سپريم ڪورٽ پاران پيڪ ٿيل کير جي پي سي ايس آءِ آر جو پاڻ معائنو ڪرڻ ٻن هفتن ۾ رپورٽ طلب پيش ڪرڻ جو حڪم،،، مافيا جون ڳالهيون سڀ ڪن ٿا پر ڪير به نالو نه ٿو کڻي: چيف جسٽس،،، ٽئنڪر مافيا بڻجي ويا آهن، کين منهن ڏينداسين، پنهنجي فيصلن تي عمل ڪرائينداسين: جسٽس ميان ثاقب نثار،،، سيڪريٽري صحت کي حڪم ڪيو ته انجيڪشن کي ضبط ڪرڻ جو ڪم ڊرگ انسپيڪٽر کي ڏنو وڃي، ايف آءِ اي، ڊرگ انسپيڪٽرز، ڊسٽري بيوٽرز ۽ ريٽيلرز جي اسٽاڪ جو جائزو ورتو وڃي، عدالت پاران حڪم،،، چيف سيڪريٽري رضوان ميمڻ، سيڪريٽري صحت فضل الله پيچوهو، ايم ڊي واٽر بورڊ هاشم رضا زيدي، ايڊووڪيٽ جنرل سنڌ سميت ٻيا وڪيل عدالت ۾ پيش،،، سمورن اختيارين جا ٿورا مڃان ٿو ته موڪل واري ڏينهن به حاضر ٿيا آهن، عوامي مفاد جو معاملو آهي، سڀني کي گڏجي ڪم ڪرڻو پوندو: عدالت *** ڏيهه ۽ ڏيساور جي ماهرن مڪلي جي تاريخي قبرستان کي سنڌ سميت سڄي دنيا جو عالمي ورثو قرار ڏيئي ڇڏيو،،، هتي اچي خبر پئي ته سنڌواسين جي رهڻي ڪهڻي ۽ ڌارين سان ويڙهه ۽ مختلف وقتن تي ٿيندڙ حملن جي تاريخ سان سمايل آهي: عالمي ماهر،،، سنڌ جي اڳوڻي راڄڌاني ٺٽي ۽ مڪلي جي قديم آثارن ۽ لٽريچر جو جائزو وٺڻ کانپوءِ سندن سنڌ جي تهذيب بابت خيال بدليو آهي: ماهر،،، هتي نه رڳو ارغون، ترخان ۽ ٻين حملي آورن جي تاريخ ملي ٿي پر هتان جي سمان دور جي عظيم حاڪم ڄام نظام الدين ۽ سندس سپهه سالار شهيد دولهه دريا خان جي عظيم طرز حڪمراني جا ڪهڙا مثال موجود آهن،،، اسپين، يونيسڪو جي نمائندي راند اسپچ، ايراني مهدي توسولي، لبنان مان آيل آرڪيالاجي ماهر پول گرام، يو ڪي مان آيل ماهر رُٿ ينگ، فرانس مان آيل ٿامس لورين، آمريڪا مان آيل مارگريٽ گريوز جو خطاب *** عوام فوجي نمائندو بڻجي ڄاڻ وٺندڙ ٺڳن کان هوشيار رهي: آءِ ايس پي آر،،، ڪجهه ماڻهو پاڪ فوج جا نمائندا بڻجي ماڻهن کي ٽيليفون ڪالز ڪري رهيا آهن جنهن ۾ آدمشماري جي ڄاڻ جي بهاني انهن جي بينڪ اڪائونٽ جا تفصيل ۽ سڃاڻپ ڪارڊ نمبر پڇيو وڃي ٿو: ترجمان *** قصور سانحو پنجاب پوليس جي نااهلي جو ثبوت آهي: اعتزاز احسن،،، سعودي عرب جي دوري دوران شهباز ۽ نواز شريف وچ ۾ هٽ ڌرمي جو ثبوت آهي *** ڪراچيءَ جي علائقي ڊفينس ۾ گاڏي نه بيهارڻ تي پوليس هٿان نوجوان قتل *** چونڊن بعد وزيراعظم ٿيس ته ايندڙ سال صدر ٽرمپ سان ملاقات ڪندس: عمران خان *** اليڪشن 2018ع ۾ آهي، اليڪشن ۽ احتساب گڏوگڏ ٿيڻ گهرجن: سراج الحق،،، ملڪ جي عوام جو علاج ڪرپٽ حڪمرانن وٽ ناهي: امير جماعت اسلامي ***لاڙڪاڻي ۾ قصور واقعي خلاف سياسي سماجي تنظيمن جو احتجاجي مظاهرو،،، زينب اڪيلي ٻارڙي نه آهي جيڪا وڏي وحشت ۽ ظلم جو شڪار ٿي هجي اڳ به ڪيئي واقعا ٿيا آهن: اڳواڻ،،، سنڌ سميت ملڪ ۾ جتي به ناانصافي ۽ ظلم ٿئي ٿو ان خلاف وڏي جدوجهد ميڊيا جي هجي ٿي *** قصور ۾ معصوم نينگري زينب کي زيادتي ڪري قتل ڪرڻ واري واقعي خلاف احتجاج،،، جيڪڏهن ڪنهن حڪمران جي گهر ڀاتين سان اهڙو واقعو پيش اچي ها ته سڄي پنجاب حڪومت حرڪت ۾ اچي وڃي ها : اڳواڻ *** قائد عوام يونيورسٽي نوابشاهه ۾ جعلي پي ايڇ ڊي جي ڊگري جو انڪشاف، سند ڏيندڙ ترقي به ماڻي ورتي،،، هائير ايجوڪيشن ڪميشن پاران انهيءَ عالمي، علمي چوريءَ جو سخت نوٽيس وٺندي پي ايڇ ڊي ڪندڙ ڪشن چند مڪواڻو ۽ سندس گائيڊ پروفيسر سليم سمون خلاف انڪوائري شروع ڪري ڇڏي،،، ڪشن چند مڪواڻو ماحوليات جي موضوع تي چين جي هڪ ڏاهي عورت جو لکيل تحقيقي مقالو لفظي ڦير ڦار ڪري پنهنجي نالي سان ڄاڻائي 22 هون گريڊ حاصل ڪري ورتو،،، هائير ايجوڪيشن ڪميشن 22 هون گريڊ حاصل ڪرڻ واري معاملي جي جاچ لاءِ ڇهن سينيئر پروفيسرن تي مشتمل جاچ ڪاميٽي جوڙي ڇڏي،،، جاچ ڪاميٽي ۾ ڊاڪٽر بشير احمد ميمڻ ڪنووينر، ڊاڪٽر عبدالرزاق مهر خيرپور يونيورسٽي، ڊاڪٽر رسول بخش مهر مهراڻ يونيورسٽي ڄامشورو ۽ ٻيا شامل،،، پي ايڇ ڊي جي ڊگريءَ تي گائيڊ ۽ اڳوڻي پرووائيس چانسلر ڊاڪٽر سليم رضا سمون کي 22هون گريڊ ۽ ڪشن چند مڪواڻو کي پي ايڇ ڊي جي ڊگري سان نوازيو ويو *** سکر جي خانگي اسڪول ۾تقريب، معصوم زينب کي ڀيٽا پيش،،، اسلامي جمهوريه پاڪستان ۾ اهڙا و اقعا افسوسناڪ آهن: اڳواڻ،،، ملوث جوابدارن خلاف سخت ڪاروائي ڪري عبرت جو نشان بڻايو وڃي *** ڪراچي ۾ ايم ڪيو ايم لنڊن جي اڳواڻ پروفيسر حسن ظفر جو لاش هٿ،،، پوليس طرفان آندل لاش تي ڪنهن به قسم جي تشدد جا نشان نه آهن ۽ سندس موت طبي ٿي سگهي ٿو: ڊاڪٽر ***

لاهور جي فٽبال هائوس تي قبضي خلاف لاڙڪاڻي ۾ احتجاجي مظاهرو


2017-11-06

لاڙڪاڻو(بيورو رپورٽ) لاهور جي فٽبال هائوس تي قبضي خلاف لاڙڪاڻي ۾ ڊسٽرڪٽ فٽبال ايسوسئيشن طرفان شهر جي جناح باغ چوڪ تي هٿن ۾ پلي ڪارڊ ۽ بئنر کڻي احتجاجي مظاهرو ڪري قبضا مافيا خلاف سخت نعريبازي ڪئي وئي. ان موقعي تي اڳواڻن سنڌ فٽبال ايسوسئيشن سنڌ جي جوائنٽ سيڪريٽري عبدالغني ڪنڀر، ضلعي جنرل سيڪريٽري محمد اسماعيل بروهي، وائس چيئرمين محمد يونس بلوچ، عرفان علي گاد، جوائنٽ سيڪريٽري جاويد احمد عباسي، خزانچي احمد علي سومرو ۽ ٻين چيو ته ڪجهه وقت اڳ وفاقي حڪومت هن وقت فٽبال فيڊريشن آف پاڪستان کي معطل ڪيو هو جنهن کان پوءِ لاهور واري مرڪزي آفيس تي بااثر قبضا مافيا ۽ انهن جي ساٿين طرفان قبضو ڪيو ويو آهي، اهڙي عمل سان پوري ملڪ جي فٽبال رانديگرن جي دل آزاري ٿي آهي. اڳواڻن سپريم ڪورٽ آف پاڪستان ۽ هاءِ ڪورٽ لاهور جي چيف جسٽس سميت ٻين اعليٰ اختيارين کي اپيل ڪئي ته لاهور فٽبال هائوس جو قبضو مخدوم فيصل صالح حيات حوالي ڪري پوري ملڪ جي فٽبال رانديگرن ۾ ڇانيل پريشاني ختم ڪئي وڃي ٻي صورت احتجاج جو دائرو وڌايو ويندو.



قومي ڪرڪيٽ ٽيم سريلنڪا کي 36 رنسن تان شڪست ڏئي، ٽي ٽوئنٽي سيريز ۾ 0-3 تان وائيٽ واش ڪري ڇڏيو


2017-10-30

لاهور (اسپورٽس نيوز) قومي ڪرڪيٽ ٽيم سريلنڪا کي 36 رنسن تان شڪست ڏئي ٽي ٽوئنٽي سيريز ۾ 0-3 تان وائيٽ واش ڪري ورتو آهي. سريلنڪن ڪرڪيٽ ٽيم پاڪستان خلاف لاهور ۾ کيڏيل آخري ٽي ٽوئنٽي ميچ ۾ ٽاس کٽي پهريان فيلڊنگ جو فيصلو ڪيو ۽ دعوت ملڻ کانپوءِ پهريان بيٽنگ ڪندي گرين شرٽس مقرر اوورن ۾ ٽن وڪيٽن جي نقصان تي 180 رنسون ٺاهيون. پاڪستان طرفان شعيب ملڪ بهترين بيٽنگ جو مظاهرو ڪندي 24 بالن تي 51 رنسن جي شاندار اننگز کيڏي، جڏهن ته عمر امين 45، فخر زمان 31، بابر اعظم 34 ۽ فهيم اشرف 13 رنسون ٺاهيون. سريلنڪا طرفان سنجايا، مناويرا ۽ اوڊانا هڪ – هڪ وڪيٽ ورتي. جواب ۾ سريلنڪن ٽيم مقرر اوورن ۾ 9 وڪيٽن جي نقصان تي 144 رنسون ٺاهي سگهي. سريلنڪا طرفان شناڪا 54 رنسن جي شاندار اننگز کيڏي، ٻين رانديگرن ۾ چتورنگا 21، پراسنا 16، پٿيرانا 14 ۽ ڪپتان ٿسارا پريرا 10 رنسون ٺاهي اڳڀرا رهيا. پاڪستان طرفان محمد عامر 4، فهيم اشرف 2، جڏهن ته عماد وسيم، محمد حفيظ ۽ حسن علي هڪ – هڪ وڪيٽ ورتي. قومي ٽيم سريلنڪا کي ٽي ٽوئنٽي سيريز ۾ 0-3 تان ڪلين سوئيپ ڪري ورتو آهي. پاڪستاني ڪرڪيٽ ٽيم سريلنڪا کي آخري ٽي ٽوئنٽي ميچ ۾ ڪاميابيءَ لاءِ 181 رنسن جو ٽارگيٽ ڏئي ڇڏيو آهي. لاهور ۾ ٽاس هارائي دعوت ملڻ کانپوءِ پهريان بيٽنگ قومي ٽيم مقرر اوورن ۾ ٽن وڪيٽن جي نقصان تي 180 رنسون ٺاهيون. پاڪستان طرفان شعيب ملڪ بهترين بيٽنگ جو مظاهرو ڪندي 24 بالن تي 51 رنسن جي شاندار اننگز کيڏي، جڏهن ته عمر امين 45، فخر زمان 31، بابر اعظم 34 ۽ فهيم اشرف 13 رنسون ٺاهيون. سريلنڪا طرفان سنجايا، مناويرا ۽ اوڊانا هڪ – هڪ وڪيٽ ورتي. واضح رهي ته قومي ٽيم ٽن ميچن جي سيريز اڳ ئي 0-2 تان پنهنجي نالي ڪري چڪي آهي



راندين واري صوبائي وزير سردار محمد بخش خان مهر پاران سرحد شهر جي لاءِ اسپورٽس ڪامپليڪس ٺاهڻ جو اعلان


2017-10-25

سرحد(ن هلچل) راندين واري صوبائي وزير سردار محمد بخش خان مهر پاران سرحد شهر جي لاءِ اسپورٽس ڪامپليڪس ٺاهڻ جو اعلان.لاهور کانپوءِ هاڻي ڪراچي ۾ به ڪرڪيٽ بهال ڪرڻ جي لاءِ گڏيل ڪوششون جاري آهن ۽ جلد پي ايس ايل ميچون ڪرايون وينديون جنهن سان انٽرنيشل ڪرڪيٽ جي بهالي جي شروعات ٿي ويندي.سنڌ جي رانديگرن کي به ملڪي ٽيم موقعو ضرور ملندو، پي سي بي سان ڳلهيون هلي رهيون آهن.،ٻن مهينن جي اندر سنڌ گيمز جو انعقاد ڪيو ويندو،هي پهريون ڀيرو آهي ته سنڌ جي صوبائي وزير تمام گھڻي تعداد ۾ راندين جا موقعا فراهم ڪيا آهن ۽ ايندڙ وقت ۾ پوري سنڌ ۾ راندين جون سرگرميون ڪرائڻ لاءِ منصوبابندي جاري آهي.سرحد شهر مهنجي تڪ جو وڏو شهر آهي تمام جلد هن کي ٽائون يا تعلقي جو درجوو ڏياريو ويندو ۽ هتان جي لاءِ ترقياتي پيڪيج ڏنو ويندو. راندين وارو صوبائي وزير.تفصيل موجب راندين واري صوبائي وزير سردار محمد بخش خان مهر ڪجھ ڏينهن پهريان چاند ڪاٽن فيڪٽري کي باهه لڳڻ واري واقعي کانپوءِ ان جو دورو ڪيو ان موقعي تي فيڪٽري جو مالڪ ڊاڪٽر ثناءُ الله، چوڌري فيضان، بابر علي مهر، حاجي حبيب الله، ڊاڪٽر ايوب مهر، راڻا رجب، اسلام خان مهر ۽ ٻيا پڻ موجود هئا. صوبائي وزير محمد بخش خان مهر ميڊيا سان ڳالهائيندي چيو ته سنڌ جي اندر راندين جي بهتري ۽ ترقي وٺائڻ لاءِ سٺو ڪم ڪيو آهي ۽ وڌيڪ بهتر بڻائڻ لاءِ ڪوششون جاري آهن سنڌ ۾ سڀ کان پهريان سنڌ گيمز ڪرائڻ جي منصوبابندي آهي جنهن جي تاريخ کي حتمي شڪل ڏني پئي وڃي ۽ انشاءَ الله هن سردين ۾ ان جو انعقاد يقيني بڻايو ويندو، پاڪستان ۾ انٽرنيشنل ڪرڪيٽ جي بهالي لاءِ پي سي بي گڏ ڪوششون جاري آهن ان سلسلي ۾ پي ايس ايل جون 4 ميچون ڪراچي ۾ ڪرائڻ تي زور ڏيون پيا جنهن کانپوءِ ڪراچي ۾ به انٽرنيشنل ميچون ٿي سگھنديون. وڌيڪ هن جو چوڻ هو ته سنڌ جي رانديگرن کي نظرانداز ڪرڻ وارو تاثر ڪنهن حد تائين صحيح آهي ليڪن پي سي بي سان اسان جو ڳالهيون جاري آهن ۽ جلد خوشخبري ملندي. نجم سيٺي سان ملاقات نه ٿيڻ جي سوال جي جواب ۾ هن جو چوڻ هو ته مقروفيات سبب ملاقات نه ٿي سگھي ليڪن وزير اعليٰ سنڌ سيد مراد علي شاهه به راندين ۾ تمام گھڻي دلچسپي رکي ٿو ۽ هن سڪيورٽي جي به ذميواري کنئي آهي،راندين واري صوبائي وزير پاران پنهنجي ئي تڪ جي شهر سرحد لاءِ اسپورٽس ڪامپليڪس ٺاهڻ جو پڻ اعلان ڪيو ۽ چيو ته پي ايس 8 جي عوام جي لاءِ جلد از جلد وڏي پراجيڪٽ جو افتتحاح ڪيو ويندو جنهن هتان جي روڊن جي مرمت، ڊرينيج سسٽم، گئس جي فراهمي ۽ ٻيا ترقياتي ڪم پڻ ڪرايا ويندا. سرحد شهر کي 6 يوسين ۾ ورهائڻ واري سوال جي جواب ۾ هن جو چوڻ هو ته هن معاملي تي سنجيدگي سان ڏسون پيا ۽ ڪوشش آهي ته سرحد شهر کي جلد ٽائون يا تعلقي جو درجو ڏياريو ويندو.



لاڙڪاڻو تعليمي بورڊ جي نگراني هيٺ ٿيل پاڪستان انٽر بورڊ بوائز هاڪي چئمپين شپ پنهنجي پڄاڻي تي پهتي


2017-10-20

لاڙڪاڻو(بيورو رپورٽ) لاڙڪاڻي جي کهڙو اسپورٽس ڪامپليڪس گرائونڊ تي لاڙڪاڻو تعليمي بورڊ جي نگراني هيٺ ٿيل پاڪستان انٽر بورڊ بوائز هاڪي چئمپين شپ پنهنجي پڄاڻي تي پهتي، چمپيئن شپ جو فائنل مقابلو ڪالهه لاهور بورڊ ۽ ڊيرا اسماعيل خان بورڊ جي ٽيمن وچ ۾ کيڏيو ويو، جنهن ۾ لاهور جي ٽيم 6-1 تان هارائي چئمپين شپ پنهنجي نالي ڪري ورتي، فائنل ۾ لاهور طرفان ڪپتان عمر بشير شاندار راند جو مظاهرو ڪندي 2، منان، عامر، فاروق ۽ صوفيان هڪ-هڪ گول اسڪور ڪري ٽيم کي ڪاميابي ڏيارڻ ۾ اهم ڪردار ادا ڪيو، ڪاميابي ماڻڻ بعد لاهور جي رانديگرن طرفان سڄي گرائونڊ تي جهمريون هڻي خوب جشن ملهايو ويو، رانديگر هڪ ٻئي کي ڀاڪر پائي مبارڪون ڏيندا رهيا. چئمپين شپ ۾ ٽئين پوزيشن ماڻڻ لاءِ بنون بورڊ ۽ ميزبان لاڙڪاڻو بورڊ وچ ۾ مئچ کيڏي وئي، جنهن ۾ بنون جي ٽيم ميزبان لاڙڪاڻي جي ٽيم کي 6-0 تان بدترين شڪست ڏئي ڪاميابي ماڻي. مئچ ۾ بنون جي ٽيم طرفان ڪپتان سمي 2 گول ڪيا. اهڙيءَ ريت مئچن بعد قومي ترانو پڙهيو ويو، بعد ۾ سمبارا اسڪول جي شاگردن ۽ شاگردياڻين طرفان قومي نغمي تي شاندار ٽيبلو پيش ڪيو ويو، جنهن ۾ سنڌ، پنجاب، ڪي پي ڪي، بلوچستان، گلگت-بلتستان ۽ آزاد ڪشمير جي ثقافت کي بهترين نموني سان ڏيکاريو ويو. آخر ۾ انعام ورهائڻ واري تقريب ٿي گذري، جنهن ۾ بنون تعليمي بورڊ جي چيئرمين جهان دادا خان مهمان خاص طور شرڪت ڪئي، تقريب ۾ ڪوهاٽ تعليمي بورڊ جي چيئرمين عبدالرقيب خان، لاڙڪاڻو تعليمي بورڊ جي ڊائريڪٽر احمد علي بروهي ۽ ٻين شرڪت ڪئي، جن چئمپين شپ جي فاتح توڙي رنر اپ ٽيمن ۽ رانديگرن ۾ ٽرافيون، شيلڊون ۽ ميڊل تقسيم ڪيا، ان سان گڏ شاندار ٽيبلو پيشن ڪرڻ تي مهمانن طرفان سمبارا اسڪول جي ٻارڙن لاءِ گڏيل طور 25 هزار روپيا انعام ڏنو ويو. ان موقعي تي بنون تعليمي بورڊ جي چيئرمين جهان دادا خان خطاب ڪندي چيو ته لاڙڪاڻو تعليمي بورڊ هڪ سٺو ٽورنامينٽ ڪرايو، جنهن دوران بهترين انتظام ڏسڻ ۾ آهيان، اسان سندن مهمان نوازي ڪڏهن به وساري نٿا سگهون. هن چيو ته اسان وٽ هاڪي ۾ به بهترين ٽئلينٽ موجود آهي، جيڪو چئمپين شپ دوران نظر آيو، هاڪي کي هٿي وٺرائڻ لاءِ سڀ بورڊ گڏجي ڪم ڪري رهيا آهن، جيڪڏهن رانديگر ائين ئي پرفارم ڪندا رهيا ته مستقبل ۾ ملڪ جو نالو روشن ڪندا. واضع رهي ته چئمپين شپ ۾ لاڙڪاڻو تعليمي بورڊ، لاهور تعليمي بورڊ، ڪراچي تعليمي بورڊ، بنون تعليمي بورڊ، حيدر آباد تعليمي بورڊ، سکر تعليمي بورڊ، پشاور تعليمي بورڊ، پشاور ٽيڪنيڪل بورڊ، گجرانوالا تعليمي بورڊ، مالاڪنڊ تعليمي بورڊ، مردان تعليمي بورڊ، بهالپور تعليمي بورڊ، ايبٽ آباد تعليمي بورڊ، ڪوهاٽ تعليمي بورڊ سميت 16 ٽيمن حصو ورتو، جنهن ۾ لاهور جي ٽيم ڪاميابي ماڻي ورتي آهي، ڪجھ ڏينهن اڳ ساڳئي گرائونڊ تي ٿيل پاڪستان هاڪي گرلز چئمپين شپ ۾ به لاهور جي رانديگرياڻين ڪاميابي ماڻي هئي.



آزادي ڪپ 2017 جي لوگو جي لاهور ۾ پڌرائي


2017-09-07

لاهور ۾ آزادي ڪپ 2017 جي لوگو جي پڌرائي ٿي، چيئرمين پي سي بي نجم سيٺي جو چوڻ هو ته آزادي ڪپ ڪاميابي سان ٿيندو ته تڏهن ئي سريلنڪا ۽ ويسٽ انڊيس جون ٽيمون پاڪستان جو دورو ڪنديون، ڪراچي جي حالتن کان اسان مطمئن آهيون پر انٽرنيشنل ڪميونٽي ناهي، پر پي ايس ايل جون ميچون ڪراچي ۾ ڪرائڻ جي ڪوشش ڪنداسين. آزادي ڪپ جي ٽڪيٽس جي حوالي سان ڪنهن سان به زيادتي نه ٿا ڪيون، ورلڊ اليون جو پاڪستان جو دورو ۽ هن ايونٽ جي ڪاميابي سان مستقبل ۾ ملڪ ۾ وڌيڪ ڪرڪيٽ جا مقابلا ٿيندا، اسان کي دنيا کي پاڪستان جو منفي نه پر مثبت چهرو ڏيکارڻو آهي



پاڪستان ايٿليٽڪس ٽيم کي ڀارت جا ويزا ملي ويا


2017-07-01

پاڪستان ايٿليٽڪس ٽيم کي ڀارت جا ويزا ملي ويا، 6 رڪني قومي ٽيم سومر تي ايشين چيمپيئن شپ ۾ شرڪت جي لاءِ ڀارت روانه ٿيندي، هڪ رانديگر ۽ آفيشل کي ويزا جاري نه ٿي. ايشين ايٿليٽڪس چيمپيئن شپ ڀارت جي شهر ڀونيشور ۾ شروع ٿيندي جنهن جي لاءِ پاڪستاني رانديگرن ۽ آفيشلز کي ويزا جاري ڪيا ويا آهن. پاڪستان ايٿليٽڪس فيڊريشن جي صدر جنرل رٽائرڊ اڪرم ساهي ٻڌايو ته پاڪستان جي 6 رڪني ٽيم چار سو ميٽر ريس ۾ حصو وٺندي، چار سو ميٽر رڪاوٽن واري ريس ۽ ريلي ۾ پڻ پاڪستاني ٽيم حصو وٺندي. اسلامڪ گيمز ۾ ساڳي ٽيم چاندي جو تمغو حاصل ڪيو هو، پاڪستان جي 6 رڪني ٽيم ۾ نوڪر حسين، محبوب علي، مظهر علي، وقار يونس، اسد اقبال ۽ نديم ارشد شامل آهن. نشاط علي کي ويزا جاري نه ٿيو ان جي جڳهه تي وقار يونس کي ٽيم ۾ شامل ڪيو ويو آهي.



اسٽار ڪريڪيٽر شاهد آفريدي جا سنڌ حڪومت کي مهڻا


2017-05-08

اسٽار بيٽسمين ۽ پاڪستان جي نامياري رانديگر شاهد آفريدي هڪ نجي تقريب ۾ سنڌ حڪومت کي مهڻو ڏيندي چيو ته پيپلز پارٽي جي حڪومت نه ٿي چاهي ته سنڌ اندر راندين جون سرگرميون ٿين.



E-Paper




Jobs




Advertising