پ پ جو 50 سالا يوم تاسيس، جلسي جي موقعي تي عوامي سمنڊ اٿلي پيو، ساک کڻي وچن ڪيو ويو، ظالماڻو نظام نه کپي، پارٽي چيئرمين پاران 6 نڪاتي سڌارن جو اعلان،،، ماڻهو مايوس نه ٿين، جيڪو ٿيندو عوام جو ووٽ فيصلو ڪندو: پ پ قيادت،،، ڀٽو شڪست کاڌل، ٽٽل ڦٽل پاڪستان سنڀاليو، هر دور ۾ پ پ غير معمولي حالتن ۾ پاڪستان کي سنڀاليو آهي، هر قسم جي فتني ساڙ کان آجو سماج چاهيون ٿا: بلاول،،، اسان پاڪستان کي نئين صورت ڏني، بلوچستان کي ترقي ڏياري، جمهوريت جو تحفو پ پ ۽ بينظير جي قرباني جو آهي،،، گاڊ فادر ۽ ڪوڙي خان کي ڳالهه سمجهه ۾ نه پئي اچي: زرداري،،، آمرن جي ڪري اوڀر ۽ اولهه پاڪستان ۾ نار وڌندو ويو، ڀٽو شهيد پاڪستان رياست کي جمهوري آئيني بنياد تي قائم ڪيو، ڀٽي پاڪستان کي مضبوطي ڏني ته غير جمهوري قوتن حملا ڪرڻ شروع ڪيا، ڀٽي شهيد هن ملڪ کي آئين ڏنو،،، ڀٽي شهيد پاڪستان کي جمهوري ۽ پارلياماني روايتن ڏانهن وڌايو، ماءُ جي مٿي تي لڳندڙ لٺين به بينظير جو حوصلو نه ٽوڙيو، شهيد ڀٽي 90 هزار جنگي قيدي آزاد ڪرايا، آصف زرداري سي پيڪ جو بنياد رکيو،،، شهيد ذوالفقار علي ڀٽو ملڪ کي ايٽمي طاقت ڏئي پاڪستان جو دفاع هر دور لاءِ مضبوط ڪري ڇڏيو، انڊيا وارا ٻڌي ڇڏين ته جيسيتائين پ پ آهي ڪشمير اسان جو آهي، طاقت جو سرچشمو عوام آهي: اڳوڻو صدر آصف،،، پ پ ڪنهن خاندان نه پر عوام جي ميراث آهي، نواز شريف ووٽ چوري ڪري حڪومت ٺاهي، هن وقت ان ملڪ ڪنگال ڪري ڇڏيو آهي، جعلي خان جعلي مينڊيٽ ۽ مشرف جو ڪو به مستقبل ناهي، هاڻي پنهنجي جمهوريت آڻينداسين: جلسي کي خطاب ***سازشون ڪندڙن کي عوام 2018ع جي چونڊن ۾ لغام ڏيندو: مريم اورنگزيب،،، ڌرڻي تي وڌيڪ ڳالهائڻ پاڪستان جي حق ۾ ناهي، پاڪستان اهڙن ڌرڻن کي برداشت نه ٿو ڪري سگهي،،، دهشتگردي خلاف جنگ ۾ پاڪستان تمام وڏيون قربانيون ڏنيون آهن، ڌرڻن جي سياست ڪندڙ ملڪ سان سچا نه آهن *** شهباز شريف ۽ ٻين ذميوارن کي استعيفيٰ ڏيڻ گهرجي: طاهر القادري،،، حڪومت معصوم ماڻهن کان حياتيون کسيون، حڪمرانن مان چڱائي جي اميد ناهي، ڪابه ٽياڪڙي نه گهرجي، قانون جي طاقت سان حڪمرانن جون ڳچيون پڪڙيون وينديون،،، مظلوم ماڻهن لاءِ قصاص ۽ انصاف گهرجي، يتيمن جون پٽون ۽ پاراتا کين ڪنهن به قيمت تي بچڻ نه ڏيندا، ٻئي ڀائر ۽ سندس ساٿي جيل ويندا،،، پنجاب جي وڏي وزير چيو ته جيڪڏهن ذميواري مٿس لاڳو ٿي ته فوري طور استعيفيٰ ڏئي ڇڏيندو، لاهور هاءِ ڪورٽ جي سنگل بينچ فيصلو برقرار رکيو آهي ***لاهور هاءِ ڪورٽ ماڊل ٽائون جي رپورٽ منظر عام تي آڻڻ جو حڪم ڏئي ڇڏيو،،، جسٽس عابد عزيز شيخ جي سربراهي ۾ جسٽس شهباز رضوي ۽ جسٽس قاضي محمد امين احمد تي ٻڌل لاهور هاءِ ڪورٽ جي ٽي رڪني بينچ ٻڌڻي ڪئي،،، جاچ رپورٽ جون ڪاپيون صوبائي حڪومت کي ڏنيون وڃن اها فيصلي خلاف سپريم ڪورٽ ۾ اپيل ڪري سگهي ٿي، رپورٽ پڌري ٿيڻ بعد ٽرائل تي اثر نه پوندو: عدالت *** ماڊل ٽائون سانحي جي ذميوارن خلاف ڪيس داخل ڪيو وڃي: پ پ،،، انڪوائري رپورٽ منظر عام تي ايندي ئي ذميوارن خلاف ڪيس داخل ڪيو وڃي: چوڌري منظور،،، لاهور هاءِ ڪورٽ جي فيصلي تي فوري طور عمل ڪيو وڃي ۽ رپورٽ جي روشني ۾ ذميوارن کي گرفتار ڪيو وڃي *** رپورٽ جون حقيقتون ڄاڻڻ ماڊل ٽائون سانحي جي متاثرن جو حق آهي: بابر اعواڻ،،، شهباز شريف 10 ارب رپين جي هرجاڻي واري دعويٰ جو ترت فيصلو چاهي ٿو،،، حڪومت پاڻ ڪميشن ٺاهي هئي، هاڻي رپورٽ پبلڪ ڪرڻ ۾ ڇا آهي: ميڊيا سان ڳالهيون *** قانوني طور جسٽس باقر نجفي جي رپورٽ غير اثرائتي آهي: راڻا ثناءُ الله،،، ماڊل ٽائون سانحي بابت رپورٽ ۾ ڪنهن به حڪومتي شخص کي ذميوار قرار ناهي ڏنو ويو،،، عدالت حڪومت کي 30 ڏينهن ۾ رپورٽ جاري ڪرڻ جو چيو آهي، واقعي جا بي شمار ثبوت ميڊيا وٽ آهن،،، ايجنسين جي رپورٽ کي ان رپورٽ سان ناهي سلهاڙيو ويو، رپورٽ ۾ پي اي ٽي طرفان ڪا شهادت ناهي ٿي *** ڀارتي فوج والاريل ڪشمير ۾ سرچ آپريشن دوران ٽن ڪشميرين کي شهيد ڪري ڇڏيو *** سنڌ سميت سڄي ملڪ ۾ سيءَ جي شدت ۾ اضافو ٿي ويو،،، سنڌ جي اترئين علائقن ۾ صبح جو هلڪو ڪوهيڙو ٿيڻ جو امڪان، ٿڌين هوائن سنڌ جو رخ ڪري ورتو،،، ڪراچي سميت سڄي ملڪ ۾ سياري جي شدت ۾ واڌ ٿي وئي ۽ ڪوئيٽا ۾ گرمي پد منفي 10 ڊگري تي پهچي ويو،،، ملڪ جي مٿاهين علائقن ۾ برسات ۽ جبلن تي هلڪي برفباري جو امڪان آهي: موسميات کاتو *** ٻيهر اين ٽي ايس ٽيسٽ بابت وڏي وزير جو نوٽيفڪيشن ڪالعدم قرار، نتيجا برقرار،،، اين ٽي ايس ٽيسٽ ميرٽ تي ڏني هئي، پيپر رد ڪرڻ غيرقانوني آهي، اسان ٽيسٽ ۾ پاس ٿياسين، ٻيهر ٽيسٽ وٺڻ غيرقانوني آهي: درخواستگذار،،، عدالت دليل ٻڌڻ بعد اين ٽي ايس نتيجن کي برقرار رکڻ جو حڪم ڏيندي سنڌ جي وڏي وزير جو نوٽيفڪيشن ڪالعدم قرار ڏئي ڇڏيو،،، سنڌ جي وڏي وزير ٻيهر امتحان وٺڻ جو نوٽيفڪيشن جاري ڪيو هو ته ميڊيڪل جي شاگردن اين ٽي ايس ٽيسٽ رد ڪرڻ لاءِ عدالت ۾ درخواست داخل ڪئي ***غير ملڪي فنڊنگ ڪيس: عدالت اليڪشن ڪميشن کي پي ٽي آءِ خلاف وڌيڪ ڪارروائي کان روڪي ڇڏيو،،، جسٽس محسن اختر غير ملڪي فنڊنگ ڪيس ۾ اليڪشن ڪميشن جي 8 مئي واري حڪم خلاف تحريڪ انصاف جي درخواست تي ٻڌڻي ڪئي،،، اليڪشن ڪميشن جو تحريڪ انصاف سان رويو تعصب تي ٻڌل آهي.تحريڪ انصاف جي اڪائونٽن جا تفصيل شايع ڪرڻ غير قانوني قدم آهي: وڪيل انور منصور *** نواز شريف کي پارٽي صدر بڻجڻ بابت ڪيس ۾ نوٽس جاري *** ڪوئيٽا ۾ ڊي آءِ جي حامد شڪيل تي حملي ۾ مددگار گرفتار *** آرمي چيف جي صدارت هيٺ ڪور ڪمانڊر ڪانفرنس، آپريشن رد الفساد ۽ خطي جي سيڪيورٽي صورتحال جو جائزو،،، ڪانفرنس ۾ خطي جي سيڪيورٽي صورتحال، آپريشن رد الفساد، خوشحال پاڪستان پروگرام ۽ بلوچستان ۾ ترقياتي مضبوطي جي معاملن تي غور ڪيو ويو *** عمران خان 15 ڊسمبر تي ٽنڊو محمد خان ۾ جلسي کي خطاب ڪندو، تياريون شروع *** پي ٽي آءِ انٽرا پارٽي چونڊن بابت فيصلو 13 ڊسمبر تائين ملتوي،،، اليڪشن ڪميشن ۾ پي ٽي آءِ انٽرا پارٽي چونڊن خلاف درخواست جي ٻڌڻي ٿي،،، اڄ ٻيون ڀيرو درخواست کي اسان جي ڪري ملتوي ڪيو پيو وڃي: چيف اليڪشن ڪمشنر***

هي دور فنڪارن لاءِ ڏکيو دور آهي:مشتاق جتوئي


2017-11-27

جيڪب آباد(ڊر) سنڌ مان يڪتاري ڇپڙي جي دور سميت ڪيسٽ يا سي ڊي جي دور جي به پڄاڻي ٿيندي پئي وڃي هي دور فنڪارن لاءِ ڏکيو دور آهي پر انهي باوجود به فن جي دنيا ۾ نوان فنڪار سامهون اچي رهيا آهن جيڪي ٿوري وقت ۾ گهڻو مشهور ٿي ويندا آهن ان سلسلي ۾ 18 ورهين جي فنڪار مشتاق جتوئي فن جي دنيا ۾ قدم رکيو آهي جنهن صهافين سان ڳالهائيندي چيو ته مان استاد ممتاز مولائي کان متاثر ٿي گائڻ جو شوق پيدا ٿيو جنهن مونکي شاگردي وٺي ڪري گانو ٻڌرايو آهي هاڻ مان پنهنجو نالو مشتاق مولائي رکيو آهي هن چيو ته مان سنڌ جي نالي واري شاعر دلربا فياض جکراڻي جي شاعري ۾ 3 سي ڊي ايلبم ڪيا جيڪي تمام گهڻا مقبول ٿيا جڏهن ته اسان آهيون مولائي ٽولو پنهنجو فقرائي تمام گهڻو مقبول ٿيو جڏهن ته مان پنهنجي استاد ممتاز مولائي کان سواءِ صوفي فنڪار سوڍل مانجهي فقير، شمن علي ميرالي پسند اٿم مان مشهور شاعرن ذوالفقار علي منگي استاد غلام قادر گهايل ۽ مهر ڊرڀائي جي شاعري گائي داد حاصل ڪئي آهي مشتاق مولائي چيو ته جڏهن کان ميموري ڪارڊ جو سلسلو شروع ٿيو آهي فنڪارن کي وڏو نقصان رسيو آهي اڳ ماڻهو ڪيسٽ يا سي ڊي خريد ڪندا هئا ۽ ڪمپني وري فنڪارن کي معاوضو ڏيندي هئي هاڻ گانو مارڪيٽ ۾ آيو مس ته ميموري ڪارڊ ۾ ڀرائڻ جو سلسلو شروع ٿي ويو ڪير سي ڊي خريد ڪندو ان ڪري هاڻ شادي يا ڪنهن پارٽي کان سواءِ اسان جو گذر سفر تنگ ٿي ويو آهي مان ته فن جي دنيا ۾ هاڻ مس پير پاتو آهي پر حقيقت جي خبر اٿم



موسيقي منهنجي رڳ رڳ ۾ سمايل آهي: صبا سحر


2017-11-15

ڪنب(ن هلچل)موسيقي منهنجي رڳ رڳ ۾ سمايل آهي راڳ سان بي انتها محبت ڪندي آهيان ننڍپڻ کان وٺي ڳائڻ جو شوق رهيو سنڌ جي ڪيترن ئي شهرن ۾ ڪلام ڳايا آهن مورو جي راڻي صبا سحر جون ميڊيا سان ڳالهيون هن چيو ته مونکي ننڍپڻ کان وٺي ڳائڻ جو شوق هو هن وقت تائين ڪيترائي البم منهنجا رليز ٿي چڪا آهن جنهن کي ٻڌندڙن تمام گهڻي موٽ ڏني آهي جنهن سان منهنجي حوصلا افزائي وڌي وئي آهي هن چيو ته سينئر فنڪارن حميره چنا عابده پروين ممتاز لاشاري ۽ ٻين سينئر فنڪارن کي موسيقي جو گهر سمجهان ٿي هن هڪ سوال جي جواب ۾ چيو ته ڳائڻ جي سکيا پنهنجي والد محترم کان ورتي هن چيو ته سنڌي سرائڪي ۽ ٻين ٻولين ۾ ڪلام ڪلام ڳايا آهن



جي جي زرينه بلوچ جي 12 هين ورسي عوامي تحريڪ پاران اڄ ملهائي ويندي


2017-10-25

حيدرآباد (پ-ر)جي جي زرينه بلوچ جي اڄ 25 آڪٽوبر تي 12هين ورسي عوامي تحريڪ ۽ سنڌياڻي تحريڪ پاران سنڌ جي سمورن ضلعن جي هيڊ ڪوارٽرن ۾ ملهائي ويندي. حيدرآباد ۾ جي جي زرينه بلوچ جي آخري آرام گاهه تي سنڌياڻي تحريڪ ۽ عوامي تحريڪ جا ڪارڪن گلن جي چادر چاڙهي کيس ڀيٽا پيش ڪندا. عوامي تحريڪ جي سربراهه رسول بخش پليجي چيو آهي ته زرينه بلوچ سنڌ جي وفادار، پاڻ ارپيندڙ، بهادر ۽ قومي جدوجهد ۾ اڳواڻي وارين صفن ۾ رهي جدوجهد ڪندي هئي. لطيف جي سورمين وانگر پنهنجي ڌرتي، مسڪين ماڻهن، هارين، مزدورن، عورتن ۽ ٻارن جي حقن جي حاصلات لاءِ جستجو ۾ رهي ڪڏهن به ورچي نه ويٺي. رسول بخش پليجي چيو ته زرينه بلوچ پنهنجي فن ذريعي ڌرتي سان محبت ڪرڻ جو درس ڏنو. سندس ڳايل قومي شاعري اڄ به ماڻهن ۾ روح ڦوڪي ٿي. عوامي تحريڪ جي مرڪزي آرگنائيزر ڊاڪٽر رسول بخش خاصخيلي چيو آهي ته جي جي زرينه سنڌ جي نوجوانن کي انقلابي گيت ڳائي نوجوانن ۽ سنڌ سان محبت ڪرڻ سيکاريو. جي جي زرينه پنهنجي انقلابي پرچار ۽ سندس ڪهاڻين وسيلي سڄي سنڌ ۾ قومي، طبقاتي ۽ انقلابي جدوجهد جو سبق ڏنو.



سنڌي ناٽڪ جو نرالو نماڻو ماڻهو ۽ انمول اداڪار شهباز دراني ڌرتي واسين کان وڇڙي ويو، مڙهه مٽيءَ ماءُ حوالي


2017-10-23

ڪراچي(خاص رپورٽ: حميد ڀٽو) سنڌي ناٽڪ جو نرالو نماڻو ماڻهو ۽ انمول اداڪار شهباز دراني ڌرتي واسين کان وڇڙي ويو. ان سلسلي ۾ رپورٽ موجب سنڌ ڌرتي جي سونهن سان سينگاريل سوين خوبصورت ۽ مڻيادار، موتين جهڙا اداڪار،فلمسٽار موجود آهن. اهڙن ئي خوبصورت احساسن جو مالڪ اداڪاري وسيلي سنڌ جي لکين ماڻهن جي دلين تي راڄ ڪندڙ شهبازخان دراني به هڪ آهي. شهبازخان دراني هڪ اداڪار هجڻ سان گڏو گڏ سنڌ جي لاءِ وسيع بهترين سوچون رکندڙ ماڻهن ۾ هڪڙو موتي داڻو هو.ٽيليويزن جي متعارف ٿيڻ بعد ناٽڪ جي دنيا تمام گهڻو اوج ماڻيو، جنهن ۾ تمام ٿورڙن اداڪارن پاڻ ملهايو جن جي نرالي اداڪاري اڄ به ڪنهن کان وسري نه ٿي سگهي. اهڙن ئي اداڪارن منجهان ” شهبازخان دراني “ پڻ هڪ آهي شهباز دراني 31 ڊسمبر 1945ع ڌاري حافظ محمد جمن جي گهر پٺاڻ ڳوٺ ويجهو نيو سعيد آباد ۾ جنم ورتو. سندس والد انگريز دور جو داروغو ھو. سندس ننڍپڻ ۾ حافظ قرآن جي گهر ۾ جنم وٺڻ سبب  کيس مذهبي پاسي ڏانهن لاڙو هو. شهباز دراني کي ننڍي هوندي ئي نيو سعيد آباد جي مدرسي ۾ داخل ڪيو ويو، جتي هن ديني تعليم حاصل ڪئي. ان کانپوءِ هن کي سرڪاري اسڪول ۾ داخل ڪيو ويو ۽ انجنيئرنگ ڪورس ڪري آبپاشي کاتي ۾نوڪري ورتائين. جتان شهبازخان دراني سال 2000ع ڌاري ايگيوڪيٽو انجنيئر جي عهدي تان ريٽائرمينٽ حاصل ڪئي. شهباز دراني کي 1965ع ڌاري فني دنيا ۾ اچڻ جو شوق پيدا ٿيو کيس ناليواري فلمي ڪهاڻيڪار ۽ هدايتڪار موسيٰ ڪليم ۽ هدايتڪار ايس واءِ احمد جن سنڌي فلم رنگ محل ۾ اداڪار طور هن کي متعارف ڪرايو، جنهن کانپوءِ شهباز دراني 30 کان وڌيڪ فلمن ۾ پنهنجي فني صلاحيتن جو مظاهرو ڪيو، جن فلمن ۾ ڌاڙيل جو دشمن، جانو ڌاڙيل، پرو چانڊيو، غيرت جو سوال، جلال چانڊيو، بي.بي.سي لاءِ تيار ڪيل عالمي شهرت يافته فلم جناح ۾ خان عبدالغفار خان جو اهم ڪردار پڻ ادا ڪيو. اردو فلم جهان برف گرتي هي، ديواني دو، تلاش، هانگ ڪانگ ڪي شعلي، ٽينا ۽ دنيا جي پهرين پشتو فلم يوسف شير بانوسميت انگار، فرار، ڦانسي، ديلار بدر، آخري گولي ۽ ٻين فلمن ۾ هن اداڪاري جا جوهر ڏيکاريا ۽ بي.بي.سي لاءِ تيار ڪيل انگريزي ڊرامي ٽريفڪ ۾ ڊرائيور جو مک ڪردار ادا ڪيو. جڏهن ته شهباز دراني کي ٽيليويزن تي عبدالڪريم بلوچ متعارف ڪرايو. جنهن سان شهباز دراني جي تمام پراڻي سنگت رهي. شهباز دراني ٽيليويزن جي سمورن وڏن پروڊيوسرن سان گڏجي ڪم ڪيو آهي، سندس ٽيليويزن تان ديوارين ناٽڪ ۾ ڪيل ڪردار کيس تمام گهڻي شهرت ڏياري. جنهن بهد مقبوليت جي بلندين تي فن جي دنيا اندر وڏي شهرت ماڻي شهباز دراني ڪي ٽي اين ،سنڌ ٽي.وي، آواز، ڌرتي.مهران ٽيلويزن لاءِ تيار ڊرامن، سيريل ۾بهتر ڪردار نگاري جو مظاهرو ڪيو آهي، شهباز دراني جي 16 سالن جي عمر ۾ مائٽن مان شادي ڪرائي وئي، پهرين زال جي ڊليوري ڪيس ۾ وفات کانپوءِ سندس مائٽن ٻي شادي ڪرايس ۽ ٻي گهر واري جي وفات کانپوءِ  مائٽن کيس ٽئين شادي ڪرايس جنهن مان 7 پٽ ۽ 3 نياڻين جو اولاد اٿس، جن ۾ وڏو پٽ ڪريم گل، سي پورٽ تي ليبر آفيسر، رحيم گل هيڊ ماستر، زرين گل ڪمانڊر، شميم گل ايگزيڪٽيو ڊائريڪٽر ورڪس کاتي ۾ ۽ سليم گل چيف انجنيئر، وسيم گل ۽ عظيم گل تعليم حاصل ڪرڻ بعد زمينداري سنڀالين ٿا جڏهن ته ٽنهي نياڻين جي شادي ڪرائي ڇڏي اٿس.شهباز دراني زندگي جي آخرتاھين پرائيويٽ ٽي.وي چينلز جي ڊرامن ۾ اداڪاري ڪرڻ کانسواءِ پنهنجي علائقي ۾ زمينداري ڪندو رهيو.شهباز دراني پنهنجي قدآور شخصيت ۽ منفرد انداز جي اداڪاري ڪرڻ سبب فني دنيا ۾ پنهنجي هڪ الڳ حيثيت ٺاهي جنهجو ٻيو ڪو اداڪار مقابلو ڪري نٿو سگهي. هڪ بهترين انسان دوست انسان هو جنهنجي 21 آڪٽوبر2017تي رات جودير سان وڇوڙوي تي سنڌ جي سمورن ساڃهه وندن جي دل جهري آهي. شهباز دراني گزريل پنجن سالن کان مسلسل بيمار رهيو سندس علاج ڪراچي سميت مختلف اسپتالن اندرٿيندو رهيو پر زندگي وفا نٿي ڪري هر انسان کي مالڪ حقيقي ڏي هلڻو آهي پر ڪجهه اهڙا ماڻهو هوندا آهن جن جي وفات تي وڏو صدمو رسندو آهي. شهباز دراني اهڙن ماڻهن ما هڪ آهي. شهباز دراني کي سنڌ فڪارويلفير ٽرسٽ طرفان سنڌ ايڪسلينس ايوارڊ ،لايف ٽاِيم ايوارڊ ملڻ سميت سوين ايوارڊن سان نوازيو ويوھو پشتو فلمن تي کيس حڪومت طرفان تڏھوڪي صدر پاڪستان اچيومينٽ ايوارڊ ڏنو. شهباز دراني جي تدفين 22 آڪٽوبر2017 تي سندس آباڻي شهر سعيد آباد ڪئي ويـئي.سنڌ فنڪار ويلفير ٽرسٽ جو مرڪزي وايس  چيرمين هو. سنڌ فنڪار ويلفير ٽرسٽ طرفان شهباز دراني جي وفات تي ٽن ڏيهن  جي سوگ جو اعلان ڪيو ويو آهي. شهباز دراني صدائين مرڪندو هوانسان هو.



نئين اڀرندڙ ڊانسرن کي سنڌ ۾ اهميت نٿي ڏني وڃي: سهيل مغل


2017-10-10

نوابشاھ(ڊ ر)نوابشاھ ۾ اڀرندڙ ڊانسرسهيل مغل جون نوابشاھ پريس ڪلب جي صحافين سان ڳالهيون.هن چيو آهي ته نئين اڀرندڙ ڊانسرن کي سنڌ ۾ اهميت نٿي ڏني وڃي.هن چيو ته ڊانس منهنجو شوق هئو ليڪن هاڻي مجبوري ٿي وئي آهي. پروگرامن ۾ ڊانس ڪري پنهنجي گهر ڀاتين جو پيٽ پاليندو آهيان.خبر موجب نوابشاھ ايم جي ڊانسرز گروپ آف نوابشاھ جي مريم روڊ واسي نوجوان سهيل مغل نوابشاھ پريس ڪلب پهچي صحافين سان ڳالهائندي چيو ته آهي مونکي ننڊ پڻ کان ئي ڊانس ڪرڻ جو شوق هيو ۽ مان ڊانس جي سکيان پنهنجي استاد راجا کوکر کان حاصل ڪئي.هن چيو ته ميرپور خاص ۾ عمران آليزا ڪمپئي پاران ڪامپيٽين ڪرايو ويو جنهن مان پڻ پهرين پوزيشن حاصل ڪئي ليڪن سنڌ اندر فنڪارن ڪلاڪارن ۽ ڊانسرن کي اهميت نٿي وڃي هن چيو ته مان مختلف پروگرامن ۾ ڊانس ڪري پنهنجي گهر ڀاتين جو پيٽ پاليندو آهيان.هن چيو ته ثقافت کاتي کي گهرجي ته سنڌ ۾ نئين اڀرندڙ فنڪارن کي موقعيو ڏنو وڃي.



مون کي راڳ سان تمام گهڻو  لڳاءَ آهي، جنهن جي لاءِ آرٽس ڪائونسل ۾ استاد شاهه زيب کان سکيا ورتي :عظميٰ حياءَ


2017-10-05

ڪراچي (ڳالهه ٻولهه:پرويز وسطڙو)نئين اڀرندڙ فنڪاره عظميٰ حياءَ  چيو آهي ته مون کي راڳ سان تمام گهڻو  لڳاءَ آهي، جنهن جي لاءِ آرٽس ڪائونسل ۾ استاد شاهه زيب کان سکيا ورتي آهي، هن چيو ته بلوچي گيت وڻندا آهن تنهن ڪري بلوچي گيت به ڳائڻ شروع ڪيا آهن، عظميٰ حياءَ وڌيڪ چيو ته مون کي فنڪارن ۾ ڀارت جي مشهور ڳائڻي لتا تمام گهڻو پسند آهي، هن چيو ته مون کي ڳائڻ سان گڏوگڏ پينٽنگ جو پڻ شوق آهي، جنهن جي پڻ سکيا وٺي رهي آهيان، هن چيو ته مون تعليم ۾ ايم اي اسلاميات ڪئي آهي، نئين اڀرندڙ سنگر عظميٰ حياءَ پنهنجي ذاتي زندگي بابت ٻڌايو ته ڪراچي شهر جا رهندڙ آهيون ۽ منهنجي والد جون ٻه شاديون آهن، منهنجي والده جڏهن مان 2 ورهين جي هيس ته بابا کان طلاق وٺي هلي وئي ۽ ٻي شادي وڃي ڪيائين، انهيءَ کان پوءِ بابا مون کي پاليو، جڏهن وري 10 سالن جي ٿيس ته بابا به ٻي شادي ڪري ڇڏي ۽ وري پوءِ مون کي ڏاڏي پاليو ۽ اها ئي سهارو بڻي، مون کي ڏاڏي ماءُ جو پيار ۽ پيءَ جو پيار ڏنو، منهنجو سڀ ڪجهه ڏاڏو آهي، پوءِ مون کي ڏاڏا ۽ ڏاڏي نپايو به آهي ۽ تعليم به ڏياري آهي، هن چيو ته 10 سال اڳ ڏاڏي فوت ٿي وئي جيڪو صدمو منهنجي لاءِ تمام وڏو آهي، عظميٰ حياءَ کاڌا کائڻ جي حوالي سان ٻڌايو ته مون کي بريامي پسند آهي، هن چيو ته جڏهن ڪو ماڻهو برائي ڪندو آهي ته ڪاوڙ ايندي آهي، هن شادي بابت ٻڌايو ته في الحال شادي جو ڪو به ارادو نه آهي، پهريان ڪا منزل ماڻيا تنهن بعد شادي جو سوچيندس، هن چيو ته مون کي مرد ذات کان خوف لڳندو آهي، ڇو جو مان ڪٿي به نوڪري وٺڻ لاءِ ويندي هيس ته اهي مون کي بگڙ وارين نظرن سان ڏسندا هئا.



لاڙڪاڻي جي آرٽس ڪائونسل ۾ ثقافت کاتي پاران هلندڙ ڊراما فيسٽول ۾ اسٽيج ناٽڪ شعور جي ڳولها پيش


2017-09-19

لاڙڪاڻو(بيورو رپورٽ) لاڙڪاڻي جي آرٽس ڪائونسل ۾ ثقافت کاتي پاران هلندڙ ڊراما فيسٽول جي سلسلي ۾ ليکڪ سانول ڳاهو جو لکيل اسٽيج ناٽڪ ”شعور جي ڳولها“ گلاب شاهاڻي جي هدايتن هيٺ پيش ڪيو ويو. ڊرامي جي شروع کان وٺي آخر تائين لفظن، ڊائلاگن ذريعي مختلف پيغام ڏنا ويا. ڊرامي ۾ اهو ڏيکاريو ويو ته جيڪا عورت پنهنجو گناهه لڪائڻ لاءِ معصوم ٻارڙن کي اڇلائي ڇڏن ٿا اهو هڪ وڏو گناهه آهي پر ان کي اڇلائڻ نه گهرجي، ڪنهن ايڌي سينٽر تي ڏيڻ بهتر آهي. ڊرامي ۾ پيار، عزت، رشتا ۽ شاهه عبدالطيف ڀٽائي جي رسالي کي فوڪس ڪيو ويو هو. ڊرامي ۾ راڻي جو ڪردار ادا ڪندڙ رمشا شهزادي پنهنجي سئوٽ واجد جيڪو ڪردار اداڪار جاويد شيخ ادا ڪيو سان پيار ڪري ٿي ۽ سندس سان مڱڻي ٿيل آهي. اهڙي طرح جڏهن راڻي شهر کان پڙهي گهر اچي ٿي ته واجد کي ڏسي ٻهڪي پوي ٿي ۽ گيت ”او ساٿي تون ته آهين زندگي“ تي زبردست پرفامنس ٻنهي اداڪارن پاران ڏني وئي. راڻي جو ڀاءُ نبن جيڪو نياز گهانگهرو ڪردار ادا ڪيو اهو بري صحبت ۾ هجڻ جي ڪري هميشه پنهنجي گهرڀاتين سان وڙهندو رهي ٿو ۽ پيءُ کي چوي ٿو ته وڏيرو جيڪو انور مغيري ڪردار ادا ڪيو 5 لک رپيا ڏيڻ لاءِ تيار آهي ان کي راڻي جو سڱ ڏيون. جنهن تي پيءُ شفن جيڪو سانول ڳاهو ڪردار ادا ڪيو، پنهنجي پٽ نبن کي مارڪٽ ڪري ٿو ته اهڙا لفظ تنهنجي زبان تي آيا ڪيئن. ڇو ته اسان سنڌي پنهنجون نياڻيون وڪرو ناهيون ڪندا، انهيءَ دوران مزاحيه ۽ چريو ببلو جو ڪردار ادا ڪندڙ اداڪار امجد گل مختلف سينن ۾ پنهنجي مزاحيه ڊائلاگن ذريعي پنڊال ۾ ويٺلن کي کلائي کلائي کيرو ڪري ڇڏيو ۽ سندس لفظن جي پٺيان هڪ پيغام هو. جڏهن ته وڏيرو نادر خان راڻي جي گهر پهچي راڻي کي اڪيلو ڏسي کيس چوي ٿو ته هو سندس مٿان چريو آهي شادي ڪر، راڻي انڪار ڪري ٿي جنهن تي وڏيرو پسٽل ڪڍي کيس ڌمڪائي ٿو ته جيڪڏهن هوءَ شادي نه ڪندي ته کيس اغوا ڪري ويندو ۽ اهڙين ڌمڪين ۾ به راڻي نه ٿي اچي، جنهن بعد وڏيرو پنهنجي مٿان پسٽل رکي چويس ٿو ته مان اتي ئي خودڪشي ڪندس، مون سان شادي ڪر. جنهن تي راڻي ٿورو پريشان ٿي وڃي ٿي ۽ سوچي ٿي ته جيڪڏهن نادر خان هتي خودڪشي ڪئي ته نه رڳو خون ڳچيءَ ۾ پوندو پر گهرڀاتين جي بدنامي به ٿيندي ۽ ڪجهه سوچي نادر خان کي چوي ٿي ته ٺيڪ آ تون هڪڙو ڪم ڪري شاهه عبدالطيف ڀٽائي جو رسالو پڙهه ته 6 مهينن کانپوءِ تون اچ مان تون سان شادي ڪنديس. ان وچ ۾ راڻي ۽ واجد جو پيار جاري رهي ٿو. هڪ ڏينهن گهرڀاتي جڏهن راڻي کي چون ٿا ته تون واجد سان شادي ڪر، جنهن تي راڻي پريشان ٿي وڃِي ۽ چوي ٿي ته مان واجد سان شادي نه ٿي ڪريان. مون کي اڃان پڙهڻو آهي پر بعد ۾ کين ٻڌائي ٿي ته هوءَ نادر خان سان مجبوريءَ تحت واعدو ڪيو آهي ته هو شادي ڪندي



ثقافت کاتي پاران لاڙڪاڻو آرٽس ڪائونسل ۾ شروع ٿيل ڊراما فيسٽول ۾ اسٽيج ناٽڪ”پيار درياءَ آ“ پيش


2017-09-18

لاڙڪاڻو(رپورٽ: شاهه محمد لاشاري) ثقافت کاتي پاران لاڙڪاڻو آرٽس ڪائونسل ۾ شروع ٿيل ڊراما فيسٽول جي سلسلي ۾ گذريل رات دير ستون اسٽيج ناٽڪ ”پيار درياهه آ“ پيش ڪيو ويو. ليکڪ اسد کوکر جو لکيل اسٽيج ناٽڪ قربان شيخ جي هدايتن تي پيش ڪيو ويو. ڊرامي جي اندر پيار جي قرباني ۽ غريب کي نوڪري نه ملڻ واري معاملي کي فوڪس ڪيو ويو هو. ڊرامي جي جڏهن شروعات ٿي ته ٻهراڙيءَ تي مشتمل هڪ گهر ڏيکاريو ويو جنهن جو زبردست سيٽ ٺهيل هو. مختلف اداڪارن پنهنجي فن جا جوهر ڏيکاريا، ڊرامي ۾ ڏيکاريو ويو ته هڪ ڳوٺاڻي ناري مرڪ جيڪو ڪردار ڪاجول سنڌو ادا ڪيو، پنهنجي سئوٽ صابو جيڪو جمال مغيري ڪردار ادا ڪيو سان پيار جو پيچ آڙائي ٿي ۽ سندن هڪ ٻئي سان مزاقون، کل ڀڳ زندگي جو حصو بڻيل هونديون اٿن. انهيءَ وچ ۾ هڪ نوجوان سلامت جيڪو اعجاز چانڊيو ڪردار ادا ڪيو اهو شهر کان ڳوٺ پهچي ٿو جيڪو به مرڪ تي عاشق هجي ٿو، مرڪ جو پيءُ ۽ سلامت ج پيءُ پاڻ ۾ صلاح ڪري مرڪ جي شادي سلامت سان ڪرڻ جو فيصلو ڪن ٿا، ته انهيءَ وقت مرڪ کي خبر پئجي وڃي ٿي ۽ صابو به ٻڌي وٺي ٿو. جنهن تي صابو مرڪ کان پري پري رهڻ جي ڪوشش ڪري ٿو ۽ مرڪ پريشان رهي ٿي، جنهن دوران خوبصورت گيتن ”اندر جو سور مان جهليان، ڪيئن، ٻيو گيت منهنجا يار صنم“ تي زبردست پرفامنس مرڪ پاران ڏني وئي، انهيءَ وقت جڏهن سلامت کي اها خبر پوي ٿي ته صابو ۽ مرڪ پاڻ ۾ پيار ڪندا آهن ته هو پنهنجي پيار جي قرباني ڏيڻ لاءِ سوچي ٿو ۽ مرڪ کي چوي ٿو ته مان تون سان شادي نه ڪندس، جنهن دوران مرڪ جو پيءُ ۽ سلامت جو پيءُ به اتي پهچن ٿا جن سان ڪوڙ هڻي سلامت چوي ٿو ته مان شهر ۾ شادي ڪري ڇڏي آهي ۽ مان مرڪ سان شادي نه ڪندس، جنهن تي سلامت کي پنهنجو پيءُ مار ڏي ٿو ته تون ائين ڇو ڪيو ۽ آخر ۾ جڏهن پنهنجي پيءُ ۽ چاچي کي راضي ڪري وٺي ٿو ته مرڪ جي شادي صابو سان ڪئي وڃي تنهن دوران پنهنجي پيءُ کان معافي وٺندي چوي ٿو ته هن سان ڪوڙ ڳالهايو هو ته هن شهر ۾ شادي ڪئي آهي پر مان صابو ۽ مرڪ جي دلين ۽ اکين ۾ پيار ڏٺو هو جنهن تي اها قرباني ڏني آهي، ڇو ته پيار درياهه آهي، انهيءَ وقت سڀئي سلامت کي ڀاڪر وجهن ٿا ۽ خوشيءَ جو گيت ”مورٽو ٽلي راڻا“ تي جهومي پون ٿا. رات دير تائين پيش ڪيل اسٽيج ناٽڪ ۾ اهو به ڏيکاريو ويو ته شهر کان موٽيل نوجوان سلامت نوڪري نه ملڻ جي ڪري واپس ڳوٺ اچي ٿو ۽ چوي ٿو ته هتي غريب کي نوڪري ملڻ ڏکيو آهي. ڊرامي جي ٻين ڪردارن ۾ نياز گهانگهرو، احمد پٺاڻ، عرفان تاج ۽ ٻين پنهنجي فن جا جوهر ڏيکاريا، ڊرامي جي آخر ۾ لاڙڪاڻو شهري اتحاد جي صدر نياز حسين ابڙو 10 هزار رپيا آرٽس ڪائونسل لاءِ اعلان ڪيا ۽ خطاب ڪندي چيو ته اهڙا فيسٽول هن گهٽ، ٻوسٽ واري ماحول ۾ ٿيڻ ضروري آهي، ماڻه



سنڌ جي ثقافت کاتي پاران لاڙڪاڻي جي آرٽس ڪائونسل ۾ ڊرامه فيسٽيول جاري


2017-09-17

لاڙڪاڻو(بيورو رپورٽ) سنڌ جي ثقافت کاتي پاران لاڙڪاڻي جي آرٽس ڪائونسل ۾ ڊرامه فيسٽيول جاري آهي. جتي ڪالهه آرٽس ڪائونسل ۾ اسد کوکر جو لکيل ڊرامو “انسان ڪٿي آ” سڌير ويسر جي هدايتڪاري هيٺ پيش ڪيو ويو. ڊرامي ۾ لالا سڌير ويسر رب ڏنو جو ڪردار، لالا انور مغيري سيٺ امانت جو ڪردار، رمشا شهزادي رب ڏني جي گهر واري حور جو ڪردار، چائلڊ اسٽار جنيد جوڻيجو رب ڏني جي پٽ جو ڪردار ادا ڪيو جڏهن ته ٻين اداڪارن سعود ويسر، ارباب شيخ، مانجهي چانڊيو، عرفان تاج ۽ ٻين پڻ پنهنجي فن جا جوهر ڏيکاريا. ڊرامي ۾ ڏيکاريو ويو ته اڄوڪي دور ۾ ماڻهن مان انسانيت ختم ٿي وئي آهي، ڌرتي تي هٺ ۽ وڏائي سان گهمندڙ انسان کي هڪ ڏينهن مرڻو آهي ۽ مٽي ۾ شامل ٿيڻو آهي ته پوءِ ان مان انسانيت ۽ محبت ڇو ختم ٿي وئي آهي؟. ڊرامي جي شروعات ۾ اسٽيج تي قبرستان جو منظر پيش ڪيو ويو جنهن ڀرسان قبرون کوٽيندڙ پورهيت رب ڏني جو ڪکائون گهر ٺهيل هيو. ان موقعي تي مهمان خاص ناليواري ليکڪ عادل عباسي، اعزازي مهمانن ميهڙ جو رهواسي ڊاڪٽر عبدالمجيد ٻليدائي، عزيز منگي، عزيز سانگي ۽ ٻيا هئا جن کي اجرڪن جا تحفا پيش ڪيا ويا. پنهنجي خطاب ۾ عادل عباسي چيو ته ڊرامي ۾ انسانيت جي لاءِ وڏو پيغام آهي، ڪهاڻي انتهائي خوبصورت ۽ آرٽسٽن جي اداڪاري ڪمال جي آهي، ڊرامي جا مقالما ايڏا پراثر هئا جو ڏسندڙ روئڻ  تي مجبور ٿيا. عبدالمجيد ٻليدائي چيو ته ڊرامي جي ٽيم کي 10 هزار روپيه روڪ رقم ڏيندي چيو ته منهنجي ميهڙ ۾ ڪلينڪ آهي، هر مريض کان 300 روپيه فيس وٺندو آهيان پر هي ڊرامو ڏسڻ کان پوءِ مون کي احساس ٿيو آهي ته مان 300 مان 200 روپيه فيس ڪندس ۽ سڄي عمر اها ڪو نه وڌائيندس. عزيز منگي چيو ته ڊرامي ۾ بهترين پرفارمنس جو مظاهرو ڪيو ويو، پهرين ڊائلاگ کان آخري ڊائلاگ تائين ڊرامي جو تسلسل برقرار رهيو ان لاءِ سڄي ٽيم کي مبارڪباد پيش ڪريان ٿو. ان موقعي تي ڊرامي جي ڏسندڙن اداڪارن کي هزارين روپيه روڪ انعام طور ڏنا جنهن تي اداڪارن ڏسندڙن جو ٿورو مڃيو.



مهان راڳي استاد منظور خان اسان سميت سموري سنڌ جو راڻو آهي، ڀيٽا پيش


2017-09-10

ٽنڊوآدم ( رپورٽ سرفرازجمالي ) سنڌ جي مهان ڪلاسيڪل راڳي خانصاحب استاد منظور علي خان جي 37 هين ورسي مهراڻ هسٽاريڪل اينڊ ڪلچرل ويلفيئر سوسائٽي پاران سنڌي مين پرائمري اسڪول ٽنڊي آدم ۾ ملهائي وئي، جنهن جي صدارت ڪلاسيڪل راڳ جي پارکو بهاءُ الدين سرهندي ڪئي، تقريب جو خاص مهمان اديب، ليکڪ ۽ راڳ جو ڄاڻو رسول بخش درس هو، تقريب ۾ آيل مهمانن کي سنڌ جي سوکڙي اجرڪون پڻ اوڍايون ويون، تقريب کي خطاب ڪندي بهاءُ الدين سرهندي چيو ته استاد منظور علي خان نه صرف ٽنڊي آدم وارن جي لاءِ محترم آهي پر اسان سميت سموري سنڌ جو راڻو آهي، اهي خوش نصيب ماڻهو آهن جن استاد منظور علي خان جي گهر جو پاڻي پيتو آهي، هن وڌيڪ چيو ته راڳ کي پهرين ٻڌڻ ۽ سکڻ گهرجي ان کانپوءِ ڳائڻ گهرجي، جيستائين اسان ڪلاسيڪل راڳ کي صحيح طرح سان نه ٻڌنداسون ۽ سمجهنداسون ته ڪڏهن راڳ ڳائي نه سگهنداسون، اسان هٿ وٺي پنهنجي راڳ کي ختم پيا ڪريون، جن کي راڳ جي خبر به نه آهي انهن جون ڪيسٽون ٺهي وڃن ٿيون، ڪلاسيڪل راڳ ٺهڪي کان بغير ناممڪن آهي، ٺهڪو ڪلاسيڪل راڳ جو بنياد آهي، ڪلاسيڪل راڳ اندر ٽائمنگ جو وڏو ڪردار آهي قدرت ڪائنات پڻ ٽائمنگ سان جڙيل آهي، وقت تي جيڪڏهن ڪا شي نه ٿئي ته قيامت برپا ٿي وڃي. تقريب کي خطاب ڪندي راڳ جي پارکو رسول بخش درس چيو ته استاد منظور علي خان ڪلاسيڪل راڳ جو هڪ وڏو ناءُ آهي، سندس ڳائڻ جو انداز نرالو هو ڪير به هن جهڙو ڳائڻ ته ٺهيو پر هن جو نقل به نٿو ڪري سگهي، استاد منظور علي خان کي مخدوم طالب المولا بهارِ موسيقي جو لقب ڏنو، سائين جي ايم سيد سندس راڳ کي ٻڌي روئي ڏيندو هو، سنڌ جو هر ماڻهو استاد منظور علي خان کان پيار ڪندو هو ۽ اوترو ئي وري استاد منظور علي خان پڻ سندس ٻڌندڙن سان تمام گهڻو پيار ڪندو هو، سادي طبيعت جو مالڪ هو پاڻ درٻاري راڳي ٿيڻ کان سخت نفرت ڪندو هو، ننڍن توڙي وڏن کان پيار ۽ محبت سان ملندو هو سندس 37 هين ورسي تي کيس زبردست خراج تحسين پيش ڪريان ٿو. تقريب کي خطاب ڪندي وفا رضا بلوچ چيو ته استاد منظور علي خان سڄي ڄمار سنڌي موسيقي کي ارپي ڇڏي، سندس وڇوڙي کي اڄ 37 ورهيه گذري ويا آهن پر هو اڄ به اسان وٽ زنده آهي ۽ سندس فن گائيڪي زنده رهندو، استاد منظور علي خان هڪ گواليار گهراڻي جو راڳي هو ڪلاسيڪل راڳ جو سنڌي موسيقي کي وڌائي ويجهي هميشه لاءِ امر ڪري ڇڏيو آهي جيڪو فن موسيقي ۾ سندس وڏو ڪردار آهي، سندس گهر تي لڳل نالي واري تختي لهي وئي اها ٻيهر گهر تي لڳائي وڃي. تقريب کي خطاب ڪندي اصغر خواجه چيو ته استاد منظور علي خان جي مير پور بٺورو سان جيڪي محبت هئي سان ڪنهن ٻئي شهر سان نه هئي ڇاجي ڪري ته ميرپور ٻٺوري کي سريلن جو شهر سڏيو ويندو هو، استاد منظور علي



E-Paper




Jobs




Advertising