سپريم ڪورٽ پاران پيڪ ٿيل کير جي پي سي ايس آءِ آر جو پاڻ معائنو ڪرڻ ٻن هفتن ۾ رپورٽ طلب پيش ڪرڻ جو حڪم،،، مافيا جون ڳالهيون سڀ ڪن ٿا پر ڪير به نالو نه ٿو کڻي: چيف جسٽس،،، ٽئنڪر مافيا بڻجي ويا آهن، کين منهن ڏينداسين، پنهنجي فيصلن تي عمل ڪرائينداسين: جسٽس ميان ثاقب نثار،،، سيڪريٽري صحت کي حڪم ڪيو ته انجيڪشن کي ضبط ڪرڻ جو ڪم ڊرگ انسپيڪٽر کي ڏنو وڃي، ايف آءِ اي، ڊرگ انسپيڪٽرز، ڊسٽري بيوٽرز ۽ ريٽيلرز جي اسٽاڪ جو جائزو ورتو وڃي، عدالت پاران حڪم،،، چيف سيڪريٽري رضوان ميمڻ، سيڪريٽري صحت فضل الله پيچوهو، ايم ڊي واٽر بورڊ هاشم رضا زيدي، ايڊووڪيٽ جنرل سنڌ سميت ٻيا وڪيل عدالت ۾ پيش،،، سمورن اختيارين جا ٿورا مڃان ٿو ته موڪل واري ڏينهن به حاضر ٿيا آهن، عوامي مفاد جو معاملو آهي، سڀني کي گڏجي ڪم ڪرڻو پوندو: عدالت *** ڏيهه ۽ ڏيساور جي ماهرن مڪلي جي تاريخي قبرستان کي سنڌ سميت سڄي دنيا جو عالمي ورثو قرار ڏيئي ڇڏيو،،، هتي اچي خبر پئي ته سنڌواسين جي رهڻي ڪهڻي ۽ ڌارين سان ويڙهه ۽ مختلف وقتن تي ٿيندڙ حملن جي تاريخ سان سمايل آهي: عالمي ماهر،،، سنڌ جي اڳوڻي راڄڌاني ٺٽي ۽ مڪلي جي قديم آثارن ۽ لٽريچر جو جائزو وٺڻ کانپوءِ سندن سنڌ جي تهذيب بابت خيال بدليو آهي: ماهر،،، هتي نه رڳو ارغون، ترخان ۽ ٻين حملي آورن جي تاريخ ملي ٿي پر هتان جي سمان دور جي عظيم حاڪم ڄام نظام الدين ۽ سندس سپهه سالار شهيد دولهه دريا خان جي عظيم طرز حڪمراني جا ڪهڙا مثال موجود آهن،،، اسپين، يونيسڪو جي نمائندي راند اسپچ، ايراني مهدي توسولي، لبنان مان آيل آرڪيالاجي ماهر پول گرام، يو ڪي مان آيل ماهر رُٿ ينگ، فرانس مان آيل ٿامس لورين، آمريڪا مان آيل مارگريٽ گريوز جو خطاب *** عوام فوجي نمائندو بڻجي ڄاڻ وٺندڙ ٺڳن کان هوشيار رهي: آءِ ايس پي آر،،، ڪجهه ماڻهو پاڪ فوج جا نمائندا بڻجي ماڻهن کي ٽيليفون ڪالز ڪري رهيا آهن جنهن ۾ آدمشماري جي ڄاڻ جي بهاني انهن جي بينڪ اڪائونٽ جا تفصيل ۽ سڃاڻپ ڪارڊ نمبر پڇيو وڃي ٿو: ترجمان *** قصور سانحو پنجاب پوليس جي نااهلي جو ثبوت آهي: اعتزاز احسن،،، سعودي عرب جي دوري دوران شهباز ۽ نواز شريف وچ ۾ هٽ ڌرمي جو ثبوت آهي *** ڪراچيءَ جي علائقي ڊفينس ۾ گاڏي نه بيهارڻ تي پوليس هٿان نوجوان قتل *** چونڊن بعد وزيراعظم ٿيس ته ايندڙ سال صدر ٽرمپ سان ملاقات ڪندس: عمران خان *** اليڪشن 2018ع ۾ آهي، اليڪشن ۽ احتساب گڏوگڏ ٿيڻ گهرجن: سراج الحق،،، ملڪ جي عوام جو علاج ڪرپٽ حڪمرانن وٽ ناهي: امير جماعت اسلامي ***لاڙڪاڻي ۾ قصور واقعي خلاف سياسي سماجي تنظيمن جو احتجاجي مظاهرو،،، زينب اڪيلي ٻارڙي نه آهي جيڪا وڏي وحشت ۽ ظلم جو شڪار ٿي هجي اڳ به ڪيئي واقعا ٿيا آهن: اڳواڻ،،، سنڌ سميت ملڪ ۾ جتي به ناانصافي ۽ ظلم ٿئي ٿو ان خلاف وڏي جدوجهد ميڊيا جي هجي ٿي *** قصور ۾ معصوم نينگري زينب کي زيادتي ڪري قتل ڪرڻ واري واقعي خلاف احتجاج،،، جيڪڏهن ڪنهن حڪمران جي گهر ڀاتين سان اهڙو واقعو پيش اچي ها ته سڄي پنجاب حڪومت حرڪت ۾ اچي وڃي ها : اڳواڻ *** قائد عوام يونيورسٽي نوابشاهه ۾ جعلي پي ايڇ ڊي جي ڊگري جو انڪشاف، سند ڏيندڙ ترقي به ماڻي ورتي،،، هائير ايجوڪيشن ڪميشن پاران انهيءَ عالمي، علمي چوريءَ جو سخت نوٽيس وٺندي پي ايڇ ڊي ڪندڙ ڪشن چند مڪواڻو ۽ سندس گائيڊ پروفيسر سليم سمون خلاف انڪوائري شروع ڪري ڇڏي،،، ڪشن چند مڪواڻو ماحوليات جي موضوع تي چين جي هڪ ڏاهي عورت جو لکيل تحقيقي مقالو لفظي ڦير ڦار ڪري پنهنجي نالي سان ڄاڻائي 22 هون گريڊ حاصل ڪري ورتو،،، هائير ايجوڪيشن ڪميشن 22 هون گريڊ حاصل ڪرڻ واري معاملي جي جاچ لاءِ ڇهن سينيئر پروفيسرن تي مشتمل جاچ ڪاميٽي جوڙي ڇڏي،،، جاچ ڪاميٽي ۾ ڊاڪٽر بشير احمد ميمڻ ڪنووينر، ڊاڪٽر عبدالرزاق مهر خيرپور يونيورسٽي، ڊاڪٽر رسول بخش مهر مهراڻ يونيورسٽي ڄامشورو ۽ ٻيا شامل،،، پي ايڇ ڊي جي ڊگريءَ تي گائيڊ ۽ اڳوڻي پرووائيس چانسلر ڊاڪٽر سليم رضا سمون کي 22هون گريڊ ۽ ڪشن چند مڪواڻو کي پي ايڇ ڊي جي ڊگري سان نوازيو ويو *** سکر جي خانگي اسڪول ۾تقريب، معصوم زينب کي ڀيٽا پيش،،، اسلامي جمهوريه پاڪستان ۾ اهڙا و اقعا افسوسناڪ آهن: اڳواڻ،،، ملوث جوابدارن خلاف سخت ڪاروائي ڪري عبرت جو نشان بڻايو وڃي *** ڪراچي ۾ ايم ڪيو ايم لنڊن جي اڳواڻ پروفيسر حسن ظفر جو لاش هٿ،،، پوليس طرفان آندل لاش تي ڪنهن به قسم جي تشدد جا نشان نه آهن ۽ سندس موت طبي ٿي سگهي ٿو: ڊاڪٽر ***

ڏيهه ۽ڏيساور جي ماهرن مڪلي جي تاريخي قبرستان کي سنڌ سميت سڄي دنيا جو عالمي ورثو قرار ڏيئي ڇڏيو


2018-01-15

ٺٽو (ڊ_ر) عالمي آرڪيالاجي ماهرن مڪلي جي تاريخي قبرستان کي سنڌ سميت سڄي دنيا جو عالمي ورثو قرار ڏيندي ان جي بحالي ۽ تحفظ لاء حڪومت کي تڪڙا قدم کڻڻ جي تجويز پيش ڪري ڇڏي آهي، ۽ واضع ڪيو آهي ته انهن هتي اچي سنڌ جي اڳوڻي راڄڌاني ٺٽي ۽ مڪلي جي قديم آثارن ۽ لٽريچر جو جائزو وٺڻ کانپوء سندن سنڌ جي تهذيب بابت خيال بدليو آهي، ڇاڪاڻ جو قديم آثارن ۽ لٽريچر مان سنڌ جي شاهوڪار تهذيب جا اهڃاڻ واضع طور تي ملن ٿا، ان سلسلي ۾ سياحت ۽ ثقافت کاتي پاران پهرين مڪلي عالمي ڪانفرنس جي ٻن ڏينهن واري  ڪانفرنس کي خطاب ڪندي اسپين مان آيل يونيسڪو جي نمائندي راند اسپچ، ايران مان آيل آرڪيالاجي ماهر مهدي توسولي، لبنان مان آيل آرڪيالاجي ماهر پول گرام، يو ڪي مان آيل ماهر رُٿ ينگ، فرانس مان آيل ٿامس لورين، آمريڪا مان آيل مارگريٽ گريوز ۽ فاطمه قريشي چيو آهي ته، مڪلي جي تاريخي قبرستان سنڌ جي سوين سالن جي تاريخ پنهنجي جيء ۾ هنڍائي ڇڏيو آهي، مڪلي جي تاريخي قبرستان سنڌ جي نه رڳو تاريخي تهذيب کي نروار ڪيو آهي پر سنڌ جي عظيم ماڻهن جي رهڻي ڪهڻي ڌارين سان ويڙهه ۽ ٺٽي تي مختلف وقتن تي ٿيندڙ حملن جي تاريخ سان سمايل آهي، هنن چيو ته هتي نه رڳو ارغون ترخان ۽ ٻين  حملي آورن جي تاريخ ملي ٿي پر هتان جي سمان دور جي عظيم حاڪم ڄام نظام الدين ۽ سندس سپهه سالار شهيد دولهه درياء خان جي عظيم طرز حڪمراني ۽ پنهنجي ڌرتي خاطر ڏنل قربانين کي واضع ڪري ٿو، هنن چيو ته ڊگهي عرصي کان مڪلي سميت سنڌ جي قديم آثارن جي حالت رحم جوڳي آهي، جن مان اڪثر آثار سار سنڀال نه ٿيڻ   ڪري ميسارجي رهيا آهن، جڏهن ته مڪلي قبرستان جي وڏي حصي ۾ پڻ وڏي انگ ۾ عظيم هستين جون مزارون توڙي قديم آثار به بي توجي جو شڪار آهن، اهڙي صورتحال ۾ سنڌ حڪومت ۽ سياحت ثقافت توڙي آرڪيالاجي کاتي کي مڪلي قبرستان سميت سنڌ جي آڳاٽي دور جي تاريخ کي محفوظ رکندڙ هنن قومي ورثن جي تحفظ، بحالي ۽ مرمت لاء تڪڙا قدم کڻڻا پوندا جنهن لاء يونيسڪو سميت عالمي ادارن کان مدد وٺي به عالمي قومي ورثي مڪلي جي قبرستان جي آثارن جي بچاء لاء قدم کڻڻ گهرجن، ان موقعي تي پهرين ڏينهن واري ڪانفرنس کي اڳوڻي ڊي جي ثقافت عبدالحميد آخوند، صوبائي وزير سياحت ثقافت سردار شاهه، سينيٽر سسئي پليجو، آرڪيالاجي ماهر ڪليم الله لاشاري ۽ ٻين پڻ خطاب ڪيو، ان موقعي تي پهرين ڏينهن واري عالمي ڪانفرنس جي شروع ۾ مڪلي قبرستان بابت ڊاڪيومينٽري فلم پڻ ڏيکاري ويئي، جڏهن ته ڪانفرنس جي پهرين ڏينهن جي آخري سيشن ۾ سنڌ جي عظيم داستان نوري ڄام تماچي تي ٺاهيل اسٽيج ڊرامو پڻ پيش ڪيو ويو.۽ ٻئي ڏينھن جي رات جو موسيقي جي محفل پڻ منعقد ڪئي ويئي.



مافيا جون ڳالهيون سڀ ڪن ٿا پر ڪير به نالو نه ٿو کڻي: چيف جسٽس


2018-01-15

ڪراچي( بيورو/م ڊ ) چيف جسٽس ثاقب نثار ناقص کير بابت پاڻمرادو نوٽيس ڪيس جي ٻڌڻي دوران مينهن کي لڳندڙ انجيڪشن فوري طور ضبط ڪرڻ جو حڪم ڏئي ڇڏيو آهي، سندس چوڻ آهي ته مافيا جون ڳالهيون سڀ ڪن ٿا پر ڪير نالو نه ٿو کڻي. چيف جسٽس ميان ثاقب نثار جي سربراهيءَ ۾ سپريم ڪورٽ جي 3 رڪني بئنچ دٻي جي کير جي وڪري بابت پاڻمرادو نوٽيس سميت ماحولياتي آلودگي ۽ پاڻي جي فراهمي بابت ڪيس جي ٻڌڻي ڪئي. چيف سيڪريٽري رضوان ميمڻ، سيڪريٽري صحت فضل الله پيچوهو، ايم ڊي واٽر بورڊ هاشم رضا زيدي، ايڊووڪيٽ جنرل سنڌ سميت ٻيا وڪيل عدالت ۾ پيش ٿيا. چيف جسٽس چيو ته سمورن اختيارين جا ٿورا مڃي ٿو ته موڪل واري ڏينهن به حاضر ٿيا آهن، عوامي مفاد جو معاملو آهي، سڀني کي گڏجي ڪم ڪرڻو پوندو. ناقص کير بابت ٻڌڻي شروع ٿي ته ناظر پنهنجي رپورٽ عدالت ۾ پيش ٿيا جنهن ۾ ٻڌايو ويو ته ڪيترن ئي هنڌن تي ڇاپا هنيا ۽ رڪارڊ چيڪ ڪيو ويو جڏهن ته مينهن کي لڳندڙ انجيڪشن جا 39 پيڪٽ ضبط ڪيا ويا. چيف جسٽس حڪم ڏنو ته ڊرگ انسپيڪٽر مارڪيٽن ۾ ڇاپا هڻي ۽ مينهن کي لڳندڙ انجيڪشن ضبط ڪري جڏهن ته چيف جسٽس سيڪريٽري صحت کي حڪم ڪيو ته انجيڪشن کي ضبط ڪرڻ جو ڪم ڊرگ انسپيڪٽر کي ڏنو وڃي، ايف آءِ اي، ڊرگ انسپيڪٽرز، ڊسٽري بيوٽرز ۽ ريٽيلرز جي اسٽاڪ جو جائزو ورتو وڃي. چيف جسٽس چيو ته ڏٺو وڃي ته مارڪيٽن ۾ انجيڪشن ڪيتري مقدار ۾ موجود آهي. چيف جسٽس چيو ته اسان هر برانڊز جي کير جو جائزو وٺنداسين، چيف جسٽس عدالتي معاون کي حڪم ڏنو ته هر ڪمپني کان 50 هزار رپيه وٺي معائنو ڪرايو وڃي، پيڪ ٿيل کير جي پي سي ايس آءِ آر جو پاڻ معائنو ڪيو.  عدالت پيڪٽ جي کير جو معائنو ڪري ٻن هفتن ۾ رپورٽ طلب ڪئي. چيف جسٽس ثاقب نثار ماحولياتي آلودگي جي ڪيس ۾ سپريم ڪورٽ جي اڳوڻي جج امير هاني مسلم کي واٽر ڪميشن جو سربراهه مقرر ڪري ڇڏيو ۽ کيس سنڌ هاءِ ڪورٽ جي جج جا اختيار ڏئي ڇڏيا.  ٻڌڻي دوران چيف جسٽس ثاقب نثار رمارڪس ڏيندي چيو ته ڀرپور ڪارروائي لاءِ هاني صاحب کي مڪمل اختيار ڏينداسين، اسان غير معمولي ڪم ڪري رهيا آهيون، رات 12 وڳي به عدالت لڳائينداسين. هن چيو ته منهنجا جج رات جو به ويهي سگهن ٿا، هي ماڻهو مون کي سٺي ماني به کارائين ٿا، پاڻي جي رٿائن ۾ بجلي جي بندش نه هئڻ گهرجي. سندس چوڻ هو ته چيف سيڪريٽري صاحب اسان توهان جي مدد لاءِ آيا آهيون جيڪڏهن توهان کي فنڊ نه ٿو ملي ته سوچي آيو آهيان پنهنجي ٽن مهينن جي پگهار توهان کي ڏيندس. هن چيو ته اسان ڪم بند نه ٿيڻ ڏينداسين، ماڻهن جا مسئلا حل ڪنداسين، توهان کي ٻين کان به چندو وٺي ڇڏينداسين. پاڻي جي فراهمي بابت ڪيس جي ٻڌڻي دوران چيف جسٽس چيو ته کين رپورٽن ۾ نه ڦاسايو وڃي، ٻڌايو وڃي ته شهر ۾ پاڻي جي کوٽ ڇو آهي، ٻڌايو وڃي ته شهر ۾ پاڻي جي کوٽ ڇو آهي، سڌو ٻڌايو ته رٿا تي عمل ڪڏهن ٿيندو. ايم ڊي واٽر بورڊ چيو ته ڪيترائي علائقا ڪچيون آباديون آهن جتي لائنون نه آهن، چيف جسٽس چيو ته پاڻي جي کوٽ ٽئنڪرن سان ڇو پوري ٿيندي آهي، هلو پيئڻ جو پاڻي ڇڏيو، استعمال جو پاڻي ٽئنڪرن سان ڇو پورو ٿي رهيو آهي. ايم ڊي واٽر بورڊ چيو ته پاڻي جي طلب ۽ رسد ۾ فرق آهي جنهن تي چيف جسٽس چيو ته ذريعو توهان ئي آهيو، پاڻ پاڻي جي فراهمي جو انتظام ڇو نه ٿا ڪيو، ڇا ڊفينس ۾ پاڻي جي فراهميءَ جو ڪو پنهنجو نظام ناهي.  هن چيو ته ٽئنڪر مافيا بڻجي چڪي آهي، اربين رپيه ڪمايا پيا وڃن، سنڌ سرڪار شهرين کي پاڻي به فراهمي نه ڪري رهي آهي، ٽئنڪرن جي ٺيڪن پويان ڪير آهي، غريبن کي 4 هزار رپين جا ٽڪا هنيا پيا وڃن، مافيا جا پنهنجا مفاد آهن، بااثر ماڻهو ٽئنڪر بند ٿيڻ نه ڏيندا. چيف جسٽس چيو ته ايم ڊي واٽر بورڊ ذميواري ادا نه ٿو ڪري عهدو ڇڏي ڏي، جيڪڏهن اختيار ناهي يا ناڪام آهيو ته ڪابه ڳالهه ناهي، ٽئنڪر مافيا کي منهن ڏيڻ اسان جو ڪم آهي، جيڪڏهن هو هڙتال ڪنداسين ته کين منهن ڏينداسين. ٻڌڻي دوران چيف جسٽس ميئر کي مخاطب ٿيندي چيو ته شهر جا مسئلا حل ڪرڻ توهان جي ذميواري آهي، ايندڙ هفتي اينداسين، توهان مسئلن جو حل اسان سامهون رکو. ميئر وسيم اختر چيو ته شهر جي ڍانچي کي درست ڪرڻ جي ضرورت اهي، قبضا ننڍن نه پر وڏن به ڪيا آهن. سپريم ڪورٽ ڪراچي شهر ۾ گهڻ ماڙ عمارتون ٺاهڻ جي به اجازت ڏئي ڇڏي. جڏهن ته سپريم ڪورٽ جي چيف جسٽس ثاقب نثار ناقص کير بابت پاڻمرادو نوٽيس ڪيس جي ٻڌڻي دوران مينهن کي لڳندڙ انجيڪشن فوري طور ضبط ڪرڻ جو حڪم ڏئي ڇڏيو آهي. رپورٽ مطابق چيف جسٽس ميان ثاقب نثار جي سربراهيءَ ۾ سپريم ڪورٽ جي 3 رڪني بئنچ دٻي واري کير جي وڪري بابت پاڻمرادو نوٽيس سميت ماحولياتي گدلاڻ ۽ پاڻي جي فراهمي بابت ڪيس جي ٻڌڻي ڪئي. چيف سيڪريٽري رضوان ميمڻ، سيڪريٽري صحت فضل الله پيچوهو، ايم ڊي واٽر بورڊ هاشم رضا زيدي، ايڊووڪيٽ جنرل سنڌ سميت ٻيا وڪيل عدالت ۾ پيش ٿيا. چيف جسٽس چيو ته سمورين اختيارين جا ٿورا مڃانٿو ته موڪل واري ڏينهن به حاضر ٿيا آهن، عوامي مفاد جو معاملو آهي، سڀني کي گڏجي ڪم ڪرڻو پوندو. ناقص کير بابت ٻڌڻي شروع ٿي ته ناظر پنهنجي رپورٽ عدالت آڏو پيش ڪئي جنهن ۾ ٻڌايو ويو ته ڪيترن ئي هنڌن تي ڇاپا هنيا ۽ رڪارڊ چيڪ ڪيو ويو جڏهن ته مينهن کي لڳندڙ انجيڪشن جا 39 پيڪٽ ضبط ڪيا ويا آهن. چيف جسٽس حڪم ڏنو ته ڊرگ انسپيڪٽر مارڪيٽن ۾ ڇاپا هڻي ۽ مينهن کي لڳندڙ انجيڪشن ضبط ڪري جڏهن ته چيف جسٽس سيڪريٽري صحت کي حڪم ڪيو ته انجيڪشن کي ضبط ڪرڻ جو ڪم ڊرگ انسپيڪٽر کي ڏنو وڃي، ايف آءِ اي، ڊرگ انسپيڪٽرز، ڊسٽري بيوٽرز ۽ ريٽيلرز جي اسٽاڪ جو جائزو ورتو وڃي. چيف جسٽس چيو ته ڏٺو وڃي ته مارڪيٽن ۾ انجيڪشن ڪيتري مقدار ۾ موجود آهي. جڏهن ته ناقص کير جي وڪري بابت مختلف ڪمپنين پنهنجو جواب عدالت ۾ داخل ڪري ڇڏيو جنهن ۾ عدالت کي ٻڌايو ويو آهي ته کير ۽ ٽي وائٽنرز ڌار ڌار آهن جنهن تي چيف جسٽس چيو ته اوهان ٽي وي يا اخبارن ۾ اشتهارن ۾ واضح ڪريو ته ٽي وائٽنر کير ناهي ۽ اوهان کي لکي ڏيڻو پوندو ته اهو کير بلڪل به ناهي. چيف جسٽس وڌيڪ چيو ته اسان هر برانڊز جي کير جو جائزو وٺنداسين. چيف جسٽس عدالتي معاون کي حڪم ڏنو ته هر ڪمپني کان 50 هزار رپيه وٺي معائنو ڪرايو وڃي، پيڪ ٿيل کير جي پي سي ايس آءِ



ڪراچي ۾ استادن تي پوليس جي لٺبازي ۽ شيلنگ، 75 گرفتار


2017-12-26

ڪراچي(بيورو رپورٽ) ڪراچيءَ ۾ مستقلي لاءِ احتجاج ڪندڙ استادن جي مظاهري تي شيلنگ ۽ لٺبازي کانپوءِ ڪيترن ئي ڄڻن کي گرفتار ڪيو ويو آهي. ڪراچي پريس ڪلب اڳيان ڪانٽريڪٽي استادن مستقلي لاءِ احتجاجي مظاهرو ڪري نعريبازي ڪئي. استادن سنڌ سيڪريٽريٽ طرف مارچ ڪرڻ جي ڪوشش ڪئي ته پوليس کين روڪي ورتو. پوليس استادن تي شيلنگ ۽ لٺبازي کانپوءِ 2 ڄڻن کي گرفتار ڪري ورتو. پوليس ۽ استادن ۾ چڪرين سبب ريڊزون وارو علائقو جنگ جو ميدان بڻجي ويو. استادن جو چوڻ هو ته آهي ته هو مستقلي لاءِ احتجاج ڪري رهيا آهن پر سنڌ سرڪار مٿن تشدد ڪري آمريت جي ياد تازي ڪئي آهي. هنن چيو ته مطالبن جي مڃتا تائين سندن احتجاج جاري رهندو.مطالبن جي مڃتا لاءِ استادن احتجاجي مارچ شروع ڪيو ته پوليس جلوس جو گهيرو تنگ ڪري ڇڏيو، ڪيترن علائقن ۾ چڪريون گرفتاريون، چڪرن دوران 75 استادن کي گرفتار ڪيو ويو، پي ٽي آءِ اڳواڻ عارف علوي، ف ليگ اڳواڻ نصرت سحر عباسي سميت سياسي اڳواڻن استادن سان ڪيمپ تي پهچي ايڪتا جو اظهار ڪيو، جڏهن ته استادن جا مطالبا حل ڪرڻ لاءِ ڪمشنر ڪراچي ڳالهيون ڪيون آهن، ۽ آخري اطلاعن تائين ڳالهيون بنا نتيجي ختم ٿي ويون، استادن مطالبو ڪيو آهي ته گرفتار استادن کي آزاد ڪيو وڃي.



مظاهرين تي پوليس تشدد ڪڏهن به قبول نه ڪنداسين ، وڏو وزير ۽ گورنر جهموريت جو ڀرم رکن :بلاول


2017-12-26

ڪراچي/خيرپور/دوڙ(رپورٽ :گلزار منگي/خادم پنهور) ڊسمبر جي 27 تاريخ کي عوام ڪڏهن به وساري نٿي سگهي محترمه بينظير ڀٽو جي شهادت وڏو قومي سانحو هو, ملڪ کي بحران مان ڪڊڻ لاءِ آصف زرداري ڪارڪنن کي سنڀاليو، پيپلز پارٽي جمهوري پارٽي آهي، ايندڙ اليڪشن ۾ اسان جا مخالف نظر ئي نه ايندا، پ پ عوام جي طاقت سان ٻيهر اقتدار ماڻيندي، مسلم ليگ ن جي ميٽرو بس ۽ عمران خان جي تبديلي جا نعرا صرف نعرا ئي رهجي ويندا،اهڙي خيالن جو اظهار پاڪستان پيپلز پارٽي جي چيئرمين بلاول ڀٽو زرداري دوڙ جي ايريگيشن گرائونڊ ۾ هولو گرام ٽينڪنالوجي ذريعي عوامي جلسي کي خطاب دوران ڪيو ان وڌيڪ چيو ته پيپلز پارٽي جي تاريخ قربانين سان ڀريل آهي شهيد راڻي جمهوريت لاءِ قرباني ڏني جيڪا ڪڏهن به ڪير وساري نٿو سگهي، بينظير ڀٽو 30 سالن تائين جمهوريت جو دفاع ڪندي رهي ۽ آخر ڪار پنهنجي جان جو نذرانو پيش ڪري ڇڏيو، ان موقعي تي بلاول وڌيڪ چيو ته 27 ڊسمبر تي ڳڙهي خدا بخش پهچي بينظير جي شهادت ڏهاڙي تي عوام جو هجوم شهيد راڻي کي خراج عقيدت پيش ڪندو ۽ پارٽي سان وفاداري جو وچن ورجائيندو، پيپلز پارٽي بيروزگارن نوجوانن کي نوڪريون ڏئي ڪيس روزگار سان لڳايو آهي، سنڌ ۾ ترقياتي ڪمن جو ڄار وڇائي عوام مسئلا حل ڪيا آهن، جنهن بنياد تي 2018 جي اليڪشن ۾ پارٽي سوڀاري ٿيندي ايندڙ وزير اعظم پاڪستان پيپلز پارٽي جو جيالو هوندو، ن ليگ ۽ عمران خان پنهنجي گهرن تائين محدود رهجي ويندا، مخالفن جي شڪست يقيني نظر اچي رهي آهي ڇو ته پ پ وٽ عوام جي طاقت موجود آهي، جلسي کي پاڪستان پيپلز پارٽي جي ايم پي اي سليم رضا جلباڻي،ايم پي اي غلام قادر چانڊيو، ايم پي اي سيد فصيح احمد شاه، ضلعي صدر علي اڪبر جمالي، غلام شاه لغاري ،انجينئر عبدالرسول بروهي ۽ ٻين خطاب ڪيو. جلسي ۾ پ پ جي اڳواڻ حاجي ابرار گورچاڻي،يوسي چيئرمين ظفر زرداري، يوسي چيئرمين بلاول ڪيريو، يوسي چيئرمين نبي بخش جلباڻي، ٻانڌي ٽائون چيئرمين مظفر جمالي،ياسين شر، ياسين بروهي،غلام حسين ديناري، شاهد اقبال خانزادو، وارث لاشاري، مير عمران جمالي، نياز سولنگي، فاروق حيدر جمالي، اشفاق جمالي ڪونسلر،علي غلام مري، علي نواز بروهي، ۽ ٻيا پڻ موجود هئا، جلسي ۾پاڪستان پيپلز پارٽي جي هزارين ڪارڪنن ۽ شهرين شرڪت ڪئي.ٻئي طرف پاڪستان پيپلز پارٽي جي چيئرمين بلاول ڀٽو زرداري ڪراچي ۾ پوليس پاران استادن جي جلوس تي جو نوٽيس ورتوآهي ۽چيو آهي ته مظاهرين تي پوليس تشدد ڪڏهن به قبول نه ڪنداسين ،وڏو وزير۽گورنر جهموريت جو ڀرم رکن بلاول پنهنجي ردعمل ۾ پوليس تشدد تي سخت رنج جو اظهار ڪيو آهي۽وڏي وزير کي خاص هدايت ڪئي ته عوام تي پوليس تشدد روڪرائڻ جا جوڳا قدم کنيا وڃن



اسرائيلي بمباري، ٻارڙن سميت چار فلسطيني شهيد، ڪيترائي زخمي، گڏيل قومن پاران مذمت، وائيٽ هائوس آڏو ڌرڻو


2017-12-10

غزه/ واشنگٽن(م ڊ) فلسطيني علائقن ۾ اسرائيل جي هوائي بمباري سبب 2 ٻارڙن سميت 4 ڄڻا شهيد ۽ ڪيترائي زخمي ٿي پيا آهن جڏهن ته گذريل ٻن ڏينهن دوران شهادت حاصل ڪندڙ فلسطينين جو تعداد 6 ٿي ويو آهي. آمريڪا طرفان والاريل بيت المقدس کي اسرائيلي جو گادي وارو هنڌ ۽ پنهنجو سفارتخانو منتقل ڪرڻ جي اعلان کانپوءِ والاريل فلسطين ۾ صورتحال وڌيڪ بگڙجي وئي آهي، گذريل چئن ڏينهن کان غذه ۽ اولهندي ڪناري ۾ اسرائيل خلاف احتجاج جو سلسلو وڌيڪ تيز ٿي ويو آهي. اسرائيلي فلسطيني علائقن ۾ راڪيٽ هڻڻ جو الزام مڙهي بيگناهه فلسطينين تي بمباري شروع ڪري ڇڏي آهي. پرڏيهي خابرو اداري جي رپورٽ مطابق گذريل ڏينهن اولهندي ڪناري ۾ بدت الحم، رملا ۽ الخليل سميت مختلف شهرن ۾ هزارين فلسطينين احتجاج ڪيو، اسرائيلي پوليس فلسطينين تي ڳوڙها گيس جي شيلنگ، لاٺي چارج ۽ رٻڙ جون گوليون وسائڻ کان علاوه سڌو سنئون فائرنگ به ڪئي، جنهن جي نتيجي ۾ 2 فلسطيني شهيد جڏهن ته 300 کان وڌيڪ زخمي ٿي پيا، ان کان علاوه درجنين فلسطينين کي گرفتار به ڪيو ويو آهي. آمريڪي صدر ڊونلڊ ٽرمپ طرفان يروشلم کي اسرائيلي گادي وارو هنڌ تسليم ڪرڻ کانپوءِ فلسطين جي حڪمران تنظيم الفتح جي سينيئر عهديدار جبريل الرجوب جو چوڻ آهي ته آمريڪي صدر مائيڪ پينس جي دوري دوران ان کي ڀليڪار نه چيو ويندو. پرڏيهي خابرو اداري مطابق الرجوب ٻين عرب ملڪن کي به اپيل ڪئي ته هو ان مجوزه دوري دوران ان سان ملڻ کان پاسو ڪن. ياد رهي ته آمريڪي نائب صدر هلندڙ مهيني جي آخر ۾ مصر، اسرائيل ۽ اولهه ڪناري جو دورو ڪندو. هو ان دوري دوران فلسطيني علائقي بيت الحم وڃڻ جو ارادو به رکي ٿو. گڏيل قومن جي سيڪيورٽي ڪائونسل گڏيل طور تي ٽرمپ جي ان قدم جي مذمت ڪئي آهي جنهن ۾ هن بيت المقدس کي اسرائيل جو گادي وارو هنڌ قبول ڪرڻ جو اعلان ڪيو آهي ٻئي طرف آمريڪي مندوب گڏيل قومن کي جانبدار ادارو قرار ڏئي ڇڏيو. اهو هنگامي اجلاس نيويارڪ ۾ گڏيل قومن جي مرڪزي آفيس ۾ منعقد ٿيو جنهن ۾ ميمبر ملڪن جي نمائندن شرڪت ڪئي، اجلس ۾ شريڪ ميمبرن آمريڪي صدر ڊونلڊ ٽرمپ جي اعلان جي مذمت ڪندي چيو ته والاريل بيت المقدس کي اسرائيل جو گادي وارو هنڌ بڻائڻ سان فلسطين ۾ خوني ويڙهه جي راهه آسان ٿيندي. سوئيڊن جي نمائندي اولوف اسڪوگ چيو ته اهي قدم خطي ۾ ڇڪتاڻ ۽ عدم استحڪام کي وڌائڻ لاءِ ٻارڻ جو ڪردار ادا ڪندو. ٽرمپ جو اعلان آمريڪا ۽ اسرائيل جي گهڻن دوستن جي درخواست جي خلاف آهي، ان قدم سان سوئيڊن، يورپي يونين ۽ عالمي برادري جي ويجهو يروشلم جي اسٽيٽس ۾ ڪابه تبديلي نه ايندي. فلسطيني علائقن ۾ اسرائيلي بيمباري جي نتيجي ۾ ٻارڙن سميت 4 ڄڻا شهيد ٿي ويا، جڏهن ته ڪيترائي زخمي ٿي پيا، ٻن ڏينهن دوران شهيد ٿيل فلسطينين جو انگ وڌي 6 ٿي ويو آهي. آمريڪا طرفان والاريل بيت المقدس کي اسرائيلي گادي واري هنڌ قرار ڏيڻ ۽ پنهنجو سفارتخانو منتقل ڪرڻ جي اعلان کانپوءِ والاريل فلسطين ۾ صورتحال خراب ٿي وئي آهي. چئن ڏينهن دوران غذب ۽ اولهه ڪناري ۾ اسرائيل خلاف مظاهرن جو سلسلو تيز ٿي ويو آهي. اسرائيلي فلسطيني علائقن تي راڪيٽ حملا ڪرڻ جو الزام هڻندي بي گناهه فلسطينين تي بمباري شروع ڪري ڇڏي آهي. پرڏيهي خابرو ايجنسي موجب بيت اللحم، رملا ۽ الخليل سميت مختلف شهرن ۾ هزارين فلسطينين احتجاج ڪيو، اسرائيلي پوليس هٿين خالي فلسطينين تي شيلنگ ڪئي، لٺبازي ۽ رٻڙ جي گولين کانسواءِ سڌي فائرنگ به ڪئي جنهن جي نتيجي ۾ 2 فلسطيني شهيد ٿي ويا، جڏهن ته 300 کان وڌيڪ زخمي ٿي پيا، ڪيترن ئي فلسطينين کي گرفتار به ڪيو ويو آهي. اسرائيلي ميڊيا موجب اسرائيلي فوج الزام هنيو آهي ته نئين مزاحمت تحريڪ جي اعلان کانپوءِ حماس غزه مان 3 راڪيٽ فائر ڪيا جيڪي اسرائيلي علائقن ۾ ڪريا جنهن جي جواب ۾ اسرائيلي فوج ڪارروائي ڪندي غزه جي مختلف علائقن ۾ هوائي حملا ڪيا، حملن ۾ هٿيار تيار ڪندڙ هڪ مرڪز ۽ هٿيار جي گودام کي نشانو بڻايو ويو آهي، حملن ۾ جنگي جهازن ۽ ٽئنڪن جو به استعمال ڪيو ويو آهي. فلسطيني صحت واري وزارت موجب غزه ۾ اسرائيلي حملن جي نتيجي ۾ ٻن ٻارڙن سميت 4 ماڻهو شهيد ٿي ويا ۽ 8 زخمي ٿيا آهن. فلسطين جي صدر محمود عباس آمريڪي نائب صدر مائيڪ پينس سان ملاقات کان انڪار ڪري ڇڏيو آهي. فلسطيني صدر جي صلاحڪار ماجدي الخالدي چيو آهي ته آمريڪي نائب صدر مائيڪ پينس جي بيت اللحم جي دوري دوران محمود عباس ساڻس ملاقات نه ڪندو. گذريل ڏينهن فلسطيني اٿارٽي جي ترجمان به اهڙو ئي بيان ڏنو هو. اٿارٽي جي ترجمان جبريل رجب جو چوڻ هو ته آمريڪي نائب صدر مائيڪ پينس جي دوري دوران ساڻس اعليٰ سطحي ملاقات نه ڪئي ويندي. هن ٻين عرب ملڪن کي به اپيل ڪئي هئي ته اهي ان دوري دوران آمريڪي نائب صدر سان نه ملن. واضح رهي ته آمريڪي نائب صدر هلندڙ مهيني جي آخر ۾ ان خطي جو دورو ڪندو. جڏهن ته آمريڪي صدر جي پاليسي خلاف انساني حقن جي پرچارڪن ۽ فلسطيني تنظيمن پاران واشنگٽن ڊي سي ۽ وائيٽ هائوس آڏو احتجاجي ڌرڻو لڳائي ڇڏيو آهي. ڌرڻي ۾ هزارين ماڻهو شريڪ آهن، احتجاج ڪندڙن آمريڪي پاليسي کي رد ڪندي سخت نعريبازي ڪئي آهي، مطالبو ڪيو آهي ته خطي ۾ اسرائيل جي بالادستي جي آمريڪا حمايت ڪرڻ ڇڏي ڏئي.



ماڻهو مايوس نه ٿين، جيڪو ٿيندو عوام جو ووٽ فيصلو ڪندو: پ پ قيادت


2017-12-06

اسلام آباد (م ڊ)پاڪستان پيپلز پارٽي عوام جي حق حڪمراني، آئين ۽ پارليامينٽ جي بالادستي جو وچن ورجائيندي پنهنجي سياسي مستقبل بابت ڇهه نڪاتي سڌارن جو اعلان ڪري ڇڏيو آهي. وفاقي گادي واري هنڌ اسلام آباد جي پريڊ گرائونڊ تي پ پ جي 50 سالا يوم تاسيس جي سلسلي ۾ تاريخي جلسو ڪيو ويو، پ پ جي هن جلسي ۾ عوام جو سمنڊ اٿلي پيو. پ پ قيادت جلسي کي خطاب ڪندي پنهنجي پارٽي جي ماضي جي جدوجهد کي شاندار ڀيٽا پيش ڪئي ۽ چيو ته شهيد ڀٽو شڪست کاڌل، ٽٽل ڦٽل پاڪستان کي سنڀاليو، ڀٽي کي ڦاسي ڏيڻ سان عوام جي جذبن جو قتل ڪيو ويو. شهيد راڻي جي شهادت کان پوءِ پورو پاڪستان ٻرندڙ باهه ۾ سڙندو رهيو. پ پ 50 سالن ۾ رت ۽ باهه جا درياءَ پار ڪيا آهن پوءِ به نعرو لڳايو ته پاڪستان کپي. ماڻهو مايوس نه ٿين جيڪو ٿيندو عوام جو ووٽ فيصلو ڪندو. جلسي کي پ پ چيئرمين بلاول ڀٽو زرداري، اڳوڻي صدر آصف علي زرداري ۽ ٻين اڳواڻن خطاب ڪيو ۽ چيو ته شهيد بينظير ڀٽو جون جولاءِ جي گرمين ۾ سکر جيل ڀوڳڻ کان جمهوريت جي بحالي، عوام جي حق حڪمراني خاطر آمريت خلاف شاندار جدوجهد ڪئي. پرويز مشرف جي دور ۾ شهيد راڻي دهشتگردن کي للڪاريو، پ پ جلسي کي ساک کڻي وچن ڪيو ته ظالماڻو نظام نه کپي، ڀٽو جو قافلو نه ٿڪجي پيو آهي نه رڪجي پيو آهي هر دور ۾ غير معمولي حالتن ۾ پاڪستان کي سنڀاليو آهي، ڪيني، فتني، فرقه پرستي جي ساڙ کان آجو سماج چاهيون ٿا. هر هيڻي طبقي، عورت، هاري، پورهيت سميت سڀني کي حق ڏيارينداسين، جلسي کي خطاب ڪندي پ پ جي شريڪ چيئرمين آصف علي زرداري چيو آهي ته ڀٽو صاحب ڪالهه به جيئرو هو ۽ اڄ به جيئرو آهي، اسان شهادتن تي يقين رکندا آهيون ۽ شهيد ڪڏهن ناهن مرندا، بينظير ڀٽو توهان سڀني جي ۽ منهنجي اڳواڻ هئي، ذوالفقار ڀٽو ۽ بي بي صاحبا اڄ اسان کي ڏسي رهيا آهن. اسلام آباد ۾ جلسي کي خطاب ڪندي آصف زرداري چيو ته اسان کي پنج سال مليا، بينظير جا ڪيل واعدا اسان نڀاياسين، اسان پاڪستان کي نئين صورت ڏني، بلوچستان کي ترقي ڏياري، سرڪاري ملازمن جون پگهارون وڌايون سين، جمهوريت جو تحفو پ پ ۽ بينظير جي قرباني جو آهي. هن چيو ته مشرف جو ڪو مستقبل ناهي، هو لڪي ٻاهر ويهي رهيو آهي، هن ڏٺو ته سندس ڪو مستقبل ناهي، تنهن ڪري ٻاهر هليو ويو، ميان صاحب ملڪ کي ڪنگال ڪري ڇڏيو آهي، اسان ٻه ڀيرا انهن جي جمهوريت بچائي، اڄ اهي ڀٽو کي مڃين ٿا، بينظير کي مڃين ٿا، الحمد الله هن فقير کي به مڃين ٿا. گاڊ فادر ۽ ڪوڙي خان کي ڳالهه سمجهه ۾ نه پئي اچي، اسان کي طاقت جي بُک ناهي، جيڪو ملڪ سان ٿي رهيو آهي، ان تي افسوس آهي. سندس چوڻ هو ته اميد ٿو ڪيان منهنجي وڃڻ کانپوءِ منهنجي ٻارن سان به توهان وفا ڪندئو، توهان ايتري ئي وفا ڪندئو، جيتري شهيد بينظير ڀٽو سان ڪندا رهيا. آصف زرداري چيو ته اسان افغانستان سان لاڳاپا وڌائڻ چاهيون ٿا، چاهيون ٿا ته افغانستان جو سرحدون مضبوط هجن، اچو گڏجي پاڪ – افغان سرحد کي مضبوط ڪيون. هن وڌيڪ چيو ته ڀارت وارئو جيڪڏهن پ پ جو هڪ به ٻار جيئرو آهي، ڪشمير اسان جي شهه رڳ آهي، اڪيلو وڙهڻو پيو ته وڙهنداسين پر ڀارت کي اڳتي وڌڻ نه ڏينداسين. پ پ جي شريڪ چيئرمين آصف علي زرداري چيو آهي ته ڀٽو صاحب ڪالهه به جيئرو هو ۽ اڄ به جيئرو آهي، اسان شهادتن تي يقين رکندا آهيون ۽ شهيد ڪڏهن ناهن مرندا، بينظير ڀٽو توهان سڀني جي ۽ منهنجي اڳواڻ هئي، ذوالفقار ڀٽو ۽ بي بي صاحبا اڄ اسان کي ڏسي رهيا آهن. اسلام آباد ۾ جلسي کي خطاب ڪندي آصف زرداري چيو ته اسان کي پنج سال مليا، بينظير جا ڪيل واعدا اسان نڀاياسين، اسان پاڪستان کي نئين صورت ڏني، بلوچستان کي ترقي ڏياري، سرڪاري ملازمن جون پگهارون وڌايون سين، جمهوريت جو تحفو پ پ ۽ بينظير جي قرباني جو آهي. هن چيو ته مشرف جو ڪو مستقبل ناهي، هو لڪي ٻاهر ويهي رهيو آهي، هن ڏٺو ته سندس ڪو مستقبل ناهي، تنهن ڪري ٻاهر هليو ويو، ميان صاحب ملڪ کي ڪنگال ڪري ڇڏيو آهي، اسان ٻه ڀيرا انهن جي جمهوريت بچائي، هاڻ نه بچائينداسين، اڄ اهي ڀٽو کي مڃين ٿا، بينظير کي مڃين ٿا، الحمد الله هن فقير کي به مڃين ٿا. گاڊ فادر ۽ ڪوڙي خان کي ڳالهه سمجهه ۾ نه پئي اچي، اسان کي طاقت جي بُک ناهي، جيڪو ملڪ سان ٿي رهيو آهي، ان تي افسوس آهي. سندس چوڻ هو ته اميد ٿو ڪيان منهنجي وڃڻ کانپوءِ منهنجي ٻارن سان به توهان وفا ڪندئو، توهان ايتري ئي وفا ڪندئو، جيتري شهيد بينظير ڀٽو سان ڪندا رهيا. آصف زرداري چيو ته اسان افغانستان سان لاڳاپا وڌائڻ چاهيون ٿا، چاهيون ٿا ته افغانستان جو سرحدون مضبوط هجن، اچو گڏجي پاڪ – افغان سرحد کي مضبوط ڪيون. هن وڌيڪ چيو ته ڀارت وارئو جيڪڏهن پ پ جو هڪ به ٻار جيئرو آهي، ڪشمير اسان جي شهه رڳ آهي، اڪيلو وڙهڻو پيو ته وڙهنداسين پر ڀارت کي اڳتي وڌڻ نه ڏينداسين. ان موقعي تي يوم تاسيس جي جلسي کي صدارتي خطاب ڪندي پاڪستان پيپلز پارٽي جي چيئرمين بلاول ڀٽو زرداري چيو آهي ته ماءُ جي مٿي تي لڳندڙ لٺين به بينظير جو حوصلو نه ٽوڙيو، آصف زرداري سي پيڪ جو بنياد رکيو، جڏهن جڏهن ڀٽي اقتدار سنڀاليندي 90 هزار جنگي قيدي آزاد ڪرايا، اهو ٽيون نسل آهي جيڪو جدوجهد جي علم سان ميدان ۾ سرگرم آهي،  جڏهن به آمريت مڙهي وئي تڏهن تڏهن پيپلز پارٽي بغاوت جو علم بلند ڪيو، ڀٽو جو قافلو ٿڪيو ناهي، 71 کان پوءِ جڏهن بچل پاڪستان سنڀالي نه سگهيا ته پوءِ هنن ملڪ کي ڀٽي جي حوالي ڪيو، جڏهن صورتحال نه سنڀالي سگهيا ته اقتدا ڀٽي جي حوالي ڪيو ويو. هن چيو ته آمرن جي ڪري اوڀر  ۽ اولهه پاڪستان ۾ نار وڌندو ويو، ڀٽو شهيد پاڪستان رياست کي جمهوري آئيني بنياد تي قائم ڪيو، ڀٽي پاڪستان کي مضبوطي ڏني ته غير جمهوري قوتن حملا ڪرڻ شروع ڪيا، ڀٽي شهيد هن ملڪ کي آئين ڏنو، ڀٽي شهيد پاڪستان کي جمهوري ۽ پارلياماني روايتن ڏانهن وڌايو، جمهوري پاڪستان خلاف عالمي ۽ جمهوريت مخالف قوتن سازش ڪئي. اسلام آباد ۾ جلسي کي خطاب ڪندي پيپلز پارٽي جي چيئرمين بلاول ڀٽو زرداري چيو ته  عوام جي سربراهه کي ڦاهي ڏئي آمر ضيا سمجهيو ته پيپلز پارٽي ختم ٿي وئي، شهيد بي بي ضيا آمر جي مارشل لا خلاف جدوجهد ڪئي، بينظير معصوم ناري هئي پر ان کي غريبن جي طاقت تي ڀروسو هو، ماء



شهباز شريف ۽ ٻين ذميوارن کي استعيفيٰ ڏيڻ گهرجي: طاهر القادري


2017-12-06

لاهور(م ڊ ) پاڪستان عوامي تحريڪ جي سربراهه طاهر القادري چيو آهي ته عدالتي فيصلي سان عدليه جو وقار بلند ٿيو آهي، پنجاب جي وڏي وزير شهباز شريف سميت سمورن ذميوارن کي فوري طور استعيفيٰ ڏيڻ گهرجي، قانون جي طاقت سان حڪمرانن جون ڳچيون پڪڙيون وينديون. لاهور ۾ پريس ڪانفرنس ڪندي ڊاڪٽر طاهر القادري چيو ته حڪومت معصوم ماڻهن کان حياتيون کسيون، حڪمرانن مان چڱائي جي اميد ناهي. هن چيو ته کين ڪابه ٽياڪڙي نه گهرجي، حڪمرانن کي عبرت جو نشانو بڻايو ويندو. سندس چوڻ هو ته مظلوم ماڻهن لاءِ قصاص ۽ انصاف گهرجي، يتيمن جون پٽون ۽ پاراتا کين ڪنهن به قيمت تي بچڻ نه ڏيندا، ٻئي ڀائر ۽ سندس ساٿي جلد جيل ۾ هوندا. ڊاڪٽر طاهر القادري چيو ته ماڊل ٽائون سانحي ۾ 14 ڪارڪنن کي شهيد ڪيو ويو، 90 کي گوليون هڻي زخمي ڪيو ويو. هن چيو ته پنجاب جي وڏي وزير چيو ته جيڪڏهن ذميواري مٿس لاڳو ٿي ته فوري طور استعيفيٰ ڏئي ڇڏيندو. سندس چوڻ هو ته لاهور هاءِ ڪورٽ سنگل بئنچ جو فيصلو برقرار رکيو آهي. طاهر القادري چيو ته واقعي کانپوءِ سپريم ڪورٽ جي ٽربيونل ذريعي جاچ جو مطالبو ڪيو جيڪو رد ڪيو ويو.



سنڌي ثقافت جو اڄ عالمي ڏينهن، ڌرتي ڌڻي ثقافتي رنگن ۾ ٻهڪي پيا، ميڙ ميڙاڪا، ريليون رٿيل


2017-12-03

ڪراچي/ حيدرآباد(رپورٽ: عبداش پنهور) سنڌو سڀيتا جو عالمي ڏينهن اڄ ڏيهه ڏيساور ۾ ملهائڻ لاءِ سنڌ واسين تياريون مڪمل ڪري ورتيون آهن، سنڌي ثقافت جو ڏينهن ملهائڻ جي سلسلي ۾ ميڙ ميڙاڪا، ريليون رٿيون ويون آهن، سنڌ جي تاريخ، تمدن، تهذيب، سنڌو سڀيتا جي اهڃاڻن کي عالمي طور اجاگر ڪرڻ لاءِ سنڌي ثقافت جو ڏينهن ملهائڻ جي سلسلي ۾ ننڍن وڏن شهرن، واهڻن وستين، سرڪاري، غير سرڪاري تعليمي ادارن سميت سموري سنڌ لوڪ پچار لاءِ پنهنجي سموري سنبت مڪمل ڪري ورتي آهي. ڏهر جي ڏيهه جي ڏات جا ڏيئا ٻاري ڇڏيا آهن، سنڌ جي ڪنڊ ڪڙڇ ۾ ملاح ماڇي، مهر مينڌرا، منگي مگسي، سومرا سمان، ساريا سيلرا، چانڊيا چنڙ، انڙ ابڙا، چاچڙ چنا، سامٽيا سماٽ سنڌي ثقافت ڏينهن ملهائڻ جي سلسلي ۾ تياريون مڪمل ڪري ورتيون آهن، ڳوٺن جون ڳالهيون شهرين جي ڳلين ۾ ڳايون وڄايون وينديون. راڄپر راڄڙ، لوهاڻا مهاڻا، پنهور پنجواڻي، ڪنڀر ڪيسواڻي، اوڏ آڏواڻي، ڀيل ۽ ڀيلارن جا ڀلاري ڀونءِ لاءِ جذبا ڀڙڪي پيا آهن. سنڌي ثقافتي ڏينهن ملهائڻ جي سلسلي ۾ سانگهڙ، سجاول، سکر، سيوهڻ سميت سموري سنڌ ۾ راجپوت راڻا، لوڪواڻي لوهاڻا، لنڊ لاکا، ميگهواڙ پرهياڙ، سهتو سميجا، ڀنڀرو ۽ ڀونئر، مڱريا ۽ ميمڻ مچ ڪچهرين جي محفلن ۾ جهومي پيا. سنڌي ثقافت جي ڏهاڙي جي سلسلي ۾ اجرڪ ٽوپي سميت سنڌي ثقافتي، تاريخي اوزارن ۽ اهڃاڻن سان گڏ راڳ، رمز، لوڪ موسيقي جا ساز ۽ آواز سموري سنسار ۾ سنڌ پرستي جي هٻڪار جي سلسلي ۾ نکري نروار ٿي ويا آهن. دنيا جي عظيم تهذيب سنڌو سڀيتا جي تاريخ ۾ مارئي بڻيل سنڌ سنڌي ثقافت جي عالمي اهڃاڻن سان سسئي، سهڻي بڻجي وئي، سنڌ جا نرالا رنگ مومل، نوري نظارا پيش ڪري ڇڏيا آهن. ثقافتي ڏينهن جي سلسلي ۾ سموري سنڌ عيد جي خوشين وانگر ٻهڪي پئي آهي. بهادر شهيد بشير خان قريشي، ارڏي اديب عبدالواحد آريسر جي نماڻين اکين جي خوابن واري سونهاري سنڌ ثقافتي ڏينهن تي بينظير بڻجي وئي آهي. امر ڀڳت ڪنور رام جي آلاپن واري لوڪ مٺڙي لولي جي ٻولي، ڪامريڊ سوڀوگيانچنداڻي، موهن ڀڳت، روپلي ڪولهي، هيمون ڪالاڻي سميت سنڌ ۽ سيد جا فڪري پرچارڪ “ جيئي سنڌ” جي نعرن جي گونجار ۾ اڄ ميڙ ميڙاڪا ڪندا، جلوس ڪڍندا ۽ جهمريون هڻندا. حيدرآباد، ٺٽو، عمرڪوٽ، مٺي، ٽنڊوالهيار، ٽنڊو محمد خان، جاتي، جيڪب آباد، ماڇڪ کان منوڙي تائين سنڌ پنهنجي ثقافتي رنگن ۾ چمن بڻجي وئي آهي. خيرپور، سڳيون، راڻيپور، پريالوءِ، ٻٻرلوءِ، سوڀوديرو، ڪنڊيارو، سيٺارجا، ڏهرڪي، رهڙڪي، گهوٽڪي، ميرپور ماٿيلو، مومل جي ماڙي، دوڙ، دادو، دولتپور، مورو، ميهڙ، خيرپور ناٿن شاهه، محرابپور، پڊعيدن، ڪوٽ لالو، ڪوٽ غلام محمد، ڦل، مانجهند، ڄامشورو، ڪوٽڙي، سن، سڪرنڊ، جوهي، واهي پانڌي، ڪشمور، ڪنڌڪوٽ، ٿاڻو بولا خان، ٿاڻو عارب خان، مول، سري، ڇاڇرو، ڏيپلو، اسلام ڪوٽ، ڪنري، کپرو، چوهڙ جمالي، هٿونگو، لاڏيون، تنگواڻي، بدين، ٽنڊو باگو، تلهار، ماتلي، کوسڪي، ڪڍڻ، ڀڳڙا ميمڻ، شهدادپور، شهدادڪوٽ، لنڊو، سرهاڙي، ميرپور خاص، سنڌڙي، شيخ ڀرڪيو، ٽنڊو غلام علي، ٽنڊو غلام حيدر، ٽنڊو سومر، ٽنڊو ڄام، ٽنڊو محمد خان، سيري، گهارو، ٺٽو، ميرپور بٺورو، دڙو، ٻنون، ٻيلو، مڪلي، ڪي ٽي بندر، ڳاڙهو، ملير، ڪراچي، نوابشاهه، مٺياڻي، ڦلجي، سيتا روڊ، راڌڻ، ڏوڪري، نصيرآباد، رتوديرو، نئون ديرو، وڳڻ، باڊهه، قمبر، لاڙڪاڻو، لاکاٽ، سيکاٽ، ٽنڊو آدم، اڏيرو لعل، هالا، نيو سعيد آباد، ڀان سيد آباد، بوبڪ، انڙپور، ٻڍاپور، بڇيري، ٻانڌي، سٺ ميل، ڄام صاحب، فريد آباد، مٽياري، هٽڙي، ڀٽ شاهه، خيبر، فيض گنج، نارو، سامارو، ڍليار، پنوعاقل، شڪارپور، جيڪب آباد، ٺل، لکي غلام شاهه، ڳڙهي ياسين، ڳڙهي خيرو، نوان جتوئي، سرحد، روهڙي، ڪنڌرا، ڪڪڙ، ڀورٽي، خانواهڻ سميت سنڌ جي ننڍن وڏن شهرن ۾ سنڌي ثقافت جو ڏينهن ملهائڻ جي سلسلي ۾ سموريون تياريون مڪمل ڪيون ويون آهن، سنڌ جي گادي واري شهر ڪراچي ۾ مرڪزي ميڙ پريس ڪلب، گورنر هائوس، صدر جي بازارن ۾ اڄ “جيئي سنڌ” جي نعرن جي گونجار ۾ سنڌي ثقافت جو ڏينهن ملهايو ويندو. گلشن اقبال، گڏاپ، بن قاسم، لياري، نيو ڪراچي، صفوران ڳوٺ، سچل ڳوٺ، ڀٽائي آباد، ابراهيم حيدري، ڪلفٽن، ڪياماڙي سميت شهر جي ڪنڊ ڪڙڇ مان نڪرندڙ ثقافتي ريليون، جلسا ۽ جلوس پريس ڪلب پهچنديون. سنڌي ثقافت ڏهاڙي جي سلسلي ۾ ڪلفٽن تي تاريخي يادگار ٽي تلوار ۽ ٻه تلوار جي نشانن کي سنڌي اجرڪ پارائي سينگاريون ۽ سنواريو ويو آهي. ڪراچي جي مختلف علائقن ۾ ثقافتي ڏينهن ملهائڻ جي سلسلي ۾ ڀليڪار آجيان واريون ڪيمپون قائم ڪيون ويون آهن. حيدرآباد ۾ سنڌي ثقافتي ڏينهن ملهائڻ جي سلسلي ۾ مرڪزي ميڙ پريس ڪلب جي ميزباني ۾ ٿيندو. جڏهن ته کوکر پاڙو، مير پاڙو، ٽنڊو ولي محمد، پنهور پاڙو، قاسم آباد، وحدت ڪالوني، جي آر ڪالوني، گدو چوڪ، ڪچو قلعو، پڪو قلعو، سري گهاٽ، تلڪ چاڙي، ٽنڊو آغا، ٽنڊو جهانيان، هير آباد، گاڏي کاتو، حيدر چوڪ، مارئي ڳوٺ، ٽنڊو ٺوڙهو، هالا ناڪو، لطيف آباد، سٽيزن ڪالوني، ڀٽائي نگر، ڦليلي، ڪاري موري، لالو لاشاري سميت شهر جي مختلف علائقن مان جاڳرتا ريليون پريس ڪلب پهچنديون، جڏهن ته پريس ڪلب جي آسپاس ثقافتي ڏينهن جي سلسلي ۾ ڀليڪار آجياڻي جون ڪيمپون لڳايون ويون آهن. جڏهن ته آمريڪا، برطانيه، ڀارت، گڏيل عرب امارات، جرمني، فرانس، سعودي عرب سميت دنيا جي مختلف ملڪن ۾ رهندڙ سنڌي پنهنجي سنڌي ثقافت جو ڏهاڙو قومي جوش ۽ جذبي سان ملهائڻ لاءِ پڻ تياريون مڪمل ڪري ويٺا آهن. ورلڊ سنڌي ڪانگريس، سنڌي ادبي سنگت، سانا سميت سنڌين جون عالمي تنظيمن پاران ان سلسلي ۾ تقريبون رٿيون ويون آهن. سنڌ ۾ قائم مختلف ملڪن جي سفارتخانن جي سفيرن کي سنڌي اجرڪ ٽوپي پارائي ڏينهن ملهائڻ لاءِ به تقريبون رٿيل آهن.



حديبيا پيپرز ريفرنس دٻاءَ ذريعي2014ع ۾ بند ڪرايو ويو: نيب


2017-11-29

  اسلام آباد( م ڊ ) سپريم ڪورٽ حديبيا پيپرز ريفرنس بابت سمورو رڪارڊ طلب ڪري ورتو. جسٽس مشير عالم جي سربراهيءَ ۾ جسٽس قاضي فائز عيسيٰ ۽ مظهر عالم خان تي ٻڌل سپريم ڪورٽ جي 3 رڪني بئنچ ڪيس جي ٻڌڻي ڪئي. ٻڌڻي جي شروعات تي جسٽس قاضي فائز عيسيٰ پڇاڻو ڪيو ته اصل ريفرنس ڪٿي آهي، اصل ريفرنس اسان لاءِ لاڳاپيل آهي. نيب پراسيڪيوٽر عدالت کي ٻڌايو ته اصل ريفرنس کيس نه ملي سگهيو آهي، اصل ريفرنس لاڳاپيل ناهي. جسٽس مشير عالم چيو ته جڏهن ريفرنس ئي سامهون نه آهي ته پوءِ ڇا ٻڌو وڃي.  جسٽس قاضي فائز عيسيٰ چيو ته پٽيشن ڪهڙي آهي، ٻڌايو پوءِ ڏٺو ويندو. نيب پراسيڪوٽر سپريم ڪورٽ جي 3 رڪني بئنچ کي پٽيشن پڙهي ٻڌائي. نيب پراسڪيوٽر عدالت کي ٻڌايو ته ڪيس هلي رهيو هو ته جوابدار پرڏيهه هليا ويا هئا، جنهن تي قاضيٰ فائز عيسيٰ پڇاڻو ڪيو ته جوابدار پاڻ ويا يا وري کين جبري موڪليو ويو. نيب پراسيڪيوٽر عدالت کي ٻڌايو ته تنهن وقت جو چيف ايگزيڪيوٽو پرويز مشرف هو، جنهن جوابدارن کي پرڏيهه موڪليو. جسٽس قاضي فائز عيسيٰ رمارڪس ڏيندي چيو ته نيب جو ڪيس اهو ئي آهي ته اثر استعمال ڪري ڪيس ختم ڪرايو ويو. هن پڇاڻو ڪيو ته جڏهن ريفرنس ٺاهيو ويو هو ته اقتدار ۾ ڪير هو، جڏهن نواز شريف اقتدار ۾ واپس آيو ته تڏهن اقتدار ڪنهن وٽ هو، نواز شريف جي ملڪ ۾ واپس اچڻ بعد ريفرنس کولڻ ۾ ڪيترو وقت لڳو ۽ ريفرنس فائل ٿيڻ جي ڪيتري وقت کانپوءِِ اقتدار مليو.  نيب پراسيڪيوٽر چيو ته ريفرنس کولڻ ۾ لڳ ڀڳ 9 مهينا لڳي ويا. جسٽس فائز عيسيٰ پڇاڻو ڪيو ته جڏهن ريفرنس ٺهيو، جوابدار واپس آيا ۽ جڏهن هو اقتدار ۾ نه هئا ته اثر ڪيئن استعمال ٿيو، بهتر آهي ته نيب هڪ چارٽ بڻائي پيش ڪري جنهن ۾ تاريخون لکي ۽ تاريخون اسان لاءِ تمام گهڻو اهم آهن. نيب پراسڪيوٽر عدالت کي آگاهه ڪيو ته 2014ع ۾ دٻاءَ ذريعي ريفرنس بند ڪرايو ويو.



گهڻيون ڳالهيون ڪرڻيون آهن، هڪ ٻه ڏينهن انتظار ڪيو وڃي: نوازشريف


2017-11-29

اسلام آباد( م ڊ ) اڳوڻي وزيراعظم نواز شريف چيو آهي ته 70 ورهين کان ملڪ سان جيڪو ٿي رهيو آهي اهو افسوس جوڳو آهي. پنجاب هائوس ۾ مسلم ليگ جي سينئر اڳواڻن سان ڳالهائيندي نواز شريف چيو ته پاڪستاني قوم ۽ مسلم ليگ ن جا ڪارڪن ساڻس گڏ بيٺل آهن. هن چيو ته ڪڏهن وزيراعظم کي گرفتار ته ڪڏهن وري جلاوطن ڪيو ويندو آهي. سندس چوڻ هو ته ڪڏهن وزيراعظم کي هٽايو ويندو آهي ته ڪڏهن وري ڦاهي ڏني ويندي آهي. نواز شريف چيو ته جلد مان ڪارڪن پاڪستان جي ترقي لاءِ عهد ڪنداسين. هن چيو ته پاڪستاني عوام ۽ پارٽي ڪارڪن مون سان گڏ بيٺل آهن. سندس چوڻ هو ته عدالتي فيصلي کي عوام قبول نه ڪيو آهي. نواز شريف چيو ته منهنجي خلاف عدالتي فيصلو حقيقتن خلاف هو، دنيا جي مهذب ملڪن جمهوريت ذريعي ترقي ڪئي آهي، آمريت دوران ڪنهن ملڪ ترقي نه ڪئي آهي. هن چيو ته جمهوريت لاءِ سياسي پارٽين جي ڪارڪنن سان گڏجي جدوجهد ڪندس.اڳوڻي وزيراعظم نواز شريف چيو آهي ته  تمام گهڻيون ڳالهيون ڪرڻيون آهن، هڪ ٻه ڏينهن انتظار ڪيو وڃي. احتساب عدالت ۾ پيشيءَ کانپوءِ صحافين سان غير رسمي طور ڳالهائيندي نواز شريف چيو ته هر ڳالهه جو هڪ وقت هوندو آهي، معزز جج کيس عدالتي ڪمري ۾ ڳالهائڻ کان روڪيو آهي تنهن ڪري هو ڳالهائي نه ٿو سگهي، بهتر آهي ته جج جي ڳالهه جو احترام ڪيو وڃي. سندس چوڻ هو ته وٽس چوڻ لاءِ ڪيتريون ئي ڳالهيون آهن جيڪي هڪ ٻن ڏينهن ۾ ڪندو. نواز شريف ڊاڪٽر طاهر القادري جي واپسي ۽ اسلام آباد ۾ ڌرڻي تي ڳالهائڻ کان به انڪار ڪيو. اڳوڻي وزير اعظم نواز شريف جي صدارت هيٺ پنجاب هائوس ۾ پارٽي اڳواڻن جو اجلاس شروع ٿي ويو، جنهن ۾ مريم نواز، احسن اقبال، خواجا آصف، مريم اورنگزيب، دانيال عزيز ۽ ٻيا شريڪ آهن. خانگي ٽي وي چينل موجب اجلاس ۾ سياسي صورتحال ۽ حڪومتي ڪارڪردگي تي ڳالهيون ڪيون ويون ان کان سواءِ زاهد حامد جي استعيفيٰ ۽ ڌرڻي کان پوءِ جي صورتحال جو به جائزو ورتو ويو، وفاقي گهرو وزير احسن اقبال ڌرڻي ۽ ڳالهين واري عمل تي بريفنگ ڏني، اجلاس ۾ شريف فيملي خلاف ٻڌڻي هيٺ ڪيسن تي به ڳالهيون ٿيون. نواز شريف جي صدارت هيٺ اجلاس ۾ مسلم ليگ ن جي عوامي رابطا مهم تي ڳالهيون ۽ نين تڪ بندين بابت آئيني ترميم تي به ڳالهيون ٿيون



E-Paper




Jobs




Advertising