڀرياروڊ ۾ وڏي عقيدت ۽ احترام سان ملهايو ويو.ان موقعي تي ملڪ جي چئن صوبن جي ڪنڊ ڪڙڇ توڙي پرڏيھ مان آيل عقيدت مندن وڏي تعداد ۾ شرڪت ڪئي.عرس جي ٽن ڏينهن واري تقريب ۾ صوفي راڳ جون محفلون ٿيون جنهن ۾ نالي وارن صوفي راڳين،شاعرن اختيار خشڪ،عمران سمون سميت ٻين صوفي راڳ ٻڌائي ويٺلن تي سحر طاري ڪري ڇڏيو.عرس تقريب ۾ سائين محمد سليم شاھ راشدي فرزند سائين اعجاز شاھ راشدي،سائين سعيد احمد امروٽي،فقير محمد انور ڪيريو،فقير اشرف ڪيريو، سماجي اڳواڻ علي شير ڪيريو سميت علائقي جي سياسي سماجي اڳواڻن ۽ معززين جي هڪ وڏي انگ شرڪت ڪري سائين جي درگاھ تي حاضري ڀري گلن جون چادرون چاڙهيون.



موهن جو دڙو لڳ ڳوٺ گاجيديرو ۾ پير گاجن فقير جو ساليانو ميلو ڌام ڌوم سان شروع


2017-10-25

ڏوڪري(ن هلچل) موهن جو دڙو لڳ ڳوٺ گاجيديرو ۾ پير گاجن فقير جو ساليانو ميلو ڌام ڌوم سان شروع ٿي ويو جنهن ۾ ميلي جي پھرين ڌمال جو افتتاح درگاھ جي فقير ۽ سائين گاجن شاهه جي درگاھ تي گلن جي چادر چاڙهي ڪيو ميلي ۾ چڙيا گهر جهولا ڦرڻيون سرگس کان علاوهه راڳ رنگ جي محفل ۽ سنڌ جي مشهور ملھ جا مقابلا ٿيا جنهن ۾ سنڌ جي مشهور ملهھ پهلوانن غلام سرور بيهڻ غلام حسين آريجو غلام سرور بيهڻ مور اعواڻ مجيد اعواڻ مڇر ملھ چريو پنجاپي گلدستو ۽ ٻين ملھ پهلوانن حصو ورتو. ملھ جي مقابلن ڏسڻ لاءِ مهمان خاص قومپرست اڳواڻ ڪامريڊ دودو ديشي. سيد صدا حسين شاهه، سيد گلاب حسين شاهه، سيد ڇٽڻ شاهه، سيد علڻ شاهه، سيد پپن شاهه متارو ،سيد عيدل شاهه، سردار علي ڏنو خان گاڏهي، يوسي ڪاراني چئيرمين محمد جمن ٻگهيو، عابد حسين ٻگهيو ، صحافي عبدالجبار ميمڻ معشوق مشوري عامر ڏيرو ربنوازکوسو غلام محمد ڀٽي رحيم پنهور ۽ ٻين ملھ مقابلا ڏٺا ۽ ملھ پهلوانن کي انعام ڏنا ان موقعي تي درگاهه جي فقيردرگاهه جو خدمتگار فقير امام بخش شيخ فقير ارباب شيخ  ۽ قومپرست اڳواڻ ڪامريڊ دودو ديشي صحافين سان ڳالهائيندي چيو ته هن درگاهن جي ڪري ميلا لاکڙا لڳڻ ٿا جنهن ۾ سنڌ جي ثقافت ملھ جا مقابلا پڻ ٿين ٿا ان موقعي تي هنن حڪومت سنڌ ۽ ثقافت کاتي کان گهر ڪئي آهي هنن درگاهن جي سار سنڀال لهي هنن جي حفاظت ڪئي وڃي ته جيئن ڪنهن به اڻ وڻندڙ ڪو به واقعو پيش نه اچي سگهي جڏهن ته ملھ پهلوانن حڪومت کان گهر ڪئي آهي ته اسان ملھ پهلوانن جي مالي مدد سان گڏ اسان کي نوڪريون ڏنيون وڃن ته جئين اسان جو گذر سفر چڳي نموني گذري سگهي،



سجاول ۾ سنڌ جي ڀلوڙ عوامي شاعر سرويچ سجاولي جي ڏهين ورسي ملهائي وئي، ڀيٽا پيش


2017-10-24

سجاول(رپورٽ؛آزاد سومرو) سنڌ جي ڀلوڙ عوامي شاعر سرويچ سجاولي جي ڏهين ورسي آباڻي ڳوٺ سرويچ نگر ۾ ملهائي ويئي جنهن ۾ اديبن،شاعرن،سياسي،سماجي شخصيتن کان علاوه شهرين جي وڏي انگ شرڪت ڪئي.سرويچ سجاولي مارچ 1937ع ۾ سجاول لڳ ڳوٺ محمد ابراهيم تارڙو ۾ جنم ورتو سندس اصل نالو محمد صديق تارڙو آهي.عوامي شاعر سرويچ سجاولي جي ورسي تقريب ۾ سينيٽر سسئي پليجو،آڪاش انصاري،عبدالستار لوهار،محمد علي مانجهي،پروفيسر عبدالله ملاح،يونس ڀان ۽ ٻين پنهنجي خطاب ۾ مرحوم کي زبردست بيٽا پيش ڪندي چيو ته سنڌ جو نامور عوامي ۽ مزاحمتي شاعر سرويچ سجاولي پنهنجي شاعري سان سنڌ جي ڏتڙيل ۽ مظلوم طبقي جي ماڻهن ۾ سجاگي آڻي ظالمن،جابرن ۽ وڏيرن سان مهاڏو اٽڪائڻ جي سگهه پيدا ڪئي جنهن ڪري سندس وڇوڙي سبب پيدا ٿيل خال صدين تائين ڀرجي نه سگهندو.بعد ۾ راڳ رنگ جي محفل ۾ ناليوارن فنڪارن الهڏنو جوڻيجو، شاهي خاصخيلي،شازيه ترنم،مومل ناز ۽ ٻين پرهه ڦٽي تائين سر وکيريا.



حمل فقير سنڌي سرائيڪي جو ڀلوڙ شاعر هو ان کي وسارڻ نه گهرجي: سڄاڻ ڌرين پاران ڀيٽا پيش


2017-10-23

سڪرنڊ (رپورٽ: ذوالفقار عمراڻي )سنڌ جي سرموڙ سنڌي ، سرائيڪي ٻولي جي شاعر حمل فقير لغاري جو 139 هون عرس مبارڪ جي سلسلي ۾ صوفي راڳ رنگ جي محفل ثقافت کاتي سنڌ جي ميزباني هيٺ سڪرنڊ ويجهو حمل فقيرلغاري جي آخري آرامگاھ تي تي ٿي گذري.تقريب ۾ شاعرن اديبن ۽ ڳوٺاڻن وڏي انگ ۾ شرڪت ڪئي. ان موقعي تي سيڪريٽري ثقافت سنڌ اڪبر لغاري مک مهمان طور خطاب ڪندي چيو ته حمل فقير سرائيڪي ٻولي جو بهترين عوامي شاعر هو حمل فقير جو عرس هاڻ هر سال باقاعده ثقافت کاتو ملهائيندو حمل فقير لغاري جي ڪلامن ۽ شاعري جون مختلف فنڪار پاران ڳايل سيڊيون ثقافت کاتي پاران ٺهرائي ورهايون وينديون. سندس اڻ ڇپيل شاعري کي به ٻيهر حمل فقير جي ڪتاب جي صورت ۾ ثقافت کاتو ڇپرايو .هن چيو ته ايندڙ سال کان حمل فقير ادبي ڪانفرنس منعقد ڪرائي ويندي. هن چيو ته حمل فقير ڪلچر ڪاميٽي کي به پڻ ٻيهر ري آرگنائيز ڪيو ويندو. ان موقعي تي نالي واري اديب ۽ شاعر اديب تاج جويو خطاب ڪندي چيو ته حمل فقير جي عرس ملهائڻ جي شروعات 1976 کان سنڌ جي نالي واري سياستدان سماج سڌارڪ اڳوڻي سنڌ اسيمبلي جي اپوزيشن ليڊر سيد امداد محمد شاھ ، ادبي سنگت وارن سان گڏجي ڪئي هئي سيد امداد محمد شاھ پنهنجي رهيل زندگي ۾ حمل فقير جو هر سال پنهنجي نگراني ۾ عرس منعقد ڪرائيندو رهيو. تاج جويو چيو ته سنڌ جي شاعرن اديبن کي ٻيهر حمل في فقر ۽ شاعري تي لکڻ جي ضرورت آهي ۽ ثقافت کاتي کي حمل جي ڪلام ۽ پيغام کي عام ڪرڻ لاءِ ڪوششون وٺڻ گهرجن.جيئن اڳ هر سال ڪل سنڌ ادبي ڪانفرنس منعقد ٿيندي هئي. اهڙي ريت هاڻ به اهڙا پروگرام ٿيڻ جي ضرورت آهي. هن چيو ته ثقافت کاتي کي حمل فقير جي سالياني عرس جي تاريخ 2 صفر تي تقريب منعقد ڪرائڻ گهرجي ها ۽ ان تقريب بابت سنڌ جي اديبن شاعرن کي دعوتون گڏجاڻي ڪرڻ گهرجي ها ان بعد پروگرام کي ترتيب ڏنو وڃي ها. ان موقعي تي نالي واري شاعر ، اديب نصير مرزا خطاب ڪندي چيو ته ڪافي سالن کانپوءِ حمل فقير جي ٻيهر عرس جي شروعات ٿي آهي اهو ثقافت کاتي جو مثبت قدم آهي پر اڳ جيان عرس کي ڀرپور ملهائڻ گهرجي ها پ پ ايم پي اي غلام قادر چانڊيو خطاب ڪندي چيو ته صوفي شاعر حمل فقير جي مقبري جو ڪم نئين سر ڪرايو ويندو ۽ ثقافت کاتي هاڻي هر سال عرس جي تقريب ڪرائڻ گهرجي. حمل فقير سنڌي سرائيڪي جو ڀلوڙ شاعر هو ان کي وسارڻ نه گهرجي. ان موقعي تي ڪمشنر بينظيرآباد غلام مصطفيٰ ڦل ،پ پ ضلع نوابشاھ جي جنرل سيڪريٽري غلام شاھ لغاري ، محمد صالح ڪيريو، سيد علي حيدر شاھ، علي نواز چانڊيو ، سميت ٻين خطاب ڪيو. جڏهن ته صوفي راڳ رنگ جي محفل ۾ نالي وارن فنڪارن صوفي فنڪارن ماسٽر ولي ، صائمه منظور ، فقير منظور سولنگي ، گلاب گل ، پيرل رند ۽ ٻين حمل فقير جي شاعري سميت صوفي راڳ ڳائي حاضرين کان خوب داد ورتو. محفل رات دير تائين جاري رهي. ان کان اڳ سيڪريٽري ثقافت اڪبر لغاري ، پ پ ايم پي اي غلام قادر چانڊيو ۽ ٻين سان گڏ حمل فقير جي آخري آرامگاھ تي وڃي گلن جي چادر چاڙهي. ۽ آيل مهمانن کي سنڌي اجرڪ ۽ سنڌي ٽوپي جا تحفا پيش ڪيا ويا. ٻي طرف انڊس سوشل فورم پاران نثار احمد ڪيريو ، علي بخش ڪيريو ۽ ٻين حمل فقير لغاري جي مزار تي گلن جي چادر چاڙهي وئي.



دوڙ ۾ ڳاڙهي پير جو ميلو روايتي خفت سان پڄاڻي تي پهتو، گهوڙن جي ڊوڙ هوڪرا مچائي ڇڏيا


2017-10-22

دوڙ(رپورٽ: خادم حسين پنهور) سنڌ جي تاريخي پڊ دوڙ شهر ۾ درويش ڳاڙهو پير جو ميلو روايتي خفت سان گڏ پنهنجي پڄاڻي تي پهتو، ميلي جي موقعي تي سنڌ ۾ ڀلا گهوڙا سوار ميدان تي پهتا ۽ گهوڙن جو مقابلو ٿيو. فيصل الهه بخش ڏاهري جو گهوڙو ڌاڙيل عبداللطيف مري، عبدالسلام مري، محمد ابراهيم ڏاهري سميت ڀلن سوارن جا گهوڙا پکي، ڪونج، دلبر، بجلي سميت ڀلن گهوڙن ڊوڙ مقابلي ۾ حصو ورتو. ڀلن گهوڙن جي ڊوڙ پٽڪي سوار محمد ابراهيم ڏاهري جي انداز تي هر طرف کان خفتين هوڪرا ۽ ڪوڪرا مچائي ڇڏيا. جڏهن ته فيصل ڏاهري جو گهوڙو ڊوڙ ۾ پهريون نمبر آيو. درگاهه جي خليفي فقير چنيسر ڏاهري فيصل ڏاهري سميت گهوڙن سوارن کي پهريون، ٻيو، ٽيون مقابلي ۾ نمبر کڻڻ تي انعام اجرڪ جا تحفا ڏنا. ميلي جي موقعي تي راڳ رنگ جون محفلون متل رهيون ۽ مختلف فنڪارن پنهنجي فن جو مظاهرو ڪيو. ٽن ڏينهن دوران هلندڙ ان ميلي ۾ هزارين ماڻهن شرڪت ڪئي. تعلقي دوڙ جو تاريخي ميلو رات وچ ۾ پڄاڻي تي پهتو آهي. ميلي جي موقعي تي پوليس هاءِ الرٽ رهي ۽ امن امان جي حوالي سان خاص اپاءَ ورتا ويا.



سڪرنڊ ۾ جسقم پاران صوفي بزرگ شاعر حمل فقير جي درگاهه تي چادر چاڙهي وئي


2017-10-22

سڪرنڊ(ن هلچل) جسقم سٽي سڪرنڊ طرفان سنڌ جي سرموڙ صُوفي برزگ، شاعر حمل فقير لغاري جي 139 هِين عُرس مبارڪ جي موقعي تي تعلقي اڳواڻ راڻو جلباڻي مورڙو ميربحر، جيئميسٽ مسعود شاه،قاسم سومرو، الياس جوڻيجو، سچل ملاح، برڪت جلباڻي موجن زئونر مظفر ملاح ۽ امجد سومرو جي اڳواڻي ۾ ڳوٺ حمل لغاريءَ ۾ مزار تي گُلن جي چادر چاڙهي دُعا گهري. ان موقعي تي جيئميسٽ مسعود شاه قاسم سومرو خطاب ڪندي چيو ته حمل فقير بزرگ هئڻ سان گڏ ضوفي، ۽ سنڌي سرائڪي جو هڪ وڏو شاعر هُيو سندس شاعري ۾ انسانيت،محبت،امن۽ رواداريءَ جو درس مِليِ ٿو اسين حڪومت وقت کان مطالبو ٿا ڪيون ته بزرگ شاعر حمل فقير لغاري جي شاعري کي ٻيهر ڇپرائي نوجوان ٽهي کي پڙهڻ جو موقعو فراهم ڪرڻ سان گڏ ايندڙسال عرس جي موقعي هڪ وڏي ادبي ڪانفرنس منقد ڪري حمل فقير لغاري جي شاعري ۽ زندگي تي روشني وڌي وڃي، سندس شاعري،فڪر،فلسفي تي تحقيق ڪرائڻ اقتدار ڌڻين ۽ قلم ڌڻين جي گڏيل ذميواري آهي.



E-Paper




Jobs




Advertising